La Oliva

La Oliva
	Bandeira
Localización
	28°37′00″N 13°56′00″O / 28.6167, -13.9333
Estado	España
Comunidade autónoma	Illas Canarias
Provincia	Las Palmas
Poboación
Poboación	29.099 (2023) (81,71 hab./km²)
Xeografía
Superficie	356,13 km²
Bañado por	Océano Atlántico
Altitude	219 m
Comparte fronteira con	Puerto del Rosario
Creación	1500 (Gregoriano)
Organización política
• Alcaldesa	Claudina Morales Rodriguez (en)
Identificador descritivo
Código postal	35640
Fuso horario	UTC+01:00
Código INE	35014
Sitio web	laoliva.es

Para outras páxinas con títulos homónimos véxase: La Oliva (homónimos).

La Oliva é un municipio español pertencente á provincia das Palmas, nas Canarias. Está situado no norte da illa de Fuerteventura. La Oliva foi a capital da illa ata 1880.

Xeografía

Neste municipio atópanse dous parques naturais, o Parque Natural de Corralejo, que inclúe as súas singulares dunas, e o Parque Natural do Illote de Lobos, que comprende a illa de Lobos en toda a súa extensión, que lle pertence administrativamente.

A Montaña de Tindaya, un dos principais xacementos de manifestacións rupestres da illa, era considerada máxica polos guanches.

A vexetación do municipio está caracterizada pola matogueira espinos (como a aulaga ou a matamoros).

Destacan as praias do Cotillo e Corralejo o que permitiu o desenvolvemento turístico do municipio. Nas súas costas danse as condicións necesarias para a práctica de deportes como o surf, o wíndsurf, submarinismo etc.

Demografía

Os principais núcleos de poboación son Corralejo (13.618 habitantes), Villaverde (1.525 habitantes) e La Oliva (1.295 habitantes) (INE 2008).

Evolución demográfica
1900	1930	1950	1970	1981	2000	2010
2.464	2.287	1.964	2.250	3.790	10.578	22.351

Lugares de interese cultural

Casa de los Coroneles: fundada en 1650, en tempos señoriales, o edificio albergaba aos coroneis das milicias. Ostentaban o poder militar e a partir do século XVIII tamén o civil.
Casa de la Cilla: antigo almacén, actualmente é sede do Museo do gran. Este museo está dedicado ás tarefas agrícolas ao redor da obtención do gran.
Monumento a Unamuno: Miguel de Unamuno estivo desterrado uns meses en Fuerteventura en 1924. É obra do escultor Juan Borges Linares e está situada en Montaña Queimada.
Centro de Arte Canario: expón arte contemporánea desenvolvido por artistas canarios.

Véxase tamén

Ligazóns externas

Sitio oficial do concello (en castelán)