Atlant Moscow Oblast

Metallurg Magnitogorsk Металлург Магнитогорск
Fundación	1953
Cidade	Mytishchi, Óblast de Moscova Rusia
Estadio	Mytishchi Arena (7.000 espectadores)
Liga	Kontinental Hockey League
Conferencia	Oeste
División	Tarasov
Adestrador	Janne Karlsson
Cores	Azul e amarelo
Na rede
http://atlant-mo.ru/

O Atlant Moscow Oblast (en ruso ХК Атлант Московская область) é un equipo profesional de hóckey sobre xeo da cidade de Mytishchi, no óblast de Moscova (Rusia). Actualmente compite na División Tarasov da Kontinental Hockey League (KHL), competición á que pertence dende a súa creación en 2008.

Historia

O Atlant Moscow foi fundado o 20 de decembro de 1953 baixo o nome de Khimik (denominación que mantivo ata 2008) en Voskresensk. Khimik xogou o seu primeiro partido o 27 de decembro de 1953. O éxito inmediato do Khimik permitiulle xogar o campionato da Unión Soviética. Á fronte do equipo estaba o adestrador-xogador Nikolai Epstein. En tres anos, o Khimik conseguiu ascender á máxima categoría do hóckey sobre xeo soviético. Entre 1984 e 1965 conseguiu tres medallas de bronce. En 1989 o equipo gañou a medalla de prata dirixido polo prestixioso adestrador Vladimir Vasiliyev, un gran logro para un equipo dunha cidade pequena. Ademais o equipo formou a grandes xogadores, incluíndo os campións da Stanley Cup Igor Larionov e Valeri Kamensky.

Na primavera de 1998, co 45 aniversario do club, o seu status cambiou, pasando a representar non só á cidade de Voskresensk, senón a todo o óblast de Moscova. Durante a tempada 2005-06, o equipo trasladouse de Voskresensk a Mytishchi. Logo disto mudou o seu nome polo de Atlant, antes do seu ingreso na Kontinental Hockey League (KHL). O logo do novo equipo representa un can pastor de Asia Central.

Denominacións

• Khimik Voskresensk (1953-1955)
• Khimik Moscova (1955-1957)
• Khimik Voskresensk (1957-1998)
• Khimik Óblast de Moscova (1998-2008)
• Atlant Moscow Oblast (2008-presente)

Estatísticas na KHL

Lenda: PX = Partidos xogados, V = Vitorias, VTE = Vitorias no Tempo Extra , SOL = Derrotas Penalty Shootout, D = Derrotas, GF = Goles a favor, GC = Goles en contra, Pts = Puntos

Tempada	PX	V	VTE	SOL	D	Pts	GF	GC	Clasificación	Play-offs
2008–09	56	35	7	3	11	122	189	111	2º da División Bobrov	Perdeu nas semifinais de conferencia, 1-3 (Metallurg Magnitogorsk)
2009–10	56	24	13	3	16	101	173	137	2º da División Tarasov	Perdeu nos cuartos de final de conferencia, 1-3 (Lokomotiv Yaroslavl)
2010–11	54	21	11	6	16	91	138	115	2º da División Tarasov	Perdeu nas finais, 1-4 (Salavat Yulaev Ufa)
2011–12	54	20	11	4	19	86	130	134	2º da División Tarasov	Perdeu nas semifinais de conferencia, 2-4 (SKA San Petersburgo)

Véxase tamén

Ligazóns externas

• Sitio web oficial (en ruso)