Edificio Bonín

Edificio Bonín
	Edificio facendo chafrán nas rúas Areal e Cidade do Porto
Tipo	edificio
Estilo	Eclecticismo
Localización
	42°14′20″N 8°43′01″O / 42.2389, -8.717
Estado	España
Comunidade autónoma	Galicia
Provincia	provincia de Pontevedra
Concello	Vigo
Localización	Rúa do Areal/Cidade do Porto Vigo (Galiza)
Construción
Fundación	1909
Implicados
Arquitecto	Jenaro de la Fuente Domínguez
Contratista	Antonio González Romero
	[ Wikidata ]

O Edificio Bonín, ou Casa Bonín, é un monumental inmoble de planta baixa e tres andares, situado na rúa Areal, esquina rúa Oporto, de Vigo. Foi proxectado no ano 1909 polo arquitecto galego Jenaro de la Fuente Domínguez (1851-1922).^[1]

Historia e descrición

Foi promovido polos indianos Manuel Rodríguez Rodríguez e Angelina Bonín que estiveran emigrados en Guayaquil (Ecuador) e construído polo vigués Antonio González Romero.

É unha das obras emblemáticas do eclecticismo de acentos franceses que caracteriza ao ensanche vigués. Mantén na súa composición o repartimento regular de vans e amosa un excelente tratamento granítico cunha espectacular e recargada ornamentación que reflicte a perfección alcanzada polos mestres canteiros locais. Entre os elementos decorativos da fachada aparecen falsas claves, máscaras de rostros monstruosos, frontóns decorados con motivos vexetais enmarcados por arcos, balcóns corridos enmarcados por columnas xónicas e corintias e ménsulas decoradas.