Campo de Fútbol de Vallecas
| Estadio de Vallecas | |
|---|---|
 | |
| Datos | |
| Coordenadas | 40°23′31″N 3°39′32″O / 40.391944, -3.658961 |
| Localización | Vallecas, Madrid |
| Nomes antigos | Nuevo Estadio de Vallecas (1976-2004) Estadio Teresa Rivero (2004-2011) |
| Construción | |
| Inauguración | 10 de maio de 1976 |
| Estadio | |
| Superficie | Herba natural |
| Dimensións | 102 x 67 |
| Capacidade | 14.704 |
| Propietario | Concello de Madrid |
| Operadora | Comunidade de Madrid |
| Localía | Rayo Vallecano |
| Eventos | |
| |
| [ editar datos en Wikidata ] | |
O Estadio de Vallecas[1] é un estadio de fútbol situado no popular barrio de Vallecas, ao sueste da cidade de Madrid. Neste estadio xoga os seus partidos o Rayo Vallecano.
Está situado entre a rúa Payaso Fofó, onde se atopan as oficinas, a rúa Arroyo del Olivar e a Avenida de la Albufera, onde está a Tenda Oficial do equipo, na esquina do propio estadio).
Características
[editar | editar a fonte]Foi construído en 1973, no mesmo lugar onde estaba o antigo estadio, e ten capacidade para 15.500 espectadores sentados. Antigamente as tribunas de abaixo eran prazas de pé e podía ter capacidade para 20.000 persoas, pero a UEFA en 1996 cambiou as normas dos estadios para Primeira e Segunda División, e deste xeito quedou nas 15.500 prazas anteriormente mencionadas.
Nun principio, denominóuselle Novo Estadio de Vallecas. En 1992 a familia Ruiz-Mateos comprou o club e Teresa Rivero (muller de José María Ruiz-Mateos) converteuse en 1994 na primeira muller presidente dun club de fútbol de Primeira División. Desde xaneiro de 2004 ata 2011 o estadio levou o seu nome.
En 2011, o Rayo Vallecano inscribiu ao estadio na LFP coa denominación de "Campo de Fútbol de Vallecas", polo que este é o nome oficial.[2]
Grandes nomes da música como Bob Dylan en 1980, Miguel Ríos, Luz Casal, e Leño (1983), Barricada en 1986 ou Metallica en 1992, entre outros, actuaron en devandito estadio. Queen actúo no estadio o 3 de agosto de 1986, sendo este o penúltimo concerto de Queen en terras españolas coa formación orixinal (dous días despois actuaron en Marbella).
Nos fondos dunha das porterías non ten bancada, tan só paneis informativos.
Pódese chegar a el a través da estación de Portazgo, da Liña 1 do Metro de Madrid.
Nel disputouse a 1ª Fase Final da Liga Superibérica de rugby (2009). Tamén é a meta de chegada da San Silvestre Vallecana. Ese mesmo ano, en xuño, o club proxectou un novo estadio para o equipo.
En marzo de 2011 elimináronse as vallas que arrodeaban o terreo de xogo separándoo das bancadas. Até a data, o estadio de Vallecas era o único en España que mantiña estas vallas de seguridade, que demostraran máis dunha vez ser máis que inseguras, polo que a súa retirada era un dos desexos que perseguía desde había anos a afección vallecana. Para realizar este cambio, foi necesario eliminar as dúas primeiras filas de ambos os laterais para cumprir a normativa que esixe unha distancia mínima entre o terreo de xogo e os espectadores, non sendo necesario no fondo que xa está á distancia axeitada. Ao retirar estas localidades, o estadio diminuíu a súa capacidade en 796 espectadores, establecendo o total de espectadores posibles en 14.704.
Notas
[editar | editar a fonte]- ↑ "Estadio de Vallecas". Rayo Vallecano. Arquivado dende o orixinal o 08 de xullo de 2017. Consultado o 24 de xuño de 2019.
- ↑ LFP (26 de agosto de 2011). "Inscripción do Rayo Vallecano na LFP". Arquivado dende o orixinal o 07 de setembro de 2011. Consultado o 16 de setembro de 2011.
