Galegos nos Estados Unidos de América

Obreiros galegos ao servizo da Edison Portland Cement Company de New Village, Nova Jersey, en 1910.

Os galegos nos Estados Unidos de América ou galegoamericanos son os inmigrantes galegos, e os seus descendentes, que se asentaron nos Estados Unidos de América. En 2023 eran máis de 22 000.

Descrición

Galicia Sporting Club. Céltiga, 25 de agosto de 1926.

A migración galega aos Estados Unidos tivo lugar principalmente entre 1868 e 1930, aínda que houbo unha segunda vaga migratoria máis pequena a finais da década de 1940 e na de 1950, época na que os galegos chegaron a formar unha pequena comunidade en Newark.

Los Emigrantes Residentes en Tampa "Estados Unidos" que han Contribuido para la Construcción del Nuevo Cementerio de la Parroquia de San Bicente de la Baña.
TAMPA FLORIDA 30 DE AGOSTO DE 1907.

Censo electoral de galegos residentes nos EEUU por provincia de inscrición, a 1/9/2023
Provincia da Coruña	10.343
Provincia de Lugo	2.999
Provincia de Ourense	4.297
Provincia de Pontevedra	5.280
Total de galegos nos Estados Unidos	22.919

Hai varias personalidades galegas que viven ou viviron un tempo nos Estados Unidos, pero que non están nacionalizados norteamericanos, como a música Cristina Pato ou o mestre Anxo Brea. A lista de máis abaixo refírese só a aqueles que teñen a nacionalidade estadounidense con ascendencia total ou parcial galega.

Galegoamericanos notables

• Familia Estevez
  • Joe Estevez (n. 1946)
  • Martin Sheen (n. Ramón Gerardo Antonio Estévez, 1940)
    • Emilio Estevez (n. 1962; fillo de Martin)
    • Ramón Estevez (n. 1963; fillo de Martin)
    • Charlie Sheen (n.. Carlos Irwin Estévez, 1965; fillo de Martin)
    • Renée Estevez (n.. 1967; filla de Martin)
• Jerry Garcia (1 de agosto de 1942 - 9 de agosto de 1995) foi un músico e escritor de cancións.
• Ramón Verea – xornalista, enxeñeiro e escritor. Inventor dunha calculadora cunha táboa de multiplicar interna
• Familia Yglesias
  • José Yglesias – (29 de novembro de 1919 – 7 de novembro de 1995) foi un novelista e xornalista norteamericano. Yglesias naceu na sección de Ybor City de Tampa, Florida, e tiña descendencia galega (por parte de pai) e cubana.
    • Rafael Yglesias – Rafael Yglesias (12 de maio de 1954, Nova York) é un novelista e guionista norteamericano. Os seus pais foron o novelista José Yglesias e Helen Yglesias.
      • Matthew Yglesias – Matthew Yglesias (18 de maio de 1981) é un xornalista económico norteamericano e blogueiro político.
• Perez Hilton – Mario Armando Lavandeira, Jr. (nado o 23 de marzo de 1978), coñecido profesionalmente como Perez Hilton é un blogueiro norteamericano e personaxe da televisión.
• Carmen Fariña é unha mestra e política.
• Octavio Vazquez (n. 1972) é un compositor e profesor do Nazareth College (Nova York).

Véxase tamén

Bibliografía

• Álvarez Estévez, Mónica (2020). "Entre dos orillas: la inmigración gallega en Nueva York. Morriña e identidades transnacionales". Estudios del Observatorio/Observatorio Studies (en castelán) (Instituto Cervantes at FAS - Harvard University ed.). ISSN 2688-2930.
• García-Rodeja Arribí, Carmen; Pérez Rey, Nancy (2007). "Mulleres galegas na emigración das Mariñas a Nova York". VII Congreso Internacional de Estudos Galegos 2. Ediciós do Castro. pp. 425–435. ISBN 978-84-8485-266-7.
• Miranda Barreiro, David. "A emigración galega en Nova York e Nova Jersey". www.newyork.gal.
• Pena, A.; Mesquita, M.; Vicente, P. (coord.) (2015). Emigración e exilio nos Estados Unidos de América: experiencias de Galicia e Azores. Santiago de Compostela: CCG. ISBN 978-84-92923-63-2. 
• Pérez Rey, Nancy (2001). Panorama do exilio galego en Nova York. Actas do congreso internacional “O exilio galego". Xunta de Galicia. pp. 600–614.

Outros artigos

• Diáspora galega

Ligazóns externas

• Galician Studies Research Group UW Arquivado 01 de febreiro de 2015 en Wayback Machine.
• Casa Galicia de Nova York (Unidade galega de EE.UU)
• Galicia Restaurant NYC
• Casa Galicia's St. Patrick's Day Parade, YouTube