Henri Moissan

Henri Moissan

(1906)
Biografía
Nacemento	28 de setembro de 1852 París, Francia
Morte	20 de febreiro de 1907 (54 anos) París, Francia
Causa da morte	Apendicite
Lugar de sepultura	Grave of Moissan (en) Cemiterio do Père-Lachaise, 81 48°51′48″N 2°23′37″L
Residencia	Francia
Relixión	Xudaísmo
Educación	École pratique des hautes études
Director de tese	Pierre Paul Dehérain (pt)
Actividade
Campo de traballo	Química
Ocupación	químico, farmacólogo, profesor universitario, farmacéutico
Empregador	Sorbona Universidade de París
Membro de	Royal Society (1905–) Accademia delle Scienze di Torino (1900–) Academia Naciona de Ciencias dos Estados Unidos (asociado estranxeiro da Academia Nacional de Ciencias) (1898–) Academia de Ciencias de Hungría Real Academia de Artes e Ciencias dos Países Baixos Academia francesa das ciencias Academia Nacional de Medicina (França) (pt) Academia de Ciencias de Rusia Academia Prusiana das Ciencias
Profesores	Edmond Frémy (pt)
Obra
Doutorando	Paul Lebeau (pt) e Maurice Meslans (pt)
Familia
Cónxuxe	Marie Léonie Lugan Moissan
Premios
(1906)  Premio Nobel de Química (11 de maio de 1905)  Membro estranxeiro da Royal Society (1903)  Medalha August Wilhelm von Hofmann (pt) (1898)  Medalla Elliott Cresson (1896)  Medalla Davy  comandante da Lexión de Honra  Cabaleiro da Lexión de Honra  Oficial da Lexión de Honra
Sinatura
Descrito pola fonte	Nordisk familjebok Grande Enciclopedia Soviética 1969-1978, (sec:Муассан Анри) Obálky knih,

Henri Moissan, nado o 28 de setembro de 1852 en París e finado o 20 de febreiro de 1907 tamén en París, foi un químico e profesor universitario de Francia, premio Nobel de Química en 1906.

Traxectoría

Estudou no Colexio de Meaux, no Instituto da Agronomía de París e no Instituto de Toxicoloxía. Traballou no Museo de Historia Natural de París e nos laboratorios de Edmond Frémy. Foi profesor na Escola Superior de Farmacia dende o 1879, chegando a impartir clases de química e toxicoloxía no 1886. Dende 1900 foi profesor de química na Universidade de París. Ingresou na Academia de Ciencias francesa no 1891.

Faleceu repentinamente en París no 1907, pouco despois da súa volta de Estocolmo, tras recibir o Premio Nobel. Non se sabe se os seus experimentos co flúor contribuíron á súa morte.

Investigacións científicas

Entre as súas contribucións científicas máis notábeis, no 1886 conseguiu illar o flúor en forma de gas amarelo verdoso, por electrólise dunha solución de fluorhidrato potásico en ácido fluorhídrico anhidro. A existencia do flúor coñecíase dende anos antes, mais todos os intentos por obtelo fracasaran, e incluso algúns investigadores morreran no intento.

Tamén ideou un forno de arco, capaz de acadar temperaturas de 4.100 °C, que permite reducir os minerais de certos metais, como o uranio, cromo, volframio, vanadio, manganeso, titanio e molibdeno.

No 1893, deu a coñecer o seu método de preparación de pequenos diamantes artificiais a partir de carbono disolto en ferro fundido, o que produceu unha gran sensación.

Foi un dos primeiros en realizar investigación acerca do calcio, descuberto en 1808, por Humphry Davy, conseguindo unha pureza do 99 % pola electrólise do ioduro de calcio (CaI₂).

Baixo a súa dirección traballou o farmacéutico galego, completando a súa formación, Xosé Casares Gil que foi o precursor do desenvolvemento actual da Química en España.

En 1906, foi galardoado con Premio Nobel de Química, polos seus experimentos sobre o illamento do flúor.

Ligazóns externas

• Páxina web do Instituto Nobel, Premio Nobel de Química 1906 (en inglés)
• Biografía na páxina do Instituto Nobel 1906 (en inglés)
• Perfil de Henri Moissan en NNDB (en inglés)

Predecesor: Adolf von Baeyer

Premio Nobel de Química 1906

Sucesor: Eduard Buchner