Hospital de la Santa Creu de Barcelona

Hospital de la Santa Creu de Barcelona
Galería do Hospital de la Santa Creu de Barcelona
Tipo	conxunto arquitectónico e antigo hospital
Epónimo	Vera Cruz
Estilo	arquitectura gótica, arquitectura do Renacemento e arquitectura barroca
Localización
41°22′52″N 2°10′12″L
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Barcelonès
Concello	Barcelona
Casco vello	Ciutat Vella de Barcelona
Barrio administrativo	El Raval
Enderezo	Hospital, 56
Datas
Fundación	1401 (Gregoriano)
Patrimonio cultural
Ben de Interese Cultural
Identificador	RI-51-0000419
Ben Cultural de Interese Nacional
Codi BCIN	29-MH
Codi BIC	RI-51-0000419
Id. IPAC	33
Id. Barcelona	691
Composto por
Composto por  Creu de l'Hospital de la Santa Creu (en)
[ Wikidata ]

O Hospital de la Santa Creu (en galego: Hospital da Santa Cruz) é un edificio gótico do século XV, situado na cidade de Barcelona, que se creou coa finalidade de axuntar nun só edificio os diferentes hospitais que había na cidade.

Historia e características

A primeira pedra do Hospital púxose o 1401 coa presenza do rei Martiño I. O edificio, obra de Guillem d'Abriell, planificouse dunha maneira grandiosa en catro ás de construción con dúas plantas que rodeaban un patio porticado, segundo o coñecido modelo oriental.

En 1414 a obra estaba rematada na súa maior parte, un século despois remprendeuse o que faltaba, utilizando unha técnica construtiva máis depurada. Durante o século XVI, nunha das diversas reformas que sufriu, derrubouse unha das ás e construíuse un outro patio porticado unido ó primeiro, onde actualmente se conserva a grande escaleira monumental que da acceso á sala de lectura da Biblioteca de Cataluña.

O conxunto de edificios inclúe unha pequena igrexa gótica que da á rúa Hospital e unha casa do século XV (antigo arquivo do Hospital) con pórtico flamíxero.

En 1703 Antoni Viladomat i Manalt, un dos pintores barrocos cataláns máis importantes, pintou a capela de San Pau.

No remate do século XIX o hospital quedou obsoleto polo crecemento da cidade e os novos avances da medicina e a hixiene e decidiuse trasladalo a unha nova localización, o Hospital de Sant Pau, que foi construído entre 1902 e 1930.

En 1926 o concello mercou o edificio e iniciou a reconstrución. Actualmente o conxunto inclúe a sede da Biblioteca de Cataluña (desde 1939), do Institut d'Estudis Catalans (dende 1931), da Escola Massana (dende 1935) e dúas bibliotecas públicas da Deputación de Barcelona (as de San Pau e Santa Creu).

O 3 de xuño de 1931 foi declarado Monumento Histórico Artístico de Interese Nacional.