Iván Ferreiro

Iván Ferreiro
	;
Biografía
Nacemento	15 de agosto de 1970 (54 anos); Nigrán, España
Actividade
Ocupación	cantante, compositor de cancións
Período de actividade	1990 -
Tesitura	Barítono ; ;
Instrumento	Voz
Familia
Irmáns	Amaro Ferreiro
Páxina web	ivanferreiro.es

Iván Ferreiro, nado en Nigrán o 15 de agosto de 1970, é un músico galego. Acadou sona por ser durante trece anos o cantante e líder do grupo pop-rock Los Piratas, do que tamén compuxo a maioría das cancións, e tamén pola súa carreira en solitario. A súa voz, peculiar e cun amplo rexistro, interpretou as cancións míticas deste grupo, como foron "Promesas que no valen nada", "Años 80" ou "Mi coco".

Traxectoria

Trala separación de Los Piratas a finais de 2003, Iván decidiu non afastarse do mundo da música, e comezou a tocar co seu irmán Amaro nun pub de Vigo, chamado El Ensanche. As actuacións celebrábanse tódolos mércores anunciadas como «Rai Doriva e As Ferreiro». Os irmáns Ferreiro facíanse pasar por dúas amas de casa (Ivonne e Tamara) que para perder o seu medo escénico acompañaban ó cantante portugués Rai Doriva, que porén nunca acudiu ós concertos. Pese a non facer publicidade, pronto moita xente soubo del e comezou a acudir ós concertos que semanalmente daban os irmáns Ferreiro, que máis tarde comezaron a actuar tamén en Nigrán (Pontevedra), versionando cancións de Los Planetas, Andrés Calamaro e Alaska y Dinarama entre outros.

Mentres, Iván Ferreiro continuaba creando temas e pronto tivo suficiente material como para editar un disco: Canciones para el tiempo y la distancia (2005), que o consagraría como cantante en solitario. Na súa xira Tournedo, coa que percorreron toda España, Iván tocou acompañado do seu irmán Amaro á guitarra e de Karlos Arancegui á batería.

En novembro de 2005, Iván ideou un proxecto chamado Laboratorio Ñ, consistente en reunirse con outros músicos e amigos durante dúas semanas nunha casa de Buenos Aires para crear entre todos novas canciones. Os acompañantes de Iván nesta experiencia foron Juan Aguirre e Eva Amaral (o dúo Amaral), Xoel López (cantante de Deluxe), Pereza, Quique González, así como varios artistas arxentinos.

O seu seguinte álbum de estudio, publicado a finais de outubro de 2006, titúlase Las siete y media e reúne oito cortes que o artista compuxo durante a súa xira "Tournedo 2006".

Amaro Ferreiro gravou en solitario un novo disco, xa á venda, co título de Laciudadelasagujas. Mentres, Iván gravou un novo disco chamado Mentiroso mentiroso, que saíu á venda o 25 de marzo de 2008, aínda que comezou a xira de presentación o 13 do mesmo mes.

En 2018 puxo voz a "Fariña", canción de apertura de Fariña (serie de televisión de Antena 3), en galego, unha lingua que non empregou demasiado ao longo da súa carreira.^[1]

Vida persoal

En 2024 casou coa xornalista Noa García.^[2]

Discografía

Álbums

*	Canciones para el tiempo y la distancia	(2005)	CD + DVD
*	Las siete y media	(2006)	EP
*	Mentiroso mentiroso	(2008)
*	Mentiroso mentiroso en directo	(2008)
*	Picnic extraterrestre	(2010)
*	Confesiones de un artista de mierda	(2011)
	Casa	(2016)

Notas

↑ "Iván Ferreiro pone voz a la cabecera de Fariña". Faro de Vigo (en castelán). 27/2/2018.
↑ Alejandro Espiño (9 de xuño de 2024). "Iván Ferreiro e Noa García dan o 'si, quero' en El Náutico de San Vicente". Pontevedra Viva.

Véxase tamén

Ligazóns externas

[1] "Iván Ferreiro pone voz a la cabecera de Fariña". Faro de Vigo (en castelán). 27/2/2018.

[2] Alejandro Espiño (9 de xuño de 2024). "Iván Ferreiro e Noa García dan o 'si, quero' en El Náutico de San Vicente". Pontevedra Viva.

[1]

[2]