Xoel López

Xoel López

(2018)
Biografía
Nacemento	12 de agosto de 1977 (47 anos) A Coruña, España
Outros nomes	Deluxe
Actividade
Ocupación	músico
Período de actividade	2000 -
Xénero artístico	Música pop
Selo discográfico	EMI
Descrito pola fonte	Gran Enciclopedia Galega Silverio Cañada
Páxina web	xoel.com

Xoel López, nado na Coruña o 12 de agosto de 1977, anteriormente coñecido polo nome da súa banda musical unipersoal Deluxe, é un músico galego. As principais linguas que utiliza nas letras son o inglés e o castelán, aínda que tamén ten algún tema en galego.

Traxectoria

Desde 1996 formou parte do grupo Elephant Band, co que chegou a tocar no Festival da Illa de Wight.

Xa en solitario, como Deluxe, deu numerosos concertos en España e participou no Festimad, Festival Internacional de Benicàssim (2002, 2003 e 2005), Sonorama, Contempopranea, Espárrago Rock, Festival do Norte e moitos outros. Ademais deu unha xira con Juan Aguirre (Amaral) e participou no proxecto Laboratorio Ñ con Iván Ferreiro, Amaral e Quique González, entre outros. Deu concertos ademais en Renania do Norte-Westfalia, Alemaña durante o Mundial de Fútbol de 2006.

Os seus primeiros álbums graváronse baixo o selo de Mushroom Pillow, pero o seu traballo, Fin de un viaje infinito, gravouse con Virgin Records. O seu LP Los Jóvenes Mueren Antes de Tiempo foi considerado o mellor de 2005 segundo a revista Rolling Stone.

Discografía

Álbums como Deluxe

Not What You Had Thought	(2001)
If Things Were to Go Wrong	(2004)
Los jóvenes mueren antes de tiempo	(2005)
Fin de un viaje infinito	(2007)
Reconstrucción	(2008)

Álbums como Xoel López

• Atlántico (2012)
• Paramales (2015)
• Sueños y pan (2017)
• Si mi rayo te alcanzara (2020)

Véxase tamén

Bibliografía

• "Deluxe". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.