John Fenn
  | |
| Biografía | |
|---|---|
| Nacemento | 15 de xuño de 1917 Nova York, Estados Unidos de América |
| Morte | 10 de decembro de 2010 (93 anos) Richmond, Estados Unidos de América |
| Lugar de sepultura | Berea Cemetery (en)  |
| Residencia | Hackensack (pt) Nova York Berea (pt) Anniston (pt) |
| Educación | Berea College (pt) - química (1934–1937) Universidade Yale - química |
| Actividade | |
| Campo de traballo | Química |
| Ocupación | químico, profesor universitario |
| Empregador | Universidade Yale Universidade da Mancomunidade de Virxinia |
| Membro de | |
| Influencias | |
| Premios | |
| Descrito pola fonte | Obálky knih,  Medvik >>>:Fenn, John B., 1917-2010, |
  | |
John Bennett Fenn, nado o 15 de xuño de 1917 en Nova York e finado o 10 de decembro de 2010 en Richmond, Virxinia,[1] foi un químico e profesor universitario estadounidense galardoado co Premio Nobel de Química do ano 2002.
Traxectoria
[editar | editar a fonte]Estudou química no Berea College, onde se graduou en 1947. Doutorouse en Química pola Universidade Yale en 1940, e a partir de 1952 dedicouse á docencia. Entre aquel ano e 1967 foi profesor de química na Universidade de Princeton, e despois foi catedrático de Enxeñería Química na Universidade de Yale entre 1967 e 1987. Ata o momento da súa morte exercía como enxeñeiro de investigación na Virginia Commonwealth University.
Faleceu o 10 de decembro de 2010 en Richmond, Virxinia, aos 93 anos.
Investigacións científicas
[editar | editar a fonte]En 1988 publicou o método ESI (Electro Spray Ionization), unha nova técnica baseada na espectroscopia de masas que permite detectar e analizar as proteínas. Este descubrimento permitiu comprender mellor os procesos vitais e aumentar rapidamente a velocidade coa cal os novos compostos farmacéuticos complexos poderían ser avaliados, conducindo directamente ao desenvolvemento das medicacións para deter o avance do sida (inhibidores de protease) desenvolvida na década de 1990.
En 2002 compartiu o premio Nobel de Química, xunto co xaponés Koichi Tanaka e o suízo Kurt Wüthrich, por o desenvolvemento de métodos de identificación e de análise estrutural de macromoléculas biolóxicas que contribuíron a unha mellor comprensión dos procesos vitais.
Notas
[editar | editar a fonte]- ↑ "Chemistry Nobel laureate dies in Vai." (en inglés). 10 de decembro de 2010. Consultado o 11 de decembro de 2010.[Ligazón morta])
Véxase tamén
[editar | editar a fonte]Ligazóns externas
[editar | editar a fonte]- Páxina do Instituto Nobel, Premio Nobel de Química 2002 (en inglés)
- Autobiografía na páxina do Instituto Nobel 2002 (en inglés)
- Perfil de John Fenn en NNDB (en inglés)
| Predecesor: William Standish Knowles, Ryoji Noyori e K. Barry Sharpless |
Premio Nobel de Química 2002 con Koichi Tanaka e Kurt Wüthrich |
Sucesor: Peter Agre e Roderick MacKinnon |
