Klymentii Sheptytskyi

Klymentii Sheptytskyi
	;
Nome orixinal	(pl) Klemens Szeptycki; (uk) Климентій (Шептицький)
Biografía
Nacemento	(uk) Мария Казимир Шептицкий ; 17 de novembro de 1869 ; Prylbychi (Imperio Austrohúngaro)
Morte	1 de maio de 1951 (81 anos); Prisão Central de Vladimir, Rusia (pt)
Member of Abgeordnetenhaus (en)
	1900 – 1907
Membro da Dieta de Galitzia e Lodomeria
Datos persoais
Relixión	Igrexa católica bizantina ucraína
Educación	Universidade Iaguelónica de Cracovia ; Collegium Canisianum
Actividade
Ocupación	sacerdote católico (1915–), presbítero regular, político
Partido político	Clube polonês (pt)
Membro de	Galician Economic Society (en)
Enaltecemento
	beato ;
Día de festividade relixiosa	1 de maio
Familia
Familia	House of Szeptycki (en)
Pais	Jan Kanty Szeptycki e Zofia Szeptycka
Irmáns	Andrei Sheptytskyi; Stanisław Szeptycki; Aleksander Szeptycki; Leon Józef Maria Szeptycki
Premios
	(14 de febreiro de 1995) Justos entre as nações (pt) ; Comendador da Orde de Polonia Restituta ;

O beato Klymentii Sheptytskyi^[1] (en ucraíno: Климентій Шептицький; en ruso: Климентий Шептицкий), nado o 17 de novembro de 1869 en Prylbychi (Reino de Galicia e Lodomeria) e finado o 1 de maio de 1951 na prisión de Vladimir (RSFS de Rusia) foi un eclesiástico grecocatólico ucraíno, exarca apostólico de Rusia dende 1939 até o seu pasamento, e hieromártir beatificado por Xoán Paulo II.

Traxectoria

Primeiros anos

Kazymyr Mariia Sheptytskyi naceu o 17 de novembro de 1869 en Prylbychi,^[2] unha vila do distrito de Yavoriv, entón parte do Reino de Galicia e Lodomeria, no Imperio Austríaco. A súa familia era da nobreza católica polaca, aínda que tamén con ascendencia ortodoxa ucraína.^[2] Era o sexto fillo de Jan Kanty e Zofia Szeptycka de Fredro, e irmán máis novo de Andrei Sheptytskyi. Foi bautizado na igrexa local, e recibiu a súa primeira educación no seu domicilio.

Cursou os estudos de secundaria en Cracovia até 1887. Posteriormente comezou a estudar Leis na Universidade de Cracovia, continuándoos a partir de 1888 nas universidades de París e Múnic até 1890. En 1892 doutorouse en dereito pola Universidade de Cracovia, e dedicouse nos primeiros anos de vida profesional á xestión do patrimonio familiar xunto ao seu pai, e ao coidado da súa nai enferma.

Vida relixiosa

Sentiu a chamada á vida relixiosa, e logo de consultalo co bispo Józef Bilczewski e coa súa aprobación, pasou ao rito bizantino. En 1912 comezou como novizo no mosteiro dos estuditas en Kamenica (preto de Prnjavor, Bosnia); en 1913 tomou o nome de Klymentii e continuou os seus estudos no Canisianium de Innsbruck. O 28 de agosto de 1915 foi ordenado sacerdote polo bispo de Križevci Dionizije Njaradi. En 1918 foi nomeado reitor do mosteiro estudita de Sknyliv, que logo da súa destrución foi trasladado á laura de Univ, onde continuou os traballos do seu irmán para restaurar o monasticismo tradicional ucraíno. En 1926 foi nomeado hegúmeno do mosteiro e responsable de todas as casas estuditas. En 1937 obtivo do papa Pío XI a aprobación definitiva dos estuditas, e a partir dese ano colaborou co seu irmán no goberno da Igrexa ucraína. En 1939 os soviéticos anexáronse Galicia, e asasinaron o seu irmán Leon e á súa dona na vivenda familiar en Prylbychi.

Segunda guerra mundial

Durante a segunda guerra mundial deu refuxio a moitos xudeus, polo que en 1995 recibiu o título de Xusto entre as Nacións polo Yad Vashem.^[3]

Arresto e martirio

O 5 de xuño de 1947 foi arrestado polo NKVD. Finou mártir na prisión de Vladimir o 1 de maio de 1951.

Culto

O papa Xoán Paulo II beatificouno o 27 de xuño de 2001 na súa visita pastoral a Ucraína, xunto a Mykolai Charnetskyi e compañeiros mártires.^[4]

Notas

↑ Tamén Klymentiy Sheptytskyi, Clement Sheptytsky, Kliment Sheptytskyi, Klymentij Šeptyckyj, Clemente Šeptyc'kyj, Klemens Szeptycki.
↑ ^2,0 ^2,1 Bartrop, Paul R. (2016). Resisting the Holocaust: Upstanders, Partisans, and Survivors (en inglés). ABC-CLIO. pp. 259–261. ISBN 9781610698795.
↑ "Righteous Among the Nations Honored by Yad Vashem by 1 January 2017 UKRAINE" (PDF). Arquivado dende o orixinal (PDF) o 18 de febreiro de 2018. Consultado o 29 de maio de 2017.
↑ O outro mártir da Igrexa católica rusa beatificado canda el foi o bispo Leonid Fedorov. Tamén foi beatificado o bispo ruteno Teodor Romzha, e varios fieis da Igrexa católica ucraína: os bispos Yosafat Kotsylovskyi, Symeon Lukach, Vasyl Velychkovskyi, Ivan Sleziuk, Nykyta Budka, Hryhorii Khomyshyn e Hryhorii Lakota; os presbíteros Mykola Konrad, Andrii Ishchak, Roman Lysko, Mykola Tsehelskyi, Petro Verhun e Oleksii Zarytskyi; os relixiosos Yakym Senkivskyi, Severiian Baranyk, Zenon Kovalyk, Vitalii Bairak e Ivan Ziatyk; as relixiosas Tarsykiia Matskiv, Olimpiia Bida e Lavrentiia Harasymiv; e o laico Volodymyr Pryima.

Véxase tamén

Bibliografía

Ligazóns externas

Blessed Klymentii Sheptytskyi en CatholicSaints.info (en inglés)
Perfil en Catholic-Hierarchy.org (en inglés)

Dignidades da Igrexa católica
Predecesor: Leonid Fedorov	Exarca apostólico de Rusia 1939 - 1951	Sucesor: (Sé vacante) Joseph Werth como ordinario dos greco-católicos

[1] Tamén Klymentiy Sheptytskyi, Clement Sheptytsky, Kliment Sheptytskyi, Klymentij Šeptyckyj, Clemente Šeptyc'kyj, Klemens Szeptycki.

[Resisting-2] 2,0 ^2,1 Bartrop, Paul R. (2016). Resisting the Holocaust: Upstanders, Partisans, and Survivors (en inglés). ABC-CLIO. pp. 259–261. ISBN 9781610698795.

[3] "Righteous Among the Nations Honored by Yad Vashem by 1 January 2017 UKRAINE" (PDF). Arquivado dende o orixinal (PDF) o 18 de febreiro de 2018. Consultado o 29 de maio de 2017.

[4] O outro mártir da Igrexa católica rusa beatificado canda el foi o bispo Leonid Fedorov. Tamén foi beatificado o bispo ruteno Teodor Romzha, e varios fieis da Igrexa católica ucraína: os bispos Yosafat Kotsylovskyi, Symeon Lukach, Vasyl Velychkovskyi, Ivan Sleziuk, Nykyta Budka, Hryhorii Khomyshyn e Hryhorii Lakota; os presbíteros Mykola Konrad, Andrii Ishchak, Roman Lysko, Mykola Tsehelskyi, Petro Verhun e Oleksii Zarytskyi; os relixiosos Yakym Senkivskyi, Severiian Baranyk, Zenon Kovalyk, Vitalii Bairak e Ivan Ziatyk; as relixiosas Tarsykiia Matskiv, Olimpiia Bida e Lavrentiia Harasymiv; e o laico Volodymyr Pryima.

[1]

[2]

[3]

[4]