Marco van Basten

Marco van Basten

Biografía
Nacemento	(nl) Marcel van Basten 31 de outubro de 1964 (60 anos) Utrecht, Países Baixos (en)
Altura	188 cm
Peso	80 kg
Actividade
Ocupación	futbolista, adestrador de fútbol
Nacionalidade deportiva	Países Baixos
Deporte	fútbol golf
Posición de xogo	Dianteiro
Traxectoria   Equipo 1981–1987 AFC Ajax 133 (128) 1987–1995   A.C. Milan 147 (90)   Selección nacional 1981–1981   Países Baixos sub-21 15 (13) 1983–1992   Países Baixos 58 (24)   Adestrador 2004–2008   Países Baixos 2008–2009 AFC Ajax 2012–2014 SC Heerenveen 2014–2014 AZ Alkmaar
Participou en
xuño de 2008	Eurocopa de Fútbol Austria/Suíza 2008
xuño de 1992	Eurocopa de Fútbol Suecia 1992
1990	Mundial de Fútbol Italia 1990
xuño de 1988	Eurocopa de Fútbol Alemaña Occidental 1988
Premios
(1992)  FIFA World Player (1988, 1989, 1992)  Balón de Ouro

Marcel "Marco" van Basten, nado en Oog in Al (Utrecht) o 31 de outubro de 1964, é un exfutbolista e actual adestrador de fútbol neerlandés. Xogaba de dianteiro e foi internacional coa selección neerlandesa. Actualmente adestra o Heerenveen.

Anteriormente foi un dianteiro centro que xogou para o Ajax Amsterdam e o AC Milan nas décadas dos 80 e 90. Está considerado un dos mellores atacantes de tódolos tempos a pesar da súa curta carreira por mor de repetidas mancaduras nos nocellos. Anotou un total de 276 goles, e foi galardoado tres veces co Balón de Ouro (1988,1989 e 1992) e unha vez co FIFA World Player en 1992.

Xogador

Van Basten xogou brevemente para o Elinkwijk antes de fichar polo Ajax. Debuta co primeiro equipo en abril de 1982, entrando ao campo en substitución de Johan Cruyff e anotando o seu primeiro gol para o club.

O crecemento de van Basten nos anos seguintes semellaba non ter límite. Non só coma un grande rematador senón tamén destacaba pola súa abriante técnica. Na tempada 1982-83 o Ajax contaba co Bota de Ouro Wim Kieft, o que fixo que van Basten só disputara vinte encontros. Aínda así o seu xogo convenceu ós técnicos do Ajax ata o punto de vender a Kieft ó Pisa e colocar a van Basten como titular.

A confianza depositada nel non foi en balde, xa que foi o máximo goleador da liga holandesa catro anos consecutivos (1984,1985,1986 e 1987). Un total de 117 goles en 112 encontros. En 1985-86 fixo 37 goles en 26 encontros en liga, gañando a Bota de Ouro

En 1987 Silvio Berlusconi ficha a van Basten para o Milan. Alí atoparíase con outros dous compatriotas seus, Ruud Gullit e Frank Rijkaard. Na súa primeira tempada no club italiano gañan o Scudetto, mais van Basten só pode xogar once encontros por problemas co nocello.

A pesar diso, na Eurocopa de 1988 deu un rendemento espectacular, rematando coma máximo anotador e mellor xogador do torneo. Un dos seus mellores goles foi unha volea sen apenas ángulo na final contra a URSS. Holanda venceu ese encontro por 2-0 e fíxose coa vitoria e o seu único ata o de agora título de seleccións. Un dato curioso dese gol é que o porteiro soviético Rinat Dasaev tiña o xeonllo mancado, e canto tenta saltar para dete-lo esférico só e quen de apoiarse nunha perna.

De volta ao Milan, Van Basten fai unha extraordinaria tempada nos anos 1988-89, sendo galardoado co Balón de Ouro, anotando 19 goles na Serie A e marcando dous tantos na final da Copa de Europa contra o Steaua de Bucarest.

Na 1989-90 rematou coma máximo anotador da Serie A e o Milan defendeu a Copa de Europa con éxito, vencendo desta volta ao Benfica. En troques, Holanda decepcionou no Mundial dese ano, caendo na segunda rolda.

Na 1991-92, adestrados por Fabio Capello o Milan perdeu un só encontro en liga e fíxose co Scudetto de novo. Van Basten anotu 25 goles e rematou coma Capocannoniere de novo.

Ao ano seguinte o Milan segue arrasando na liga, chegando a sumar 58 encontros sen coñece-la derrota. Van Basten destaca especialmente e gaña por terceira vez o Balón de Ouro. Pouco despois volta cos seus problemas co nocello, e tras varias operacións sen moito éxito decide retirarse do fútbol.

Aínda así desde entón si que participou nun par de encontros homenaxe, coma o de Demetrio Albertini e o de Dennis Bergkamp.

Títulos

Club

• Ajax Amsterdam:
  • Recopa de Europa de Fútbol: 1987.
  • Liga Holandesa: 1982, 1983, 1985.
  • Copa dos Países Baixos: 1983, 1986, 1987.
• AC Milan:
  • Copa de Europa: 1989, 1990.
  • Copa Intercontinental: 1989, 1990.
  • Supercopa de Europa de Fútbol: 1989, 1990.
  • Serie A: 1988, 1992, 1993.
  • Supercopa de Italia: 1988, 1992, 1993.

Internacional

• Eurocopa: 1988.

Individual

• FIFA World Player: 1992.
• World Soccer xogador do ano: 1988, 1992.
• Balón de Ouro: 1988, 1989, 1992.
• Bota de Ouro: 1986.
• Máximo anotador e mellor xogador da Eurocopa de Fútbol 1988.
• Máximo anotador da Serie A: 1990, 1992.
• Máximo anotador da Liga Holandesa: 1984, 1985, 1986, 1987.

Adestrador

Van Basten deixa oficialmente o Milan no ano 1995 retirándose do fútbol. Daquela declarou que nunca ía dedicarse a adestrar, mais non tardaría en mudar de opinión.

Comeza adestrando ao segundo equipo do Ajax no 2003 con John van 't Schip de axudante. O 29 de xullo de 2004 é nomeado adestrador da selección holandesa, xunto con van't Schip.

Os seus comezos no cargo son bastante polémicos o prescindir de estrelas coma Clarence Seedorf, Patrick Kluivert, Edgar Davids ou Roy Makaay.

Por vez primeira en moito tempo, ningún dos tres grandes holandeses (Ajax Amsterdam, PSV Eindhoven, e Feyenoord Rotterdam) aportan ós xogadores clave da selección, sendo o AZ Alkmaar o que conta con maior número de convacados: Denny Landzaat, Barry Opdam, Barry van Galen, Ron Vlaar, Jan Kromkamp e Joris Mathijsen.

A primeira proba real á que se tivo que enfrontar Holanda foi o Mundial de 2006 en Alemaña, onde foron eliminados en oitavos de final por Portugal. Aí chovéronlle críticas ó adestrador, sobre todo pola pouca participación que lle deu a Ruud van Nistelrooy é por deixar fóra da convocatoria a Roy Makaay ou Clarence Seedorf.

Van Basten ten contrato coa Federación holandesa para adestrar á selección até o 2008. A federación xa expresou os seus desexos de amplialo ata o 2010.

Véxase tamén

Ligazóns externas

• Compilación en vídeo sobre a súa carreira
• Marco van Basten fansite
• Datos de Marco van Basten en AC Milan Online