Miriam Rodríguez Gallego

Miriam Rodríguez Gallego
	; (2019)
Biografía
Nacemento	30 de setembro de 1996 (28 anos); Pontedeume (España)
Actividade
Ocupación	artista, compositora e cantante
Período de actividade	2016 -
Tesitura	Mezzosoprano ; ;
Instrumento	Guitarra, voz, ukelele, Batería, piano e Tambor
Participou en
2017	Operación Triunfo 2017
19 de setembro de 2012	La voz
28 de setembro de 2011	Tu cara me suena
Familia
Irmáns	Efrén Rodríguez
Sitio web	miriamrodriguezmusic.com

Miriam Rodríguez Gallego, nada en Pontedeume o 30 de setembro de 1996, é unha cantante e compositora galega.^[1] Saltou á fama grazas á súa participación no concurso musical de Televisión Española Operación Triunfo. Despois do seu paso polo programa de televisión, asinou coa discográfica Universal e iniciou a súa carreira musical compondo e interpretando «Hay algo en mi», canción promocional da serie Vis a vis no seu salto a FOX España, na que máis adiante realizaría un cameo. O seu segundo sinxelo foi «NO», xunto a Pablo López Jiménez, e o seu álbum debut, «Cicatrices», foi publicado o 23 de novembro de 2018.^[2]

Traxectoria

Vida persoal

É filla de Ramón e Marité, e ten un irmán máis vello, Efrén.^[3] Estudou bacharelato de Artes escénicas en Ferrol e posteriormente trasladouse a Madrid para continuar os seus estudos de arte dramática e interpretación.^[4]

Traxectoria profesional

Comezos

Empezou cantando en vodas e dando pequenos concertos en salas e bares de Galicia.^[5] Tamén participou na serie da televisión galega Serramoura.^[6] En 2013, con 17 anos, gañou o concurso Canta Ferrol.^[7] Tamén participou no musical Vivan os nenos e en concursos como Talentos Almeda e o Festival da canción de Xalleira.^[5] En 2016 publicou o seu primeiro sinxelo Me cansé de esperar, que realizou xunto ao actor Chechu Salgado.^[6]

Operación Triunfo

En outubro de 2017 deuse a coñecer que era unha dos 18 seleccionados para entrar á Academia de Operación Triunfo.^[8] O 23 de outubro de 2017 pisou por primeira vez o escenario de Operación Triunfo, interpretando o tema «No te pude retener» de Vanesa Martín. Dita actuación permitiulle ser unha das 16 concursantes que entraban a formar parte da novena edición do talent musical.^[9]

Entre as súas actuacións máis importantes destacaron «Runnin» de Naughty Boy e Beyoncé que cantou xunto a Agoney na gala 1, «I Wanna dance With Somebody» de Whitney Houston que cantou na gala 8, e «What About Us» de Pink, tema que a clasificou para a final do concurso na gala 11.^[10]^[11]

Durante o transcurso do programa, a galega estivo proposta para abandonar a academia en diversas ocasións. A primeira foi na gala 4, onde cantou «La media vuelta» de Luís Miguel. Tamén na seguinte gala foi unha das 4 concursantes propostas para a expulsión, esta vez xunto ao seu compañeiro de dúo Luís Cepeda, co que cantou «Estoy hecho pedacitos de ti» de Antonio Orozco.^[12] Na gala 6 volveu a non convencer ao xurado coa súa interpretación do tema «Que te quería» da Quinta Estación.^[13] O seu último nomeamento foi na gala 9, na que cantou «Dramas y comedias» de Fangoria.^[14] A pesar diso, Miriam nunca estivo exposta á expulsión por parte do público, pois tanto os seus profesores como os seus compañeiros salvárona en todas as ocasións.

Na gala 11, Miriam clasificouse para a final do programa despois de interpretar «País Tropical» xunto a todos os seus compañeiros, «Cuando duermes» de Cómplices xunto a Alfred García, e «What About Us» de Pink en solitario. Miriam conseguiu 36 puntos dun máximo de 40, situándose así en segunda posición por detrás de Amaia Romero, que conseguiu a máxima puntuación.^[10] Na final do programa celebrada o 5 de febreiro, Miriam interpretou «Invisible» de Malú, canción coa que conseguiu entrar na final a tres xunto a Amaia Romero e Aitana. Na segunda volta, cantou «No te pude retener» de Vanesa Martín, tema co que se estreou no concurso. Tras as votacións, descubriuse que Miriam obtivera un 12 % do apoio do público, quedando así en terceira posición.^[15]

Candidatura a Eurovisión

Ao ser unha das finalistas, optou a ser a representante española no Festival de Eurovisión celebrado en Lisboa en maio de 2018. Na gala de Eurovisión celebrada o 29 de xaneiro de 2018, cantou tres cancións coas que optaba a ser elixida como representante para ir a Eurovisión. Xunto aos seus compañeiros finalistas Amaia Romero, Ana Guerra, Aitana e Alfred García cantou unha versión do himno da edición «Camina», que só conseguiu un 1% dos votos.^[16] En dúo, xunto a Agoney, interpretou «Magia», tema composto por David Otero e o grupo Funambulista que conseguiu un 7 % do apoio do público.^[17] Finalmente, interpretou como solista o tema «Lejos de tu piel», de Steve Robson e adaptada por Funambulista que acaparou un 8% dos votos.^[18]

Xira Operación Triunfo

Tras saír da academia de Operación Triunfo, Miriam, xunto aos seus compañeiros, embarcouse na xira do programa que a levou por diversas cidades españolas. Nos distintos concertos, a galega interpretou cancións corais xunto aos demais concursantes, o seu sinxelo "Hay algo en mi" sendo a primeira concursante en cantar unha canción propia, así como "Euphoria" de Loreen xunto a Thalía Garrido, e «What About Us» de Pink e "Invisible" de Malú en solitario.^[19]

Traxectoria tras OT

En marzo de 2018, Miriam acudiu aos Premios Dial celebrados no Centro Internacional de Feiras e Congresos de Tenerife, xunto a algúns dos seus compañeiros de OT 2017.^[20]

Case tres meses despois do final do programa que lle deu visibilidade para o gran público, Miriam estreou o seu primeiro sinxelo «Hay algo en mi» composto por ela mesma. O devandito sinxelo formou parte da banda sonora da promoción da terceira tempada da serie Cara a cara da cadea FOX España. En apenas 3 días, o videoclip da canción obtivo máis dun millón de reproducións en YouTube. O 7 de novembro de 2018 participou no programa "Lo siguiente" de Televisión Española. O 9 de xaneiro de 2019 anunciou que sería a co-coach de Pablo López no programa La voz.

Discografía

Álbums

Ano	Título	Produtora	Posición	Vendas (España)
2018	Miriam Rodríguez: Sus cancionesData de publicación: 26/03/2018	Universal Music	5	9.000
2018	CicatricesData de publicación: 23/11/2018	Universal Music	1	20.000
2020	La Dirección De Tu Suerte Data de publicación: 03/04/2020	Universal Music	10
2024	Lineas Rojas Data de publicación: 23/02/2024	Sony Music

Sinxelos

Ano	Título	Composición	Posición
2018	"Magia"	David Otero e Funambulista	65
	"Lejos de tu piel"	Steve Robson (adaptada por Funambulista)	58
	"Hay algo en mí"	Miriam Rodríguez	23
	"No"	Miriam Rodríguez e Pablo López	38
2019	"Mejor sin miedo"	Miriam Rodríguez
2019	"Más de lo que ves"	Miriam Rodríguez
2019	"La diferencia"	Miriam Rodríguez
2020	"Desperté"	Miriam Rodríguez
2020	"No se quien soy"	Miriam Rodríguez

Filmografía

Series de televisión

Series de televisión
Ano	Título	Personaxe	Cadea	Notas
2016	Serramoura	Isabel	TVG	2 episodios
2019	Cara a cara	Presa do coro	FOX España	1 episodio

Programas de televisión

Programas de televisión
Ano	Título	Personaxe	Cadea	Notas
2017 - 2018	Operación Triunfo	Concursante (3ª finalista)	A 1	17 programas
2018	Lo siguiente	Invitada	A 1	1 programa
2019	La Voz	Asesora de Pablo López	Antena 3	12 programas
2020	La Voz 7	Adestradora en liña	Antena 3	12 programas
2020	Land Rober	Invitada	TVG	1 programa
2021	El concurso del año	Concursante	Cuatro	1 programa
2021	La Voz 8	Adestradora en liña	Antena 3	12 programas
2023	Tu cara me suena 10	Concursante		16 programas

Premios

2018 - Premio 'Girl Gang' nos Cosmo Awards (con Aitana, Amaia Romeu e Ana Guerra).^[21]
2019 - Premio Cadea Dial.^[22]

Notas

Véxase tamén

Ligazóns externas

Ficha de Miriam Rodríguez Arquivado 06 de marzo de 2019 en Wayback Machine. en Universal España
Ficha de Miriam Rodríguez en RTVE
Miriam Rodríguez Gallego na IMDb (en inglés). en (inglés)

[1] Lo Siguiente. "Miriam Rodriguez en el programa Lo Siguiente de TVE.".

[2] Merillas, Sergio L. "Las 'Cicatrices' de Miriam Rodríguez, al descubierto el 23 de noviembre. El día 28 de diciembre de 2018 rompió el escenario del Palau Sant Jordi gracias a su imperial golpe de tacón cantando NO!".

[3] "«Miriam, sobre todo, disfruta de OT»".

[4] "Operación Triunfo 2017 | Miriam es concursante de OT - RTVE.es".

[:0-5] 5,0 ^5,1 "Miriam, Luis y Roi, así son los concursantes gallegos de «Operación Triunfo 2017»".

[:1-6] 6,0 ^6,1 "Miriam, la finalista de «OT» que pasó por «Serramoura»".

[7] "El sorprendente pasado televisivo de los concursantes de OT 2017".

[8] "Operación Triunfo: Estos son los 18 concursantes de OT 2017".

[9] "El "catastrófico' regreso de Operación Triunfo".

[:2-10] 10,0 ^10,1 "Operación Triunfo ya tiene a sus cuatro primeros finalistas".

[11] "Operación Triunfo - Miriam canta "What about us" de Pink en la Gala 11 de OT". rtve.es. 16-01-2017. Consultado o 01-04-2019.

[12] "OT 2017: Los mejores momentos de la Gala 5".

[13] "Operación Triunfo: Eurovisión, expulsado y nominados de la noche".

[14] "OT 2017: Expulsado, nominados y resumen de la gala 9 de Operación Triunfo".

[15] "Gala final de OT 2017: Amaia, ganadora de Operación Triunfo".

[16] "OT: El estrepitoso fracaso de ‘Camina’ en la gala especial Eurovisión 2018".

[17] "OT 2017: Miriam y Agoney al unísono para Eurovisión 2018".

[18] "OT 2017: Miriam apuesta por 'Lejos de tu piel' como candidata a Eurovisión".

[19] "Lista completa con las canciones del concierto de OT".

[20] "Los chicos de 'Operación Triunfo' ponen el broche de oro a los Premios Cadena Dial".

[21] Aitana, Amaia, Ana Guerra e Miriam Rodríguez, premiadas nos Cosmo Awards

[22] "Pedro Guerra, Malú, Cepeda y Vanesa Martín, premios Cadena Dial". ISSN 1134-6582.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]