Mundial de Fútbol de 1930

Mundial de Fútbol de 1930
Tipo	Copa do Mundo de Fútbol
Organizador	FIFA
Composto por	Copa do Mundo FIFA de 1930 - Grupo 1 (pt) ; Copa do Mundo FIFA de 1930 - Grupo 4 (pt) ; Copa do Mundo FIFA de 1930 - Grupo 3 (pt) ; Copa do Mundo FIFA de 1930 - Grupo 2 (pt) ; Copa do Mundo FIFA de 1930 - Fase final (pt)
Número de participantes	13
Participantes
	Arxentina, Chile, Francia, México, Bolivia, Brasil, Iugoslavia, Perú, Romanía, Uruguai, Bélxica, Paraguai e Selección de fútbol dos Estados Unidos
Localización e Datas
Localización	Estadio Pocitos (Montevideo) ; Estadio Gran Parque Central (Montevideo) ; Estadio Centenario (Montevideo)
País	Uruguai
Intervalo de tempo	13 de xullo de 1930 – 30 de xullo de 1930
Número de edición	1 (1930)
Competición
Primeiro posto	Uruguai
Datos estatísticos
Partidos	18
Goles	70
Máis goles marcados	Guillermo Stábile↔ Arxentina (8)
Xogador máis valioso	José Nasazzi (pt) ↔ Uruguai
Número de espectadores	590.549
	Mundial de Fútbol Italia 1934 →

O Mundial de Fútbol de 1930 (en castelán: 1er Campionato Mundial de Football) foi a edición inaugural do campionato do mundo de equipos internacionais de fútbol asociación, a Copa do Mundo FIFA. Xogouse no Uruguai do 13 ao 30 de xullo.^[1] A Federación Internacional de Fútbol Asociación (FIFA) elixiu o Uruguai como país anfitrión xa que ía a celebrar o centenario da súa independencia, ademais de que a súa selección de fútbol viña de conseguir a medalla de ouro nos Xogos Olímpicos de 1928 en Ámsterdam.^[2] Todos os encontros se xogaron na capital uruguaia, Montevideo, a maioría no Estadio Centenario, que foi construído para o torneo.^[3]

Trece equipos, sete de América do Sur, catro de Europa e dous de América do Norte participaron no torneo. A pouca participación de equipos europeos debeuse á duración (un mes) e ao custo da viaxe. Os equipos foron divididos en catro grupos, avanzando o gañador de cada grupo cara ás semifinais. Os dous primeiros partidos do Mundial leváronse a cabo simultaneamente, sendo gañados por Francia e os Estados Unidos, que venceron a México (4-1) e Bélxica (3-0), respectivamente. Lucien Laurent de Francia marcou o primeiro gol na historia do Mundial.

As seleccións de Arxentina, Uruguai, Estados Unidos e Iugoslavia accederon ás semifinais do torneo tras imporse nos seus respectivos grupos. Na final, o anfitrión Uruguai venceu a Arxentina por 4 goles a 2 ante 93.000 espectadores, converténdose no primeiro país en gañar o título mundial, ratificando o feito nos Xogos Olímpicos de 1924 e 1928. O máximo goleador foi o arxentino Stábile con 8 tantos.^[4]

Antecedentes

Dende a fundación da FIFA en 1904, expúxose a posibilidade de realizar un torneo a nivel mundial; con todo, a recentemente formada organización non contaba cos recursos e a infraestrutura necesaria para semellante evento. Así, pediron apoio ao Comité Olímpico Internacional, o que en 1906 aceptou a inclusión do fútbol nos seus eventos deportivos. En 1914, a FIFA recoñeceu oficialmente ao torneo disputado nos Xogos Olímpicos como un «campionato mundial de fútbol para afeccionados», tomando a responsabilidade de organizar o evento durante o seguintes tres citas Olímpicas: desde 1920 a 1928. Até esa data, a organización do certame de fútbol olímpico estivo a cargo de asociacións nacionais, tales como a Football Association de Inglaterra en 1908 e a Asociación Sueca de Fútbol en 1912.

Tras o paso dalgúns anos, o Congreso da FIFA realizado en 1928 na cidade de Ámsterdam, decidiu a realización finalmente dun torneo especializado, para o cal debería buscarse unha sede. Rapidamente, varios países europeos presentaron a súa candidatura (Italia, Hungría, os Países Baixos, España e Suecia) xunto á do Uruguai. Jules Rimet, presidente da FIFA neses anos estaba a favor da realización no país suramericano, o cal se atoparía á data do Mundial celebrando o centenario da Xura da Constitución (18 de xullo de 1830) e que obtivera en forma consecutiva a medalla de ouro nos Xogos Olímpicos de 1924 e 1928. Ademais, as feridas da primeira guerra mundial aínda non cicatrizaran completamente no continente europeo, polo que a preferencia pola realización no Uruguai serviría como unha forma de alentar á paz mundial.

O boicot

Trala adxudicación do torneo ao Uruguai, o Comité Organizador repartiu as invitacións para as dezaseis cotas para o torneo. Con todo, o rexeitamento continuo da maioría dos equipos de países do continente europeo foi sorprendente. Estes argumentaron a súa ausencia debido aos altos custos que implicaba a viaxe a través do océano Atlántico e a forte crise económica que azoutara no último ano. Aínda cando os uruguaios ofreceron liquidar todos os gastos involucrados e compensar aos equipos de fútbol profesional pola ausencia dos seus xogadores, a maioría dos países europeos rexeitaron a invitación.

Só Francia, Bélxica, Iugoslavia e Romanía asistiron á cita en Montevideo. Francia foi practicamente obrigada a asistir debido á presión exercida por Jules Rimet, o cal tamén solicitou axuda persoalmente ao Rei Carlos II de Romanía. O monarca obrigou á participación dos seus xogadores, os cales foron elixidos o azar persoalmente polo rei nunha empresa petroleira romanesa. O seleccionado de Exipto anotouse para o torneo, pero pediu que movesen de data o comezo xa que non chegaban a tempo por culpa da viaxe en barco. Finalmente a FIFA non aceptou o pedido e Exipto non puido participar. No continente americano, Uruguai solicitou a axuda aos seus veciños para organizar o torneo. Aínda cando convidou a todos os países, moitos se negaron a pagar a suma de diñeiro solicitada como apoio á organización. Debido ao rexeitamento dos países europeos principalmente, a Copa debeu reducir o seu número de participantes de 16 a 13.

Equipos participantes

Grupo 1	Grupo 2	Grupo 3	Grupo 4
Arxentina Chile Francia México	Bolivia Brasil Iugoslavia	Perú Romanía Uruguai	Bélxica Estados Unidos Paraguai

Sedes

O Estadio Centenario foi a sede da maioría dos partidos do torneo.

O Gran Parque Central foi onde se xogou o primeiro partido na historia dos Mundiais, entre Estados Unidos e Bélxica

Cidade	Estadio	Capacidade
Montevideo	Estadio Centenario	65.000
	Estadio Gran Parque Central	20.000
	Estadio Pocitos	10.000

Para o torneo, a intención dos organizadores era que tódolos partidos se disputasen nun só estadio, o Estadio Centenario, construído especialmente para a celebración da Copa Mundial. Con todo, as fortes choivas caídas en Montevideo antes da inauguración do campionato impediron que a súa construción fose finalizada a tempo. Dada esta situación os organizadores víronse obrigados a buscar outros estadios para celebrar neles os primeiros partidos, atopándose dentro destes o estadio Gran Parque Central (propiedade do Club Nacional de Football), escenario onde se xogou o primeiro partido na historia dos Mundiais. O Estadio Centenario foi oficialmente inaugurado o sexto día de competición e a partir dese momento todos os partidos xogáronse aí.

Resultados

Os horarios corresponden á hora de Uruguai (UTC-2)

Primeira fase

Grupo 1

Equipo	Pts	PX	PG	PP	GF	GC	DG
Arxentina	6	3	3	0	10	4	6
Chile	4	3	2	1	5	3	2
Francia	2	3	1	2	4	3	1
México	0	3	0	3	4	13	-9

Francia	4 - 1	México	13 de xullo de 1930, 15:00 – Estadio Pocitos, Montevideo Asistencia: 1.000 Árbitro: Domingo Lombardi (Uruguai)
Laurent 19' Langiller 40' Maschinot 43' 87'	Informe	Carreño 70'

Arxentina	1 - 0	Francia	15 de xullo de 1930, 16:00 – Estadio Parque Central, Montevideo Asistencia: 3.000 Árbitro: Almeida Rego (Brasil)
Monti 81'	Informe

Chile	3 - 0	México	16 de xullo de 1930, 14:45 – Estadio Parque Central, Montevideo Asistencia: 500 Árbitro: Henry Christophe (Bélxica)
Subiabre 3' 52' Vidal 65'	Informe

Chile	1 - 0	Francia	19 de xullo de 1930, 12:50 – Estadio Centenario, Montevideo Asistencia: 2.000 Árbitro: Aníbal Tejada (Uruguai)
Subiabre 65'	Informe

Arxentina	6 - 3	México	19 de xullo de 1930, 15:00 – Estadio Centenario, Montevideo Asistencia: 5.000 Árbitro: Ulises Salcedo (Bolivia)
Stábile 8' 17' 80' Zumelzú 12' 55' Varallo 53'	Informe	Rosas 42' (pen.) 65' Gayón 75'

Arxentina	3 - 1	Chile	22 de xullo de 1930, 14:45 – Estadio Centenario, Montevideo Asistencia: 1.000 Árbitro: Jan Langenus (Bélxica)
Stábile 12' 13' Evaristo 51'	Informe	Subiabre 15'

Grupo 2

Equipo	Pts	PX	PG	PP	GF	GC	DG
Iugoslavia	4	2	2	0	6	1	5
Brasil	2	2	1	1	5	2	3
Bolivia	0	2	0	2	0	8	-8

Iugoslavia	2 - 1	Brasil	14 de xullo de 1930, 12:45 – Estadio Parque Central, Montevideo Asistencia: 5.000 Árbitro: Aníbal Tejada (Uruguai)
Tirnanić 21' Bek 30'	Informe	Preguinho 62'

Iugoslavia	4 - 0	Bolivia	17 de xullo de 1930, 12:45 – Estadio Parque Central, Montevideo Asistencia: 800 Árbitro: Francisco Mateucci (Uruguai)
Bek 60' 67' Marjanović 65' Vujadinović 85'	Informe

Brasil	4 - 0	Bolivia	20 de xullo de 1930, 13:00 – Estadio Centenario, Montevideo Asistencia: 1.200 Árbitro: John Balway (Francia)
Moderato 37' 73' Preguinho 57' 83'	Informe

Grupo 3

Equipo	Pts	PX	PG	PP	GF	GC
Uruguai	4	2	2	0	5	0
Romanía	2	2	1	1	3	5
Perú	0	2	0	2	1	4

Romanía	3 - 1	Perú	14 de xullo de 1930, 14:50 – Estadio Pocitos, Montevideo Asistencia: 300¹ Árbitro: Alberto Warnken (Chile)
Deşu 1' Barbu 85' Stanciu 85'	Informe	Souza 75'

Uruguai	1 - 0	Perú	18 de xullo de 1930, 14:30 – Estadio Centenario, Montevideo Asistencia: 70.000 Árbitro: Jan Langenus (Bélxica)
Castro 65'	Informe

Uruguai	4 - 0	Romanía	21 de xullo de 1930 – Estadio Centenario, Montevideo Asistencia: 80.000 Árbitro: Almeida Rego (Brasil)
Dorado 7' Scarone 26' Anselmo 31' Cea 35'	Informe

¹ Cantidade máis baixa de espectadores nun partido da Copa do Mundo da historia.

Grupo 4

Equipo	Pts	PX	PG	PP	GF	GC
Estados Unidos	4	2	2	0	6	0
Paraguai	2	2	1	1	1	3
Bélxica	0	2	0	2	0	4

Estados Unidos	3 - 0	Bélxica	13 de xullo de 1930, 15:00 – Estadio Parque Central, Montevideo Asistencia: 10.000 Árbitro: José Macías (Arxentina)
McGhee 41' 45' Patenaude 88'	Informe

Estados Unidos	3 - 0	Paraguai	17 de xullo de 1930, 14:45 – Estadio Parque Central, Montevideo Asistencia: 800 Árbitro: José Macías (Arxentina)
Patenaude 10' 15' 50'	Informe

Paraguai	1 - 0	Bélxica	20 de xullo de 1930, 15:00 – Estadio Centenario, Montevideo Asistencia: 900 Árbitro: Ricardo Vallarino (Uruguai)
Vargas Peña 40'	Informe

Segunda fase

Semifinais		Final

Montevideo, 26 de xullo
Uruguai	6
Iugoslavia	1

		Montevideo, 30 de xullo
		Uruguai	4
		Arxentina	2



Montevideo, 27 de xullo
Arxentina	6
Estados Unidos	1

Semifinais

Arxentina	6 - 1	Estados Unidos	26 de xullo de 1930, 14:45 – Estadio Centenario, Montevideo Asistencia: 80.000 Árbitro: Jan Langenus (Bélxica)
Monti 20' Scopelli 56' Stábile 69' 87' Peucelle 80' 85'	Informe	Brown 89'

Uruguai	6 - 1	Iugoslavia	27 de xullo de 1930, 14:45 – Estadio Centenario, Montevideo Asistencia: 93.000 Árbitro: Almeida Rego (Brasil)
Cea 18' 67' 72' Anselmo 20' 31' Iriarte 61'	Informe	Sekulić 4'

Terceiro posto

Iugoslavia negouse a participar no partido polo terceiro lugar como forma de protesta pola arbitraxe no seu partido ante Uruguai, onde se anulara un gol iugoslavo lexítimo. Así, os Estados Unidos obtiveron o terceiro posto. Con todo, segundo outras fontes o partido polo terceiro posto chegou a celebrarse, con vitoria iugoslava por marcador de 3-1.^[5]

Final

Artigo principal: Final do Mundial de Fútbol de 1930.

Uruguai	4 - 2	Arxentina	30 de xullo de 1930, 14:15 – Estadio Centenario, Montevideo Asistencia: 93.000 Árbitro: John Langenus (Bélxica)
Dorado 12' Cea 57' Iriarte 68' Castro 89'	Informe	Peucelle 20' Stábile 37'

Campión do Mundo
Uruguai Primeiro título

Goleadores

Con oito goles, o arxentino Guillermo Stábile foi o máximo goleador do torneo. En total anotáronse 70 goles por 36 xogadores, dos cales un foi considerado en propia meta.

8 goles

Guillermo Stábile

5 goles

Pedro Cea

4 goles

Bert Patenaude

3 goles

Peregrino Anselmo

Ivan Bek

2 goles

1 gol

1 autogol

Manuel Rosas (xogando contra Chile)

Clasificación retrospectiva

O redondelán Pedro Cea, segundo máximo goleador do Mundial.

En 1986, a FIFA publicou un informe no que facía unha clasificación das seleccións en cada Copa do Mundo.^[6] A clasificación de 1930 foi a seguinte:

P	Selección	G	X	V	E	D	GF	GC	DF	Pts.
1	Uruguai	3	4	4	0	0	15	3	+12	8
2	Arxentina	1	5	4	0	1	18	9	+9	8
3	Estados Unidos	4	3	2	0	1	7	6	+1	4
4	Iugoslavia	2	3	2	0	1	7	7	0	4
Eliminados na fase de grupos
5	Chile	1	3	2	0	1	5	3	+2	4
6	Brasil	2	2	1	0	1	5	2	+3	2
7	Francia	1	3	1	0	2	4	3	+1	2
8	Romanía	3	2	1	0	1	3	5	−2	2
9	Paraguai	4	2	1	0	1	1	3	−2	2
10	Perú	3	2	0	0	2	1	4	−3	0
11	Bélxica	4	2	0	0	2	0	4	−4	0
12	Bolivia	2	2	0	0	2	0	8	−8	0
13	México	1	3	0	0	3	4	13	−9	0

Notas

↑ "1930 FIFA World Cup Uruguay". FIFA. Arquivado dende o orixinal o 04 de abril de 2019. Consultado o 19 de xuño de 2020.
↑ Combe, Eduardo (4 de xaneiro de 2018). "¿Qué país organizó el primer Mundial de la historia, en 1930?" [Que país organizou o primeiro Mundial da historia en 1930?]. depor.com (en castelán). Arquivado dende o orixinal o 21 de xuño de 2020. Consultado o 19 de xuño de 2020.
↑ "Estadio Centenario". Stadium Guide (en inglés).
↑ "World Cup 1930 Uruguay. Top Scorer". World Football (en inglés).
↑ "Historia dos Mundiais". Arquivado dende o orixinal o 30 de xullo de 2010. Consultado o 13 de xuño de 2010.
↑ "FIFA World Cup: Milestones, facts & figures. Statistical Kit 7" [Copa Mundial da FIFA: Fitos, feitos e figuras. Documento estatístico 7] (PDF) (en inglés). FIFA. 26 March 2013. Arquivado dende o orixinal (PDF) o 21 de maio de 2013. Consultado o 23 de xuño de 2020.

Véxase tamén

Outros artigos

Ligazóns externas

Uruguai 1930 en fifa.com Arquivado 04 de abril de 2019 en Wayback Machine.

[1] "1930 FIFA World Cup Uruguay". FIFA. Arquivado dende o orixinal o 04 de abril de 2019. Consultado o 19 de xuño de 2020.

[2] Combe, Eduardo (4 de xaneiro de 2018). "¿Qué país organizó el primer Mundial de la historia, en 1930?" [Que país organizou o primeiro Mundial da historia en 1930?]. depor.com (en castelán). Arquivado dende o orixinal o 21 de xuño de 2020. Consultado o 19 de xuño de 2020.

[3] "Estadio Centenario". Stadium Guide (en inglés).

[4] "World Cup 1930 Uruguay. Top Scorer". World Football (en inglés).

[5] "Historia dos Mundiais". Arquivado dende o orixinal o 30 de xullo de 2010. Consultado o 13 de xuño de 2010.

[6] "FIFA World Cup: Milestones, facts & figures. Statistical Kit 7" [Copa Mundial da FIFA: Fitos, feitos e figuras. Documento estatístico 7] (PDF) (en inglés). FIFA. 26 March 2013. Arquivado dende o orixinal (PDF) o 21 de maio de 2013. Consultado o 23 de xuño de 2020.

[1]

[2]

[3]

[4]

[5]

[6]