Provincia de Burgos

Provincia de Burgos

Localización
42°23′N 3°40′O
Estado	España
Comunidade autónoma	Castela e León
Capital	Burgos
Contén a división administrativa	Cayuela
Poboación
Poboación	356.055 (2021) (25,39 hab./km²)
Xeografía
Superficie	14.022 km²
Punto máis alto	Pico San Millán (en) (2.131 m)
Punto máis baixo	Río Cadagua (160 m)
Comparte fronteira con	provincia de Soria provincia de Cantabria provincia de Palencia provincia de Valladolid Biscaia Q31844097 Áraba provincia de Segovia
Organización política
Órgano executivo	Deputação Provincial de Burgos (pt)
Identificador descritivo
Código postal	09
ISO 3166-2	ES-BU
Código NUTS	ES412
Código INE	09
Páxina web	diputaciondeburgos.es

A provincia de Burgos é unha das provincias de Castela e León, está situada ao nordés desta comunidade. A súa capital é a cidade homónima de Burgos. Ocupa unha superficie de 14.300 km² e a súa poboación en 2006 era de 363.874 habitantes. Moitos dos 370 concellos da provincia (131 en 2006) teñen menos de 100 habitantes.

Burgos posúe un enclave no interior da provincia de Áraba: o enclave de Treviño.

Xeografía

A provincia limita coa Comunidade Autónoma da Rioxa e Soria polo leste; con Palencia e Valladolid polo oeste ; con Segovia polo sur e coa Comunidade Autónoma de Cantabria e o País Vasco (Biscaia e Áraba) polo norte.

Ríos

Pola provincia pasan o Ebro, o Douro, o Arlanzón e o Arlanza.

Comarcas

A provincia de Burgos divídese en 10 comarcas:

Comarca	Municipios	Superficie (Has)	Pob. (INE 2006)
Alfoz de Burgos	52		193.341
Arlanza	51		13.578
La Bureba	51		12.682
Ebro	8		50.642
Meiriñados	25		23.186
Montes de Oca	24		6.462
Odra-Pisuerga	43		10.461
Páramos ou Sedano e Las Loras	10		2.355
Ribera del Duero	56		48.035
Serra da Demanda	51		13.132

Localidades principais

As localidades da provincia con máis de mil habitantes son:

Arco de Santa María, Burgos

Alcázar dos Condestables de Castela, Medina de Pomar

Estatua do Cid, en Burgos

Nome	Pob. (INE 2006)
Burgos	173.676
Miranda de Ebro	42.632
Aranda de Duero	32.545
Briviesca	7.146
Medina de Pomar	5.610
Villarcayo de Merindad de Castilla la Vieja	4.377
Valle de Mena	3.611
Lerma	2.789
Roa	2.363
Belorado	2.157
Salas de los Infantes	2.049
Quintanar de la Sierra	1.994
Espinosa de los Monteros	1.951
Melgar de Fernamental	1.876
Villadiego	1.840
Pradoluengo	1.549
Alfoz de Quintanadueñas	1.515
Oña	1.422
Merindad de Río Ubierna	1.362
Condado de Treviño	1.345
Sasamón	1.296
Ibeas de Juarros	1.276
Villagonzalo Pedernales	1.245
Huerta de Rey	1.175
Trespaderne	1.067
Valle de Tobalina	1.021

Partidos xudiciais

A provincia de Burgos conta con sete partidos xudiciais:

Partido Xudicial	Municipios	Superficie (Has)	Pob. (INE 1998)
Aranda de Duero	56	157.087	46.721
Briviesca	42	105.044	11.648
Burgos	135	499.615	198.682
Lerma	52	171.396	14.521
Miranda de Ebro	14	61.869	50.125
Salas de los Infantes	48	150.043	13.852
Villarcayo	24	253.340	22.806
Total	371	1.429.219	346.355

Entidades Locais Menores

As Entidades Locais Menores son un tipo de subdivisións dos concellos que se dan na provincia de Burgos.

Comunicacións

Autoestradas, autovías e estradas

Pola provincia discorren numerosas estradas nacionais, autovías e autoestradas que unen o territorio con outros da mesma comunidade e coas de fóra. Destacan:

• : Burgos-Armiñón
• : Madrid-Burgos e Armiñón-Irún
• : Burgos-Miranda
• : León-Burgos
• Autovía do Camiño, Autovía do Camiño de Santiago ou Estrada N-120, Logroño-Burgos-Vigo, que segue o trazado do Camiño de Santiago, tamén chamada A-12 cando estean terminadas as obras entre Logroño e Burgos, actualmente en curso.

En proxecto está a AP-69 ou Autoestrada Dous Mares que unirá Miranda de Ebro coa cornixa cantábrica a través dos meiriñados.

• : Reinosa-Miranda de Ebro

Centro de control de Adif en Miranda de Ebro.

Ferrocarril

A provincia conta con dúas estacións de ferrocarril consideradas de primeira orde: a estación de Burgos e a estación de Miranda de Ebro. A primeira delas atópase na liña Madrid-Irún e a partir de decembro do 2007, está conectada con Madrid grazas a un servizo Alvia de Alta Velocidade. Na segunda estación únese á devandita liña Madrid-Irún coa de Castejón-Bilbao. Tamén quedará conectada a Madrid co mesmo servizo de Alta Velocidade que Burgos. A estación de Miranda conta cun importante núcleo loxístico coa súa Clasificación de Mercancías e numerosos talleres de RENFE. Nas instalacións ferroviarias de Miranda está o Posto de Mando de Adif que se encarga do control do tráfico de todo o norte peninsular.

A Estación de Aranda de Duero veu remitida a súa actividade nos últimos anos, empregándose no uso industrial para algunhas empresas da zona.

Aeroportos

A provincia ten un aeroporto, o Aeroporto de Burgos. Pertence á rede de AENA e está situado a uns catro quilómetros ao nordés da capital, nunha ampla chaira sobre terreos do termo municipal de Burgos e comprendendo os barrios de Gamonal e Villafría. Incorporouse á rede de aeroportos de AENA en outubro do ano 2000.

Economía

A potencia de xeración eléctrica total instalada na provincia de Burgos a 31 de decembro do 2003, incluíndo autoprodutores, era de 964 MW, aproximadamente un 8,5% superior á potencia xerada no ano anterior. Destaca a entrada en servizo no ano de parques eólicos así como a entrada en funcionamento de dúas plantas de tratamento de residuos, neste caso de xurros, para a produción de enerxía. Cabe comentar o incremento nun 22% con respecto ao ano 2002 da potencia instalada en coxeración. Este incremento é, en parte, debido á transposición en España de Directivas Europeas para o fomento das enerxías renovables e a coxeración.

Fonte enerxética	2002	%	2003	%	Variación %
Hidroeléctrica	108.343	2.12	153.018	2.92	41,23
Nuclear	3.995.000	78.16	3.742.000	71.54	-6.33
Gas	702.177	13.74	881.847	16.86	25.59
Tratamento de Residuos	0	0	41.382	0.79	---
Eólica	305.600	5.98	411.499	7.87	34.65
Fotovoltaica	5.63	0.001	101.05	0.2	---
Total	5.111126	100.00	5.229.846	100.00	2.32

Lugares de interese

Patrimonio da Humanidade:

• Catedral de Burgos, Camiño de Santiago, Atapuerca.

Históricos/arqueolóxicos

• Cidade romana de Clunia (cerca de Peñaranda de Duero) e vila Romana de Santa Cruz (Do século IV) Baños de Valdearados.
• Románico do Esgueva.
• Sitio arqueolóxico da Ulaña (Declarado Ben de Interese Cultural en 2006).

Outros

• Cidade de Burgos e o seu casco antigo.
• Localidades de Santo Domingo de Silos, Covarrubias, Lerma, Peñaranda de Duero, Orbaneja del Castillo, Frías, Oña, Villarcayo e Medina de Pomar, entre outras.
• Monumento Natural de Monte Santiago: espazo natural protexido con 2.537 ha. de superficie; é coñecido polo Salto do Nervión, que con 270 m de caída é a fervenza máis grande de España, arrodeado dun fermoso faial.
• Monumento Natural Ojo Guareña cunha área de 13.850 ha, é un Complexo Kárstico, considerado o de maior desenvolvemento de España con 110 km de galerías subterráneas.
• Xacemento petrolífero de Sargentes de la Lora.
• Camiño de Santiago: Redecilla del Camino, Belorado, Villafranca Montes de Oca, San Juan de Ortega, Atapuerca, Castrogeriz.