Teatro Bolshoi

Teatro Bolshoi
Vista da fachada en 2012.
Enderezo	Praza Teatralnaya, 1
Cidade	Tverskoy
País	Rusia, Imperio Ruso e Unión Soviética
Arquitecto/s	Joseph Bové
Inauguración	28 de marzo de 1776
Reapertura	28 de outubro de 2011
Na rede
https://bolshoi.ru/
[ editar datos en Wikidata ]

O Teatro Bolshoy (Большо́й теа́тр, [bʌlʲ 'ʃɔj tʲɪ'atr], en galego pronunciaríase coma balxoi) é tanto un teatro como unha Compañía de teatro, danza e ópera con sede en Moscova, Rusia, e unha unidade adicional en Joinville, Brasil. A palabra Bolshoy significa "grande" en ruso.

A compañía foi fundada en 1776 por Peter Urussov e Michael Maddox. Despois de tres anos de se presentar nun recinto privado, adquiriu o teatro Petrovsky, onde durou ata o incendio que destruíu o edificio en 1805.

O edificio que actualmente funciona como sede foi construído en 1825 sobre os restos do teatro Petrovsky, deseñado polo arquitecto Ossip Ivanovitch Bovet. Este teatro é, despois do Scala, o maior teatro de Europa.

Nun principio, o Teatro Bolshoy era un foro exclusivo para a arte rusa; as óperas presentadas servían como contrapeso á forte influencia italiana do século XIX. Entre os compositores predilectos estaba Mikhail Glinka. Actualmente, toda tempada teatral comeza cunha ópera de Glinka.