A Veiga, Asturias

Para outras páxinas con títulos homónimos véxase: A Veiga (homónimos).

A Veiga, Asturias

Brasón
Localización
43°24′57″N 6°59′57″O
Estado	España
Comunidade autónoma	Asturias
Provincia	provincia de Asturias
Capital	A Veiga
Contén a división administrativa	A Veiga Abres Guiar Meredo Paramios Piantón
Poboación
Poboación	3.885 (2023) (48,15 hab./km²)
Xeografía
Parte de	Q5991228 Mancomunidade Occidental
Superficie	80,69 km²
Comparte fronteira con	Castropol Santiso de Abres Trabada Taramundi Vilanova de Ozcos Ribadeo
Organización política
• Alcaldesa da Veiga	María Begoña Calleja Quijada
Identificador descritivo
Código postal	33770
Fuso horario	UTC+01:00
Código INE	33074
Sitio web	vegadeo.es

A Veiga (en castelán: Vegadeo) é un concello situado na costa do Principado de Asturias, limítrofe con Galicia, no fondo da ría de Ribadeo. O seu nome orixinal é A Veiga de Ribadeo como aínda aparece na actualidade nunha inscrición no templete da música do parque d'El Medal, no centro da capital municipal.

Lingua

Este concello maiormente galegofalante é considerado tradicionalmente como un dos 48 concellos da Galicia estremeira. En xaneiro de 2016 converteuse no primeiro municipio da comarca do Eo-Navia en situar o galego ao mesmo nivel có castelán. Na vila naceu Armando Cotarelo Valledor, escritor homenaxeado no Día das Letras Galegas de 1984.

Parroquias

O concello divídese en 6 parroquias:

Mapa parroquial da Veiga.

Número	Nome	Superficie (km²)	% Superficie da Veiga	Poboación (2018)	% Poboación da Veiga	Densidade de poboación (hab./km²)
1	Abres	10,49	13%	187	4,76%	17,83
2	A Veiga	9,79	12,13%	2 924	74,48%	298,67
3	Guiar	5,55	6,88%	28	0,71%	5,05
4	Meredo	27,87	34,54%	200	5,09%	7,18
5	Paramios	9,89	12,26%	81	2,06%	8,19
6	Piantón	19,17	23,76%	465	11,84%	24,26

Camiño de Santiago

Coa entrada en servizo en 1987 da ponte dos Santos, os peregrinos que se dirixían á ponte do Fornacho (Santiago de Abres) para evitar cruzar a ría de Ribadeo en barca, comezaron a facelo polo novo paso, dirixíndose a Ribadeo, e desde aquí a Lourenzá e Mondoñedo. A Veiga foi tendo menos tránsito de peregrinos e só algúns seguían a antiga ruta, dirixíndose a Trabada. A Asociación Asturgalaica de Amigos do Camiño comezou a reivindicar a construción dun albergue en Santiago de Abres, paso fundamental para recuperar a vía histórica. En 2017 instalouse provisionalmente un albergue no Polideportivo da Veiga ao tempo que na Trapa (Trabada) comezaba a ofrecer os seus servizos outro albergue. Isto, unido aos labores de mellora, poza e sinalización emprendidos polo Goberno do Principado de Asturias, fixo que a ruta histórica estea a recuperar peregrinos. Para o Goberno do Principado, este foi sempre o Camiño Oficial e a única ruta do Camiño do Norte sinalada con pedras e vieiras.

Galería

• Imaxes do concello
• 
• 
• 
• 
• 
• 

Véxase tamén

• Concello de A Veiga

Bibliografía

• Cuervas-Mons García-Braga, Antonio (2000). Castropol, Vegadeo, Ribadeo y su ría (en castelán). Ediciones Júcar. ISBN 84-334-1489-5.