Aescwine de Essex
  | |
| Nome orixinal | (ang) Æscwine |
|---|---|
| Biografía | |
| Nacemento | século VI Saxonia - Sachsen, Alemaña |
| Morte | c. 587 Essex, Reino Unido |
| Rei | |
| | |
| Actividade | |
| Ocupación | monarca |
| Familia | |
| Fillos | Sledda de Essex |
Æscwine, ou Erkenswine, nas xenealoxías reais anglosaxoas está listado como o primeiro rei de Essex. Se realmente existiu, debeu facelo durante o século VI.
Traxectoria
[editar | editar a fonte]Hai moi pouca evidencia dispoñíbel acerca da súa existencia. O seu nome Æscwine primeiro aparece nunha xenealoxía saxoa que se conserva na Biblioteca Británica Add. MS 23211, presumibelmente de finais do século IX. Nesta xenealoxía dise que foi fillo de Offa, fillo de Bedca, fillo de Sigefugl, fillo de Swæppa, fillo de Antsecg, fillo de Gesecg, fillo de Saxnot (deus dos saxóns), este último fillo de Odín.
A información máis profunda é fornecida por traballos de historiadores que escriben nos séculos XII e XIII, por exemplo: Henrique de Huntingdon Historia Anglorum, Roger de Wendover Flores Historiarum e Mateu de París Chronica Majora. Estes, con todo, substitúen o nome Æscwine por Erkenwine. Segundo estes relatos, Erkenwine foi pai de Sledd. Roger de Wendover e Mateu de París afirman que Erkenwine fundou o reino de Essex en 527 e reinou desde aquel ano até 587, ano da súa morte e sucesión por parte do seu fillo Sledd. A extensión do seu reinado parece improbábel para ese tempo. Alternativamente, as xenealoxías incluídas nos traballos de Guillerme de Malmesbury e Xoán de Worcester (Chronicon B) suxiren que Sledd foi o primeiro rei de Essex e na Biblioteca Británica Add as xenealoxías suxiren reis máis tardíos como Offa, Sigered e Swithred.
Notas
[editar | editar a fonte]- Yorke, Barbara. "O Reino dos saxóns do leste." Inglaterra anglosaxoa 14 (1985): 1-36.