Conversa Wikipedia:Wikiproxecto modelos/Persoa

Preguntas para configurar o {{Persoa}}

• A infocaixa pode categorizar "Persoas Vivas" (en CAwiki facemos). Queres activalo en GLwiki?. Que categoría? --Amadalvarez (conversa) 2 de abril de 2024 ás 20:29 (UTC)

Paréceme unha categoría xenérica de máis. Teríamos milleiros de artigos nela con persoas sen máis relación que todos seguen a respirar. Eu diría que non. Que dicides os demais?--Breogan2008 (conversa) 4 de abril de 2024 ás 10:15 (UTC)

Eu tamén penso que é redundante. Ao indicar as datas de nacemento e morte, se non aparece a segunda, debe sobrentenderse. Por min non. MAGHOI (conversa) 13 de abril de 2024 ás 17:44 (UTC)

Suxestións de mellora

Facer lista:

• Eu apoio que este modelo se chame Biografía e non Persoa. A maioría dos artigos sobre persoas xa empregan ese termo e o traslado sería moito máis doado e lóxico. Se é posible movelo, adiante.--Breogan2008 (conversa) 4 de abril de 2024 ás 10:16 (UTC)

@Breogan2008. Paréceme moi lóxico.

Actualmente "Biografía" corresponde á versión antiga e a antiga e a nova non poden ter o mesmo nome. Solución:

A) cambia o nome do modelo antigo, por exemplo, a "Biografía antiga" para os 29.000 artigos que o usan. A medida que migran, este "nome especial" desaparecerá.

B) continúa con "persoa" para os usos do novo e cando se migraron todos os artigos da antiga "Biografía", cambia "Persoa" a "Biografía" en todos os artigos.

La meva preferida és la A) Amadalvarez (conversa) 4 de abril de 2024 ás 15:37 (UTC)

Coido que ten mellor traza a opción A. Fagámolo así logo. Breogan2008 (conversa) 4 de abril de 2024 ás 15:53 (UTC)

OK. No hagais nada de momento. Dame un par de dias que buscaré una herramienta que tengo por algun lado para hacer cambios masivos. Salut ! Amadalvarez (conversa) 4 de abril de 2024 ás 16:20 (UTC)

A min tamén me gusta máis Biografía. MAGHOI (conversa) 4 de abril de 2024 ás 16:02 (UTC)

Hola @Breogan2008, @MAGHOI.

Tinc unha nova proposta de pla de migración de modelo:Biografía.

A solución A) ter renombrado os 29.000 artigos actuais e despois migrar. Na solución B) manteña unha dobre nomenclatura para poder migrar os artigos actuais a "persoa" e despois cambiar todos a "Biografia".

A nova proposta consiste en crear a pre-infotaula que "traduirá" os nomes de parámetros dos artigos actuais que espera a "Infobox person". D'aquesta forma non hem de cambiar o cap dos artigos actuais e els que hem creado com a "persoa", els reanomenarem a "Biografia" i todos seran igual i seguiran o mesmo procés. Per tant, quan ho fem, estarem cambiando de cop todos os artigos actuais de "Biografia" á nova infotaula.

Segona parte: posuía un control de quins parámetros fan servir os artigos actuais. Algúns parámetros non corresponden ao 100% con nós i cal analizar-os un por un. Com que son poucos i sabem en quins artigos estan, o que faré é non tratar-los á pre-infotaula e correxir-los a mà, xa seguir por colocar-los on toca, xa seguir por eliminar-los si a WD están informacións.

A continuación, a feina a fer é anar eliminando os parámetros manuais que non aporten res i manter -fins que tingueu temps per carregar-los a WD- aquells que encara non teñan contido a WD.

Si non tes res en contra, eu poñeré este cap de semana.

Salut ! Amadalvarez (conversa) 5 de abril de 2024 ás 22:42 (UTC)

Por min está ben @Amadalvarez, se pensas que é a mellor maneira adiante coa Nova proposta. Saúdos meu! Breogan2008 (conversa) 6 de abril de 2024 ás 03:00 (UTC)

• Estudar poder parametrizar a orde na que se mostran os bloques de información na infocaixa, tal e como se comenta en "Errors". --Amadalvarez (conversa) 11 de abril de 2024 ás 18:10 (UTC)
• Mellora o uso de Circunstancias da morte (P1196) xunto con Causa da morte (P509), en casos como "causas naturais" + "enfermidade", tal e como se comenta en "Causa da morte". --Amadalvarez (conversa) 13 de abril de 2024 ás 19:20 (UTC)

Errors

• Non mostra "Nacionalidade". En WD non hai nacionalidade, pero País de nacionalidade (P27). En CAwiki decidimos non usalo porque o contido era polémico. Se GLwiki decide usalo, non hai problema. --Amadalvarez (conversa) 3 de abril de 2024 ás 21:04 (UTC)

Segundo a miña opinión é relevante ter este apartado. Entendo que pode resultar polémico que wikidata sinale de "X" nacionalidade a persoas que non se sintan parte dela, mais non falta á verdade ata que non mude esa realidade. No modelo Biografía xa inclúe a nacionalidade. Nun principio diría que si, manteñámolo.--Breogan2008 (conversa) 4 de abril de 2024 ás 10:15 (UTC)

Graciñas, @Breogan2008. A País de nacionalidade (P27) e Residencia oficial (P263), que tampouco se mostran en CAwiki, están habilitados. Se cambias de opinión máis tarde, é fácil de aplicar. Amadalvarez (conversa) 4 de abril de 2024 ás 15:19 (UTC)

Malia que poida provocar polémica, concordo con Breo en mantelo. Independentemente dos sentimentos de cada persoa, é un feito obxectivo. Espero que non teñamos moitos casos de dobre nacionalidade :). Saúdos. @Amadalvarez e @Breogan2008 MAGHOI (conversa) 4 de abril de 2024 ás 16:00 (UTC)

@Amadalvarez Gràcies per l'aclariment. Salut MAGHOI (conversa) 5 de abril de 2024 ás 23:27 (UTC)

Ola! Superbotraballo no conxunto! Con todo, non estou a favor, @Amadalvarez, de que se amose a entidade política á que pertencen o lugar de nacemento e o lugar de falecemento. Non é unha información necesaria:

• é unha presenza excesiva de entidades políticas de rango estatal que son perfectamente prescindibles.
• xa está posto tamén no texto do artigo sempre.
• o lugar de nacemento e de falecemento xa son entidades clicables (se alguén ten interese en saber máis).
• non é un dato sobre a persoa, senón un dato secundario sobre o lugar (de igual importancia có número de habitantes, por exemplo).
• na gran maioría de casos é un dato redundante, porque a persoa lectora media sabe onde está París ou Beijing ou Carballo ou Palamós.
• crea un exceso de representación, na nosa Galipedia, de "España", que aparece adoito 3 veces en todas as caixas de alcaldes, escritores e futbolistas galegos (nada en contra de España, pero en en:Banal_nationalism explican que é iso e por que non é "neutral".

Tampouco creo que se deba amosar o campo de lingua falada. As razóns son:

• na gran maioría dos casos, son datos sen referenciar, que se asumen a partir de "nacionalidade".
• nunca temos información de uso de linguas minorizadas ou estranxeiras. Nunca sabemos que galegos falaban francés ou inglés, por exemplo. É dicir, estamos dando unha info nesgada.
• no caso en concreto de situacións de "linguas minorizadas" o nesgo dos robots fai que todas as caixas de biografía dos galegos automaticamente teñan como lingua falada o castelán, independentemente de se esa persoa pode falala ou quere falala e polo tanto a fala.
• as linguas faladas non son magnitudes binarias (non é falo / non falo; é falo A1, A2, C2...). Co cal a info é moi reducionista e reforza o nesgo de só considerar linguas "faladas" as dos estados en que esa persoa vive ou da que é nacional.

Podo entender que ese dato debe de estar na Wikidata; pero que é de demasiada pouca calidade como para promocionalo na caixa de biografía da Wikipedia.

Un saúdo e moitas grazas polo traballo. --Xabier Cid Talk 2 me, please 11 de abril de 2024 ás 07:13 (UTC)

Ola, @Xabier Cid. Concordo en varias cousas contigo. Porén, segundo eu entendo, iso sería un segundo proceso. O que fai @Amadalvarez, é facilitarnos toda a estrutura e, nun momento posterior, será a nosa comunidade a que decidirá se este elemento é pertinente ou non e decide ocultalo (no sentido de que non vemos a pertinencia) ou non. Xa se fixo así no modelo de Xeografía política, onde se mudaron as cores. Aínda que este foi un cambio menor, sírveme como exemplo e, unha vez, o modelo, estea rematado, comprirá axeitalo aos nosos gustos e necesidades. Saúdos. MAGHOI (conversa) 11 de abril de 2024 ás 09:11 (UTC)

Grazas @Xabier Cid pola túa interesante e necesaria reflexión. Estou de acordo contigo nalgúns puntos. Pero o importante é que a decisión a tome a comunidade da Galipedia, como @MAGHOI explica moi ben.

A “infocaixa” é maximalista para poder atender [case] todas as sensibilidades. Posteriormente, é cada comunidade a que pode parametrizar, á baixa, o que non quere que se mostre, xa sexa para todos os artigos ou para os artigos que se sinalan individualmente.

CAwiki xa sufriu as consecuencias de accións contraproducentes (e probablemente maliciosas) sobre cuestións de lingua e nacionalidade, como xa insinuei anteriormente. Pero, a solución non ten que ser a mesma para todos; as decisións deben tomarse a nivel de cada comunidade lingüística.

Déixoo nas túas mans e axúdoche a comprender como facer a implementación. Saúde! Amadalvarez (conversa) 11 de abril de 2024 ás 10:28 (UTC)

Esa é a cuestión. Despois a comunidade decidirá. Unha pregunta, @Amadalvarez: entendo que na infotaula os diferentes bloques (que están separados por bandas de cor e un título, por exemplo: biografía, ou Datos persoais) pódense cambiar de orde. É dicir, o bloque de biografía que ten o item de Nacemento, poderíase copiar o código e colocalo na parte final da infotaula, non? Digo isto, porque na liña de @Xabier Cid, de modificar algúns aspectos, hai apartados que se poden decidir ocultar pero eu tamén sería partidario de que en Joan Herrera, como modelo de político, tivese unha orde diferente e os "Datos persoais" e a "Actividade" que están ao final da infocaixa; a min gústanme máis enriba, antes de toda a lista de cargos que tivo (deputado...).

Por certo, neste mesmo caso (Joan Herrera), na parte superior da infocaixa, onde aparecen as siglas de ICV, tamén aparece o "Q", que supoño que é incorrecto. Saúdos. MAGHOI (conversa) 11 de abril de 2024 ás 16:28 (UTC)

@MAGHOI, En principio, a orde de presentación non é parametrizable. Se tes unha proposta específica, podo ver se podo atopar algún xeito sinxelo de facelo parametrizable e, polo tanto, modificable por cada WP.

Se isto non é posible, sempre tes a opción de facer os cambios na túa copia e ocuparte do mantemento futuro. É dicir, como funcionaba antes cando copiabas un modelo de CAwiki ou ESwiki.

De momento, poñoo na lista de melloras.

Non atopei a "Q" que indicas. Cando a versión galega non existe en WD, amosa unha das outras linguas alternativas (creo que son pt, es, en...) e, se non hai texto en ningunha destas linguas, entón mostra o Qnnnn. Amadalvarez (conversa) 11 de abril de 2024 ás 17:35 (UTC)

@Amadalvarez Referíame a que en Modelo:Infobox person, no primeiro exemplo Anna Stachurska (Q105203196), paréceme unha orde máis lóxica que o apartado de "familia", estivese, por exemplo, despois de "Datos persoais", e non despois de "actividade". Hai non hai moito problema, pero nun exemplo posterior, que aparece como Mariah Carey (Q41076) -a foto e os datos son de Cruyff- o apartado da "familia" aparece despois de "participou en" e diante de "premios"; eu coido máis lóxico que estivese a continuación de "datos persoais".

Pero se non é posible ou dá moito traballo, nin o mires, bastante estás a facer. De tódolos xeitos, grazas pola resposta. MAGHOI (conversa) 11 de abril de 2024 ás 17:47 (UTC)

@MAGHOI Ai! Non te entendín. As mostras que aparecen na infobox person son as que utilizo para probar rapidamente os cambios. Modifico os casos, dependen do cambio a probar. No nome da cabeceira poño nome+Q para ir rapidamente ao item WD se o necesito e ás veces esquézoo de facelo e o nome e o contido non coinciden. Sentímolo. Agora están todos arranxados.

Sobre o formato. O estrutura estándar é o que se mostra ás persoas sen cargos (Cargo ocupado (P39)) é:

• Biografía: Nomes, nacemento e morte
• Datos persoais: nacionalidade, residencia, educación,
• Actividade: profesional, empresas, associaciones, partidos,
• Carreira militar.
• Familia,
• Outras temáticas: premios, cronoloxía, escudo, páxina web persoal, sinatura, voz

No caso dos deportistas, contan con información extra da carreira que vai detrás do bloque "actividade", coma se dunha ampliación se tratara.

No caso de persoas con cargos: cargos civís ou políticos, nobres e eclesiásticos, a información sobre os cargos apareceu despois da actividade na primeira versión, seguindo a lóxica dos deportistas, xa que os cargos forman parte da actividade. Pero pronto se viu que, para estas persoas, a información sobre postos era máis relevante que os datos persoais (normalmente longos nestes perfís) e a actividade profesional e decidimos avanzalo entre a "biografía" e os "datos persoais", xa que está agora. Salut ! Amadalvarez (conversa) 11 de abril de 2024 ás 19:32 (UTC)

Migración artigos

@Breogan2008, @Chairego apc, @MAGHOI Seguindo o plan explicado anteriormente, o código da {{Biografía}} foi modificado. Deixou de actuar como antes e agora actúa como pre-infocaixa para adaptar os parámetros ao código de {{Infobox person}}.

Comecei a revisar os parámetros conflitivos. Agradeceríache se observas algún erro nesta mesma páxina. Grazas! Amadalvarez (conversa) 6 de abril de 2024 ás 21:57 (UTC)

Ola, @Amadalvarez. Na infocaixa, falta traducir "Pares" por "Pais". Saúdosl MAGHOI (conversa) 7 de abril de 2024 ás 17:53 (UTC)

@MAGHOI Feito!. Graciñas ! Amadalvarez (conversa) 7 de abril de 2024 ás 18:25 (UTC)

Grazas, @Amadalvarez! --Chairego apc (conversa) 8 de abril de 2024 ás 15:14 (UTC)

---

Ola, @Breogan2008, @Chairego apc, @MAGHOI. Remato o meu traballo cos artigos que utilizaban a antiga {{Biografía}} despois de revisar e corrixir aqueles que tiñan parámetros confusos, como "período" que se poderían utilizar para fixar as datas de inicio e fin da actividade, coma se indicar o período histórico no que viviu; ou "Premios" que ademais de conter o que o seu nome indica, tamén acolleu as organizacións das que era "membro" a persoa. Supoño que o atoparei tamén nos outros modelos. Non obstante, non eliminei todos os parámetros manuais que xa teñen contido WD e que se poden eliminar. Temos tempo para facelo.

Próximos pasos: Seguirei repasando o resto de modelos para ampliar o contido do caixa de pre-información (actual {{Biografía}}), xa que agora só coñeces os antigos de "Biografía". Irei informando a medida que avance. Para que non te aburres, preparoche un agasallo. En CAwiki temos 190.000 biografías das cales 143.000 sen ningún parámetro manual, é dicir, chupan todo exclusivamente de WD. Polo tanto, podemos supoñer que teñen un contido moi completo. Pois ben, cruzando os artigos desta categoría cos que teñen unha ligazón a GLwiki temos case 16.000 que coinciden. Así que podes facer algunhas comprobacións e se estás satisfeito co que mostra, é dicir, non falta nada importante do que informaches manualmente, podes substituír masivamente a chamada do modelo antigo por unha chamada a "Biografía" sen ningún parámetro. Isto foi o que fixen onte cos "Papas". É unha boa solución para acelerar a migración. Dime como o ves. Saúde! --Amadalvarez (conversa) 8 de abril de 2024 ás 16:48 (UTC)

Ola, @Amadalvarez, @Chairego apc, @Breogan2008. En futbolistas, funciona de marabilla e con máis información da que tiñamos. Irei mirando noutros subgrupos do modelo MAGHOI (conversa) 8 de abril de 2024 ás 19:34 (UTC)

Xenial!! Chairego apc (conversa) 8 de abril de 2024 ás 19:37 (UTC)

O tema dos deportistas debe mellorar. Os xogadores de baloncesto de GLwiki teñen estatísticas que non existen en WD. Recentemente creáronse algunhas propiedades novas que teño que incorporar. Para os motoristas temos un modelo complementario que permite ampliar os datos estatísticos da caixa de información e penso incorporalo máis adiante. Os xogadores de tenis e fútbol son bos.

Teño que confesar que non son fan de incrustar datos manualmente, porque a experiencia di que deixa de actualizarse cando o editor que o creou cambia o tema. A vantaxe de WD é que un editor dun tema en particular pode desaparecer dun WP, pero seguirá existindo noutro WP. Amadalvarez (conversa) 8 de abril de 2024 ás 20:59 (UTC)

Migració Modelo:Infpolitico, Escritor e Científico

Preparei a pre-infocaixa {{Biografía}} para manexar os parámetros manuais de Modelo:Infpolitico, Modelo:Escritor e Modelo:Científico. Para manter o comportamento anterior, guieime polos parámetros que apareceron no código, non polos da documentación. No caso de Infpolitic fixen unha excepción co parámetro "cargos" que contén a lista de cargos sen formato como alternativa a ter un grupo de parámetros para cada cargo coas datas e as persoas antes e despois da serie. Polo tanto, a operación neste punto da lista de cargos é:

1. Se se informou dun grupo de parámetros para cada cargo, é a primeira opción.
2. Si se informa o parametro "cargos", móstrao, aínda que antes non o facía (creo que por erro).
3. Si sen parámetros manuais dos cargos, mostra WD no novo formato.

Como é habitual que o contido de WD estea máis actualizado que o manual, nas opcións 1 e 2 hai un botón "amosar" ao final da infocaixa que permite unha rápida comparación do contido que sería obtido de WD se decidimos eliminar os valores manuais e deixalo alimentado só desde WD. Os modelos antigos convértense en redireccións a {{Biografía}}.

Espero non cometer ningún erro, e se atopas algo mal, avisame. Grazas --Amadalvarez (conversa) 12 de abril de 2024 ás 05:50 (UTC)

Ola, @Amadalvarez. Nas infocaixas de escritores, no apartado de "Biografía" aparece un campo de "Desaparición", que queda baleiro e que, parece, que se solapa con "Morte". Por exemplo, en Manuel María ou María Mariño. Saúdos. MAGHOI (conversa) 12 de abril de 2024 ás 12:12 (UTC)

Feito! Amadalvarez (conversa) 12 de abril de 2024 ás 14:17 (UTC)

@Amadalvarez sembla que non, encara queda. Salut. MAGHOI (conversa) 12 de abril de 2024 ás 16:13 (UTC)

proba a purgar la caché. Amadalvarez (conversa) 12 de abril de 2024 ás 17:12 (UTC)

Ok. He mirat diversos escriptors i és perfecte. Salut MAGHOI (conversa) 12 de abril de 2024 ás 17:24 (UTC)

Salto de liña

O modelo fai un salto de liña entre o título do artigo e o corpo de texto coa infocaixa en todos os artigos. Pódese arranxar? —o anterior comentario sen asinar foi feito por Breogan2008 (conversa • contribucións)

@Breogan2008: Penso que Feito!. --Amadalvarez (conversa) 8 de abril de 2024 ás 03:44 (UTC)

"Con vida en"

Hai un campo "Con vida en" que queda raro (véxase en Stephen King, Michael Haneke, Norman Foster...). Ocultámolo, non? --. HombreDHojalata.^conversa 13 de abril de 2024 ás 08:51 (UTC)

@HombreDHojalata é un uso atípico en persoas "normais". Esta propiedade (floruit) en WD e nas biografías "fóra de WD" en xeral, úsase cando non dispoñemos de actas de nacemento ou defunción certificadas e permítenos indicar que, polo menos, hai constancia da súa actividade nesa data. O Infocaixa utilízao cando 1) a data de nacemento é "sen datos", 2) a data do falecemento é "sen datos", 3) non hai data de falecemento. Para os dous primeiros casos é necesario, xa que nos están a dicir que non sabemos a data real e o floruit é o mellor que temos. Pero o caso 3 que estaba pensado para os casos de persoas que están esquecidas en WD sen data de morte, pero non sabemos se é porque seguen con vida ou porque non sabemos cando morreron, quizais poderiamos refinalo máis. Aínda que na miña opinión é sobre-información a WD nos casos que detectaches, porque son persoas famosas e cando morran algún editor actualizarao. Vou ver cal é a mellor solución. Grazas. Amadalvarez (conversa) 13 de abril de 2024 ás 10:20 (UTC)

@HombreDHojalata Déixoo aparcado para aplicar a solución mellorada para o caso 3 (sen data de falecemento). Polo momento, cancelei o código para que non apareza. Salut ! Amadalvarez (conversa) 13 de abril de 2024 ás 17:37 (UTC)

Causa da morte

Ola, @Amadalvarez.. Tamén no campo "Causa da morte", en bastantes casos, aparece "morte natural" e a seguir, aparece a causa: cancro, insuficiencia cardiaca... Que sentido ten o de "morte natural"? Saúdos. MAGHOI (conversa) 13 de abril de 2024 ás 17:53 (UTC)

@MAGHOI non che falta razón. Circunstancias da morte (P1196) é unha especie de "tipoloxía" e Causa da morte (P509) é unha concreción da causa. En moitos casos co P509 (se existe), entenderíase. Pero non sempre é así. Por exemplo, Enforcamento (Q175111), pode ser para Pena de morte (Q8454) ou Suicidio (Q10737). Pero parece que o caso de "causas naturais" en P1196 é innecesario se temos P509 informado. Póñoo na lista de melloras e vexo que non se rompe nada. Grazas. Amadalvarez (conversa) 13 de abril de 2024 ás 19:15 (UTC)

Ola, @MAGHOI. Non te esquecera.

Realicei unha consulta WD sobre as combinacións de "circunstancia da morte" + "causa da morte" e solucionei algúns erros imperdoables que atopei. Co que queda, o meu cambio proposto para a infocaixa é:

• Non mostrar cando os dous conceptos son iguais (parece mentira, pero está aí)
• Non mostrar "circunstancias" cando: causas naturais, enfermidade, enfermidade infecciosa ou enfermidade terminal, se existe algunha "causa de morte".
• mostrar sempre "circunstancias" ou "causa", cando estean sós.

Ofrézoche unha lista das combinacións dos dous conceptos que temos en todo WD (e cantos), onde xa excluín as mencionadas combinacións de "enfermidade ..:", por se queres botarlle unha ollada e detectar outros casos que ser interesante axustar".

A vindeira semana aplicareino á táboa de información.

Salut ! Amadalvarez (conversa) 27 de abril de 2024 ás 05:40 (UTC)

Ola, @Amadalvarez. Mirei a consulta e, en principio, penso que está moi axustada. A ver na táboa a vindeira semana, pero agora quedará mellor. Grazas. MAGHOI (conversa) 27 de abril de 2024 ás 11:38 (UTC)

@MAGHOI Preparei a nova versión para tratar as circunstancias de morte + causa da morte, tomando tamén algúns calificativos. Antes de dalo para ben púxeno como "complemento" do que está actualmente.

Ao pé da infocaixa verás un "amosar"; se o pulsas amosarache a nova versión e poderás ver se mellorou. Se non mostra contido razoable, deixe aquí unha resposta cos artigos afectados e revisaréinos. En moitos casos é un problema de como se introduciron os datos no WD. Saúde! Amadalvarez (conversa) 1 de maio de 2024 ás 06:28 (UTC)

Hola, @Amadalvarez. Fins ara no havia sortit el desplegable a la infotaula però ara n'he trobat un. A Ciro Pollini, i em sembla perfecte. Gràcies MAGHOI (conversa) 4 de maio de 2024 ás 17:30 (UTC)

Ola @MAGHOI. O menú despregable debería aparecer en todos os casos en que estea presente P1196 e/ou P509. No lugar habitual da infocaixa amosa o mesmo que temos ata agora e no despregable o que sairá cando apliquemos o cambio. Só é cuestión de vixila uns días e se non hai nada extraordinario, fago o cambio. Non quería facelo directamente, porque non poderiamos comparar. Avisarasme cando creas que podemos cambialo. Grazas. Amadalvarez (conversa) 4 de maio de 2024 ás 18:16 (UTC)

Ola, @Amadalvarez. Penso que se pode retirar o despregable. Funciona perfectamente. Grazas MAGHOI (conversa) 7 de maio de 2024 ás 07:54 (UTC)

Árbore xenealóxica EntiTree de Orlando Groppo

@MAGHOI, @Breogan2008

Pois xa o cambiamos.

Aproveito para comunicarvos que engadín provisionalmente un gadget e que, se vos gusta, buscaremos un lugar máis axeitado para el.

Se miras as "Notas" ao pé da infocaixa, hai unha icona que semella unha árbore xenealóxica para aquelas persoas que teñen pais ou fillos en WD.

Proba a facer clic e xa me dirás o que che parece.

Saúde! Amadalvarez (conversa) 7 de maio de 2024 ás 20:43 (UTC)

@Amadalvarez. É un couso potentísimo. Non o coñecía en absoluto e penso que enriquece moitísimo a infotaula; ademais ao darlle e despregalo, queda unha árbore moi cómoda e de gran calidade. Grazas pola aportación. Sobre o lugar paa colocalo, eu o deixaría aí no fondo ou a continuacion dos datos familiares. A ver que opinan outras persoas. Un saúdo. MAGHOI (conversa) 8 de maio de 2024 ás 09:56 (UTC)

Unha chulada @Amadalvarez. Paréceme xenial o trebello este. Unha cousiña nada máis, no canto de Notes debería poñer Notas. Saúdos meu. Breogan2008 (conversa) 8 de maio de 2024 ás 11:14 (UTC)

@Breogan2008 @MAGHOI. A miña idea era poñela co resto das iconas das Redes Sociais. Pero podería ser bo no ámbito familiar. Amadalvarez (conversa) 8 de maio de 2024 ás 19:42 (UTC)

Breogan2008,MAGHOI. Mira como se ve agora na cabeceira da sección, que pensas?. Amadalvarez (conversa) 8 de maio de 2024 ás 21:22 (UTC)

Custoume atopalo. Penso que tiña un chisco máis de visibilidade onde o tiñas antes. Breogan2008 (conversa) 9 de maio de 2024 ás 05:27 (UTC)

@Amadalvarez,@Breogan2008. Si, coido que aí pode pasar desapercibido. Eu sería partidario de colocalo no apartado OUTROS, cun título como "árbore xenealóxica" , a continuación de fillos ou parentes, no último concepto que toque. E se non fose posible, faría un apartado semellante a OUTROS, co título de Árbore xenealóxica, e colocando a icona. Eu procuraría destacalo porque penso que é moi útil no eido histórico. Saúdos. MAGHOI (conversa) 9 de maio de 2024 ás 07:55 (UTC)

┌────────────────────────────────────────────────────────────────────────────────────────────────────┘ Eu penso que estaría ben onde está, porén non aliñado á dereita. Mellor pegado ao título "Familia".

Por outra banda, inda que o grafismo xerado sexa moi efectivo, eu son reticente. Non deixa de ser unha aplicación externa ao proxecto, das que hai moitas, e que está a pedir cartos, vía PayPal, para o facedor da aplicación: Orlando Groppo. --. HombreDHojalata.^conversa 9 de maio de 2024 ás 18:06 (UTC)

Gústame a idea de @HombreDHojalata, de crear o título "Familia" e colocar a icona alí. Sobre o de ser unha aplicación externa, non o sabía e nin se me pasou pola cabeza, non teño unha opinión formada. O de pedir cartos, non me gusta. Só vin unha icona con "Done" pero semellaba non funcionar. Saúdos. MAGHOI (conversa) 9 de maio de 2024 ás 19:57 (UTC)

Non suxiro crear sección nova ningunha, xa está creada, véxase, por exemplo, "Xosé María Álvarez Blázquez" ou "Rosalía de Castro". Unicamente digo de, de decidirse que quede, desprazar a icona do extremo dereito e aproximala ao título.

E si, a aplicación e externa e allea as decisións desta comunidade. Despois de dous minutos amosa a pantalla emerxente de "We hope you are enjoying EntiTree. Donate now to keep this tool completely ad-free and open source" e ata da a opción de doar en euros ou en libras. Amais, non me gusta porque dalgún xeito suplanta e tamén desvía tráfico da Wikipedia. Picando nos personaxes non leva á Wikipedia, amosa un resumo tirado da Wikipedia, e da a opción, cunha icona, de ir ao artigo da Wikipedia, pero antes desde pon outra icona que leva a wikidocumentaries, que é un espello da Wikipedia, tamén alleo ao control desta comunidade. Non creo que debamos favorecer o tráfico cara a lugares alleos a nós, en detrimento no noso propio tráfico, lugares, que, amais, empregan os nosos contidos para competir con nós. Hai que pensalo ben antes de incluír iso en ducias de milleiros dos nosos artigos. É a miña opinión.--. HombreDHojalata.^conversa 9 de maio de 2024 ás 20:48 (UTC)

@MAGHOI @Breogan2008 Entendo o que está a dicir @HombreDHojalata. Para min, Entitree é a mellor representación das árbores xenealóxicas dinámicas que coñezo. Pero é certo que saltar a unha ligazón externa debe facerse desde un entorno onde non haxa dúbida de que abandonas WP e as regras do sitio se fan diferentes. Por iso, a miña primeira idea foi xuntalo coas iconas de redes e ligazóns externas. Comprobando o que usas na Galipedia, vexo que usas wikitree.com, que non usamos na Wikipedia.

Propoño: mover a icona á área de logotipos e facer que a súa visualización sexa opcional, configurable para cada WP. Así podes mostralo ou non, segundo decidas. Que vos parece?. Amadalvarez (conversa) 10 de maio de 2024 ás 04:42 (UTC)

Falando, se entende a xente. Concordo coa argumentación de @HombreDHojalata e coido razonable a proposta de @Amadalvarez. Agora entendo o de colocalo nas ligazóns externas. E concordo, tamén, en colocalo aí, como complemento ao mesmo nivel ca outras redes sociais para quen quixer. MAGHOI (conversa) 10 de maio de 2024 ás 06:56 (UTC)

Por certo, @Breogan2008, haberá que ir pensando en darlle cor á infotaula. Como o ves? MAGHOI (conversa) 13 de maio de 2024 ás 18:50 (UTC)

Varias cousas

Ola, grazas primeiro de todo polo enorme traballo neste eido, con todo quería achegar un par de observacións:

1. Ao engadir os parámetros "mano para tirar" e "altura", estes non se visualizan na caixa (pode verse -en realidade, pode non verse- no artigo de Noora Mylläri).
2. Por favor, cando mudedes os modelos vellos polo novo asegurádevos de que toda a información que recollía o modelo vello está recollida en Wikidata a fin de evitar á xente ter que buscar de novo información que xa buscara. Se non podes porque son moitos artigos mandade unha mensaxe xeral ás conversas da xente para que vaia facendo ese traballo e mudando os modelos.

Graciosa, Piquito (conversa) 15 de abril de 2024 ás 19:19 (UTC)

ola,@Piquito.

O problema da altura agora está solucionado.

A "mano para tirar" debería funcionar. Tes algún exemplo?

En xeral, intento cargar a WD os datos manuais que tes, cando non están alí en WD. Pero só o fixen cos modelos con poucos artigos, para eliminalos por completo. Nos modelos con máis artigos, para ir máis rápido, utilízanse datos manuais en lugar de obterse de WD. Deste xeito non se perde o contido actual, aínda que o ideal sería pasar a WD máis adiante. Esa tarefa corresponde á comunidade GL. Amadalvarez (conversa) 15 de abril de 2024 ás 20:35 (UTC)

Grazas pola pronta resposta. O da man non se visualiza, semella que hai algún problema en Wikidata, podes velo no artigo que xa che comentaba antes (Noora Mylläri) e no seu Q125461762. Interesábame ver o que puña na caixa no caso de "mano para tirar", xa que a descrición en Wikidata é moi clara, pero non aplica na posición de porteira ou porteiro, e a de "man de xogo" non aclara nada porque no caso do hóckey sería na que teñen a cesta para coller o disco e non na que callen o pau, pero a xente pode non saber este dato e pensar que Noora Räty colle o pau coa esquerda e o disco coa dereita cando en realidade é o contrario, pero tampouco sei todos os parámetros que hai... hai algunha lista de todas as opcións que se poden incluir en Wikidata?. Un saúdo, Piquito (conversa) 15 de abril de 2024 ás 21:50 (UTC)

@Piquito: Sentímolo, NON se trataba de Mano para tirar (P423); Confundirame co Man de xogo (P741). Agora engádese. Mirando a descrición só acepta 2 valores posibles Right-handed shot (Q10927630) e Left-handed shot (Q10927615).

Tampouco está moi claro que se poida usar Man de xogo (P741), porque está limitado a determinados deportes e o hóckey non está na lista.

Outra opción é usar Lateralidade (P552) só ou combinado con P423. P552 permítelle engadir o calificador Parte implicada (P518) indicando en que caso se aplica o valor de P552. Se miras o exemplo de Ryan Ward na {{Infobox person}} verás o que quero dicir.

Dime como o ves ! Amadalvarez (conversa) 16 de abril de 2024 ás 05:28 (UTC)

Sobre todas as opcións que trata o modelo podedes ver a documentación (catalá) en ca:Plantilla:Infotaula_persona/ús. É válida ao 99%, porque non inclúe os cambios que estou a facer agora. Unha vez que o poñamos en funcionamento, actualizarei a documentación e poderás traducilo.

Salut ! Amadalvarez (conversa) 16 de abril de 2024 ás 06:06 (UTC)

Problemas nalgúns artigos

Ola, @Amadalvarez. He notat un problema amb la plantilla a Aorico. En aquest article, apareix el missatge: "Error in template * unknown parameter name (Plantilla:Infotaula persona): "v_p10449"". Salut MAGHOI (conversa) 15 de abril de 2024 ás 19:32 (UTC)

Feito!. Graciñas ! Amadalvarez (conversa) 15 de abril de 2024 ás 19:38 (UTC)

Que velocidade en responder. Grazas.;) MAGHOI (conversa) 15 de abril de 2024 ás 19:41 (UTC)

Outra dúbida, @Amadalvarez. En varias páxinas de futbolistas ou outros deportistas, aparece "peso", pero non "altura", e os datos si aparecen en wikidata. Por exemplo, Sergio Ramos ou Noora Mylläri. MAGHOI (conversa) 15 de abril de 2024 ás 19:49 (UTC)

Feito!. Graciñas.

Si estás con deportistas, mira el "medalleiro" de William Harrison Dillard i como estaba antes.

Veras que es muy facil. Amadalvarez (conversa) 15 de abril de 2024 ás 20:14 (UTC)

Queda potentísimo. Nin comparar co formato anterior. Grazas. MAGHOI (conversa) 16 de abril de 2024 ás 10:21 (UTC)

Veu por voz

Boas @Amadalvarez. Decateime de que nos arquivos de son das biografías pon "veu de..." no canto de "voz de..." como no caso do artigo de Nicolao II de Rusia, ao final da táboa. Poderíase cambiar. Mil grazas.--Breogan2008 (conversa) 18 de abril de 2024 ás 03:57 (UTC)

Feito!. Grazas !. Amadalvarez (conversa) 18 de abril de 2024 ás 04:39 (UTC)

Unha dúbida

Ola @Amadalvarez. Teñon unha dúbida sobre a infobox de Biografía. En Luis Urquiri, os clubes nos que traballou aparecen na sección de "Adestrador". Pero en Ricardo Zamora, aparecen como unha subdivisión de Traxectoria. Supoño que estará relacionado con Wikidata, pero por máis que miro, non consigo ver a que se debe. Salut. MAGHOI (conversa) 21 de abril de 2024 ás 16:43 (UTC)

Fácil !. A propiedade Adestrador (P286) úsase nos items do club para indicar quen é ou era o adestrador. Noutras palabras, o club é o suxeito e a persoa é o obxecto. Se miras Zamora, a propiedade correcta é Adestrador de (P6087), o que significa que o suxeito é a persoa e o obxecto é o club .

Deberían moverse de P286 a P6087. É moi sinxelo mover todas as entradas coa función "moveclaim" que podes activar nas túas wikidata preferences, se non tes aínda.

Se tes dúbida, dime. Amadalvarez (conversa) 21 de abril de 2024 ás 18:18 (UTC)

Activei "moveclaim", e din ao botón dereito sobre "adestrador" (P286) e ao dar en mover páxina, aparéceme que non tenño dereitos e que "Non se poden mover as páxinas que están no espazo de nomes "Property"". MAGHOI (conversa) 21 de abril de 2024 ás 19:48 (UTC)

@MAGHOI Non entendo que che puido pasar. Mirei o teu perfil para ver se tiñas algunha limitación, pero en WD estás como auto-confirmado.

Movei todos os casos excepto os dous últimos para que poidas tentalo de novo.

Revisemos como se fai o cambio:

• cando fai clic na frecha curva á dereita de cada entrada, ábrese un formulario no que se solicitan datos.
• esta operación só copia/move unha entrada enteira (propiedade+valor+calificadores+referencias). Só UN, non todos coa mesma propiedade.
• Podes 1) copiar a entrada "tal cual" noutro elemento (moi útil para copiar datos que son os mesmos, como profesións, lugares de nacemento, etc.) ou 2) podes "gardar a entrada" no elemento onde estamos pero cambiou-lle a propiedade. Este é o noso caso.
• cando tes o formulario, pídeche o Qid onde queres copialo ou movelo. Isto é para o primeiro caso (deste elemento a outro). Pero para aplicar a segunda opción (dentro deste elemento a outra propiedade), cómpre cambiar a pestana a "to the same entity". Entón non che preguntará polo Qid, senón pola propiedade Pnnn onde debería ir.

Proba! Amadalvarez (conversa) 22 de abril de 2024 ás 08:41 (UTC)

Grazas pola resposta. Irei experimentando. MAGHOI (conversa) 22 de abril de 2024 ás 09:12 (UTC)

Problema co xénero

Hola, novament, @Amadalvarez. Revisant alguns articles, va sorgir el següent problema. He afegit informació a Wikidata, i quan actualitzo la infotaula de María José Gómez Rodríguez apareixen definicions com "Senador" o "Alcalde". Avui en dia, això crec que està superat així que em pregunto si seria possible diferenciar home/dona o en tot cas, indicar el càrrec en abstracte "Senat" o "alcaldía". Com ho veus? Gràcies. MAGHOI (conversa) 28 de abril de 2024 ás 17:32 (UTC)

Em vaig corregir a mi mateix perquè estava confós. Si apareix "alcalde"; També apareix "Senat". El problema és amb un nou càrrec: lletrat del Consell d'Administració. Apareix en femení. La dita; si és molt difícil diferenciar conseller/consellera; Es pot posar en abstract: Consellaría. Saúdos. MAGHOI (conversa) 28 de abril de 2024 ás 17:36 (UTC)

Boas @MAGHOI. Iso ten fácil solución. Nos elementos de postos, cargos ou profesións é preciso engadir a "forma feminina da etiqueta". Pódelo ver no elemento de alcalde de Guntín. Desa maneira aparece co xénero correcto automático cando detecta que é home ou muller. Breogan2008 (conversa) 28 de abril de 2024 ás 18:14 (UTC)

Grazas.@Breogan2008. MAGHOI (conversa) 29 de abril de 2024 ás 07:48 (UTC)