Luis Urquiri

Luis Urquiri

Biografía
Nacemento	1 de setembro de 1906 Deba, España
Morte	1 de maio de 1979 (72 anos)
Actividade
Ocupación	futbolista, adestrador de fútbol
Deporte	fútbol
Posición de xogo	Centrocampista
Adestrado por	Deportivo Alavés (1965–1966) Deportivo Alavés (1956–1958)
Traxectoria   Equipo 1930–1933   Deportivo Alavés 1939–1941   Atlético de Madrid   Adestrador 1942–1943   Hércules CF 1945–1947   Hércules CF 1947–1948   Deportivo da Coruña 1948–1949 Club Deportivo Málaga 1950–1951   Real Zaragoza 1951–1954   Real Oviedo 1953–   Celta de Vigo 1954–1955   Racing de Santander 1955–1956   Celta de Vigo

Luis Urquiri Urain, nado en Deba (Guipúscoa) o 1 de setembro de 1906 e finado en 1979, foi un futbolista e adestrador de fútbol español. Xogaba de centrocampista.

Traxectoria

Como futbolista

Como xogador militou como centrocampista do Deportivo Alavés e no Atlético Aviación en Primeira División nos anos trinta e corenta. Co Atlético Aviación gañou dúas ligas e unha Copa Eva Duarte.

Como adestrador

Na súa traxectoria como técnico descubriuse como un experto en acadar ascensos, conseguíndoo con Deportivo da Coruña, Málaga CF, Real Zaragoza e Real Oviedo.

No ano 1953 fai un inciso na súa traxectoria co Real Oviedo para adestrar ao Celta de Vigo inmerso na liga de descenso a Segunda División na que finalmente descendería pero a renuncia do España Industrial a ascender fai que o Celta puidese salva-la categoría.

Dous anos despois, na tempada 1955-56, e tras que o adestrador vasco Antonio Barrios dera plantón ao Celta de Vigo, con quen xa tiña un acordo, polo Atlético de Madrid a directiva céltica volve a contratar a Urquiri. O técnico mantivo ao Celta na zona tranquila nunha boa tempada na que o dianteiro vigués Mauro case acada o Trofeo Pichichi quedando a só un gol de Alfredo Di Stéfano. Ao finalizar a tempada Urquiri deixa o equipo, sendo substituído por Alejandro Scopelli.