Gong Li
  | |
| Nome orixinal | (zh-hant) 鞏俐 (zh-hans) 巩俐 |
|---|---|
| Biografía | |
| Nacemento | 31 de decembro de 1965 (58 anos) Shenyang (República Popular da China) |
| Membro do Comité Nacional da Conferencia Consultiva Política do Pobo Chinés | |
| 1998 – | |
| Datos persoais | |
| Educación | Central Academy of Drama (en)  (1985–) |
| Altura | 1,6 m |
| Cor dos ollos | Castaño |
| Cor do pelo | Pelo negro |
| Actividade | |
| Ocupación | actriz, actriz de cinema |
| Período de actividade | 1987 - |
| Obra | |
Obras destacables
| |
| Familia | |
| Cónxuxe | Jean-Michel Jarre (2019–) Ooi Hoe Seong (1996–2010), divorcio |
| Parella | Zhang Yimou |
| Premios | |
| |
| Descrito pola fonte | Obálky knih,  Biographical Dictionary of Chinese Women: The Twentieth Century (en) |
         | |
Gong Li (en chinés 鞏俐), nada en Shenyang (República Popular da China) o 31 de decembro de 1965, é unha actriz chinesa que desde 2008 ten a nacionalidade singapurense.[1] Obtivo o recoñecemento internacional polas súas colaboracións frecuentes co director chinés Zhang Yimou e gañou a Copa Volpi no Festival de Cine de Venecia na categoría de mellor actriz polo seu desempeño na película de 1992 Qiu Ju da guan si. É recoñecida como unha das celebridades responsables da popularidade do cine chinés en Europa e América do Norte.[2] En 2006 foi votada como a muller máis fermosa da China.[3][4]
Desde moi nova quixo ser actriz, e na escola destacou no canto e a danza, ata o punto de chegar a excluír outras materias. A pesar de ser suspendida nos exames en dúas ocasións foi aceptada na Escola Central de Arte Dramática de Pequín, onde se graduó. Era aínda estudante cando o director Zhang Yimou escolleuna en 1987 para o papel protagonista na súa primeira película como director, Hong gao liang, coa que obtivo o Oso de Ouro no Festival de Cine de Berlín.
Gong gañou numerosos premios polo seu desempeño como actriz; gañou o Premio do Círculo de Críticos de Cinema de Nova York na categoría de mellor actriz de repartición polo seu traballo no filme Adeus á miña concubina (1993) e o Premio do Consello Nacional de Crítica de Cinema na mesma categoría por Memorias dunha gueixa (2005). Gañou ademais dous premios Golden Rooster, un premio Hundred Flowers e un trofeo no Festival de Cannes. Ademais das mencionadas, Li apareceu noutras producións cinematográficas notables como Ju Dou (1990), Dà Hóng Dēnglóng Gāogāo Guà (1991), 2046 (2004), Miami Vice (2006) e Hannibal Rising (2007).
Li especialízase en personificar mulleres con personalidades contrapostas entre o ben e o mal.
Traxectoria
[editar | editar a fonte]Gong Li naceu na cidade chinesa de Shenyang (Liaoning). Creceu en Jinan, a capital da provincia de Shandong. Desde moi nova quixo ser actriz, e na escola destacou no canto e a danza, ata o punto de chegar a excluír outras materias. Malia ser suspendida nos exames en dúas ocasións, foi aceptada na Escola Central de Arte Dramática de Pequín, onde se graduou.[5] Era aínda estudante cando Zhang Yimou a escolleu en 1987 para o papel protagonista na súa primeira película como director, Hong gao liang ("Sorgo vermello"), coa que obtivo o Oso de Ouro no Festival de Cine de Berlín.
Desde entón, Gong Li foi unha das actrices con máis éxito na historia da China, cunha fama que transcendeu as fronteiras do país asiático. O seu traballo foi recoñecido con premios como os do Festival Internacional de Cinema de Venecia e o do Círculo de Críticos de Cine de Nova York. Ademais de actuar, é unha cantante excepcional, como demostrou en Shanghai Triad. En xuño de 1998 obtivo a Orde das Artes e as Letras.
Seguiu protagonizando os filmes de Zhang Yimou ata mediados dos anos noventa. Ao longo da súa colaboración, xerouse un escándalo debido a que eran amantes, malia que Zhang estaba casado. Romperon en 1995, e Gong Li casou cun magnate do tabaco de Singapur chamado Ooi Hoe Soeng ao ano seguinte. A única aparición de Gong Li no cine de Hollywood limitábase á película Chinese Box (1997); con todo, na década do 2000 participou en máis producións estadounidenses como Memorias dunha gueixa en 2005, Miami Vice, en 2006 e Hannibal Rising en 2007. Volveu traballar con Zhang Yimou no 2006 con Mǎnchéng jìndài huángjīnjiǎ ("A maldición da flor dourada") e no 2014 con Guīlái ("Regreso á casa").
O 16 de outubro de 2000, Gong Li foi nomeada Embaixadora de Boa Vontade[6][7] da Organización das Nacións Unidas para a Alimentación e a Agricultura (FAO).
Filmografía
[editar | editar a fonte]Notas
[editar | editar a fonte]- ↑ Kehr, Dave (16-07-2004). The New York Times, ed. "Torn Between a Dreamy Idealist and a Veterinarian". Consultado o 07-01-2008.
- ↑ Kehr, Dave (16 de julio de 2004). "Torn Between a Dreamy Idealist and a Veterinarian". The New York Times. Consultado o 7 de xaneiro de 2008.
- ↑ China Daily, ed. (23 de maio de 2006). "Gong Li voted China's Most Beautiful Person". Consultado o 17 de marzo de 2007.
- ↑ Min, Shen (22 de maio de 2006). "Gong Li Voted China's Most Beautiful Star". Arquivado dende o orixinal o 18 de maio de 2007. Consultado o 17 de marzo de 2007.
- ↑ "Gong Li". Arquivado dende o orixinal o 22 de febreiro de 2014. Consultado o 22 de febreiro de 2014.
- ↑ Conoce a los Embajadores de Buena Voluntad "Gong Li" Arquivado 24 de xaneiro de 2010 en Wayback Machine. (en castelán)
- ↑ Gong Li dille aos fanáticos que se anoxen e se unan á loita contra a fame Arquivado 24 de setembro de 2015 en Wayback Machine. (en inglés)
Véxase tamén
[editar | editar a fonte] |
Wikimedia Commons ten máis contidos multimedia na categoría: Gong Li  |
Outros artigos
[editar | editar a fonte]Ligazóns externas
[editar | editar a fonte]- Galería de fotos de Gong Li
- Gong Li en chinesemov.com
- Gong Li fan siteArquivado 30 de maio de 2020 en Wayback Machine.
- Gong Li Biografía e filmografía
| Control de autoridades |
|
|---|
