HC Spartak Moscova

Spartak Moscova; Спартак Москва
Fundación	1946
Cidade	Moscova,; Óblast de Moscova; Rusia
Estadio	LDS Sokolniki; (5.350 espectadores)
Liga	Kontinental Hockey League
Conferencia	Oeste
División	Tarasov
Propietario(s)	Investbank
Director	Pavel Zabolotnev
Adestrador	Andrei Sidorenko
Afiliado(s)	Cherif (MHL); Dinamo Tver (VHL)
Cores	Vermello e branco;
Na rede
	http://www.spartak.ru/

O HC Spartak Moscova (en ruso ХК Спартак Москва) é un equipo profesional de hóckey sobre xeo da cidade de Moscova (Rusia). Actualmente compite na KHL (Kontinental Hockey League), onde se encontra encadrado dentro da División Bobrov, na Conferencia Oeste. Xoga os seus partidos como local no LDS Sokolniki, un pavillón con capacidade para 5.350 espectadores.

Historia

É unha das seccións do Spartak de Moscova, creada en 1946. O club gañou o Campionato da Unión Soviética en catro ocasións, así como conseguiu o título da Spengler Cup en cinco ocasións, e acadando o subcampionato en 1982. Ademais, o equipo conseguiu dous subcampionatos da Copa de Europa en 1970 e 1977.

Desgraciadamente para os seus seareiros, a situación económica do club empeorou contra o 2006. Logo da tempada, un home de negocios ruso e seareiro do Spartak, Vadim Melkov, ofreceuse a buscar un patrocinio axeitado para o seu equipo favorito. Logo das negociación, o Goberno de Moscova aceptou cubrir as débedas do equipo. Tamén se levaron a cabo algúns acordos sobre a venda do equipo. Porén, Melkov morreu durante o accidente aéreo de S7 Airlines o 9 de xullo de 2006, cancelándose tódalas propostas. Logo dun mes de loita pola mellora da situación financeira do club, os xestores do Spartak decidiron disolver o club durante un ano.^[1]

Na tempada 2007-08, o Spartak volveu á competición, formando parte da Superliga rusa. En 2008 pasou a formar parte da nova competición eurasiática, a KHL (Kontinental Hockey League).

Palmarés

4 Campionatos da URSS: 1962, 1967, 1969, 1976
1 Vysshaya liga: 2001
5 Spengler Cup: 1980, 1981, 1985, 1989, 1990
1 Stars Cup: 1975
3 Ahearne Cup: 1971, 1972, 1973
2 Copas da URSS: 1970, 1971

Notas

↑ [1] Arquivado 27 de setembro de 2007 en Wayback Machine. "Sovetski Sport", 11 de agosto de 2006.

Véxase tamén

Ligazóns externas

Sitio web oficial do HC Spartak Moscova Arquivado 29 de outubro de 2015 en Wayback Machine.

[1] [1] Arquivado 27 de setembro de 2007 en Wayback Machine. "Sovetski Sport", 11 de agosto de 2006.

[1]