Iván Guerrero

Iván Guerrero
Información persoal
Nome	Iván Guerrero Seoane
Nacemento	31 de marzo de 2001
Lugar de nacemento	Ferrol
Posición	Lateral dereito
Información de club
Club actual	Bergantiños
Número	2
Carreira xuvenil
	O Parrulo
	O Val
2013–2015	Racing de Ferrol
2015–2020	Deportivo da Coruña
Carreira sénior
Anos	Equipos	Aprs	(Gls)
2020–2022	Fabril	48	(1)
2021	Deportivo da Coruña	0	(0)
2022–2024	Ourense	33	(1)
2024–	Bergantiños	2	(0)
Partidos e goles só en liga doméstica. Club: actualizado a 22 de xaneiro de 2024. [ editar datos en Wikidata ]

Iván Guerrero Seoane, nado en Ferrol o 31 de marzo de 2001, é un futbolista galego que xoga como lateral dereito no Bergantiños, da Segunda División RFEF.

Traxectoria

Comezou a xogar ao fútbol sala na canteira do Parrulo do seu Ferrol natal e máis tarde cambiou ao fútbol herba, pasando polas categorías inferiores da SD O Val e do Racing de Ferrol. Aos 14 anos chegou ao Deportivo da Coruña, no que militou durante as seguintes sete campañas, comezando no equipo cadete. Na tempada 2020/21 subiu ao Fabril e debutou co primeiro equipo na Copa do Rei, nun partido ante o Numancia no Nuevo Los Pajaritos, onde o adestrador Rubén de la Barrera lle deu entrada na segunda metade, como substituto de Jorge Valín.

No verán de 2022 deixou o Deportivo e asinou como novo xogador do Ourense CF, da Segunda División RFEF. Militou no club ourensán durante unha tempada e media, ata que en xaneiro de 2024 fichou polo Bergantiños, da Terceira RFEF.

Véxase tamén

Ligazóns externas

• Datos do xogador en LaPreferente.com (en castelán).