Nacho González
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 5 de novembro de 1993  (31 anos)Paysandú, Uruguai | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Período de actividade | 10 de novembro de 2012 - | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||
| Número deportivo | 10 | ||||||||||||||||||||||||||||||||||
| |||||||||||||||||||||||||||||||||||
Juan Ignacio González Brazeiro, coñecido como Nacho González, nado en Paysandú o 5 de novembro de 1993, é un futbolista uruguaio, que xoga de centrocampista.
Traxectoria
[editar | editar a fonte]Danubio FC
[editar | editar a fonte]Formouse na canteira do Danubio FC,[1] co que debutou en Primeira División o 10 de novembro de 2012 ante Central Español.[2][3] En maio de 2013 marcou o seu primeiro gol no empate 1-1 fronte a River Plate. Permaneceu no club uruguaio durante un total de sete tempadas, marcando 15 goles en 173 partidos e gañando o título de liga na tempada 2013-14.
Defensa y Justicia
[editar | editar a fonte]En xaneiro de 2019 asinou polo Defensa y Justicia da Primeira División arxentina.[1][4][5] Alí sufriu unha rotura de ligamentos que o mantivo afastado dos terreos de xogo.[6]
San Martín de Tucumán
[editar | editar a fonte]En agosto deixou o equipo para fichar polo San Martín de Tucumán, da Primeira B Nacional, a segunda división arxentina.[7] Debutou nun empate a dous goles contra o Chacarita Juniors o 18 de setembro de 2019, e disputou un total de seis partidos co club de Tucumán.[8]
Plaza Colonia
[editar | editar a fonte]En agosto de 2020 volveu ao fútbol uruguaio recalando no Plaza Colonia. Xogou sete partidos na Primeira División durante o mes seguinte, antes de marchar para Galicia para fichar polo Deportivo da Coruña.[9]
Deportivo da Coruña
[editar | editar a fonte]Debutou co Deportivo en Segunda División B na primeira xornada da tempada 2020/21, no partido fronte ao Salamanca.[10] Comezou como titular con Fernando Vázquez no banco, pero desapareceu das aliñacións tras a chegada de Rubén de la Barrera.[11] Disputou un total de 12 encontros co Deportivo, e en xuño o club prescindiu dos seus servizos, acolléndose a unha das cláusulas contidas no seu contrato.[12]
Apollon Larissa
[editar | editar a fonte]O 13 de xullo de 2021 foi anunciado como novo xogador do Apollon Larissa, da Segunda división de Grecia, onde asinou un contrato por dúas tempadas.[13] Con todo, acabou deixando o club antes de debutar e tras uns meses sen equipo, asinou en 2022 co Central Español, regresando así ao fútbol uruguaio.
Central Español
[editar | editar a fonte]Co equipo de Montevideo disputou un total de 14 partidos, anotando dous goles.
Selección nacional
[editar | editar a fonte]En 2015 foi convocado pola selección sub-22 do Uruguai para os Xogos Panamericanos de Toronto.[14] Participou nos cinco partidos do torneo, no que o seu país se proclamou campión ao derrotar na final a México.[15]
Palmarés
[editar | editar a fonte]Danubio
[editar | editar a fonte]- Primeira División uruguaia (1) : 2013-14.
Uruguai sub-22
[editar | editar a fonte]- Xogos Panamericanos (1): 2015.
Notas
[editar | editar a fonte]- ↑ 1,0 1,1 "El adiós a un ídolo: "Nacho" González se va luego de seis años en el club" (en castelán). 23 de decembro de 2018. Consultado o 26 de novembro de 2020.
- ↑ "Central Español vs. Danubio 1 - 0". soccerway.com (en inglés). Consultado o 25 de novembro de 2020.
- ↑ "JUAN IGNACIO GONZALEZ". bdfa.com (en castelán). Consultado o 26 de novembro de 2020.
- ↑ "Ignacio González, la nueva cara del Halcón" (en castelán). 8 de xaneiro de 2019. Consultado o 26 de novembro de 2020.
- ↑ "El uruguayo Ignacio González Brazeiro es el 4to refuerzo" (en castelán). 8 de agosto de 2018. Arquivado dende o orixinal o 28 de setembro de 2021. Consultado o 25 de novembro de 2020.
- ↑ "Nacho González: “en San Martín dejamos todo”" (en castelán). 6 de decembro de 2019. Consultado o 25 de novembro de 2020.[Ligazón morta]
- ↑ "En San Martín, González busca ser importante" (en castelán). 16 de agosto de 2019. Consultado o 25 de novembro de 2020.
- ↑ "Chacarita Juniors vs. San Martín Tucumán 2 - 2". soccerway.com (en inglés). Consultado o 25 de novembro de 2020.
- ↑ "Nacho González, novo xogador do Dépor 20·21". 18 de setembro de 2020. Consultado o 25 de novembro de 2020.
- ↑ "Bóveda dá a primeira vitoria ao Dépor no minuto 90+7 (2-1)". 18 de outubro de 2020. Consultado o 26 de novembro de 2020.
- ↑ De la Cruz, Luis (16 de febreiro de 2021). "Nacho González, el fichaje ‘desaparecido’ del Deportivo". As (en castelán). Consultado o 9 de xuño de 2021.
- ↑ "Nacho González, el primero en salir". DxT Campeón (en castelán). 28 de maio de 2021. Consultado o 9 de xuño de 2021.
- ↑ "Nacho González, nuevo jugador del Apollon Larissa griego" (en castelán). 13 de xullo de 2021. Consultado o 13 de xullo de 2021.
- ↑ "Ricca, Formiliano, Nacho y Faber a los Panamericanos" (en castelán). Consultado o 26 de novembro de 2020.
- ↑ "Uruguay obtiene el oro al vencer a México en final de fútbol de Juegos Panamericanos 2015" (en castelán). 26 de xullo de 2015. Consultado o 26 de novembro de 2020.
| Control de autoridades |
|
|---|
