Lloret de Mar

Lloret de Mar
	Brasón
Localización
	41°42′00″N 2°50′00″L / 41.7, 2.83333
Estado	España
Comunidade autónoma	Cataluña
Ámbito funcional territorial	Comarques Gironines
Comarca	Selva
Capital	Lloret de Mar (pt)
Poboación
Poboación	41.559 (2023) (853,37 hab./km²)
Número de fogares	88 (1553)
Xeografía
Parte de	Mancomunitat de Municipis Comunitat Turística de la Costa Brava (en)
Superficie	48,7 km²
Bañado por	Mar Mediterráneo
Altitude	5 m
Comparte fronteira con	Vidreres ; Tordera ; Blanes ; Tossa de Mar ; Maçanet de la Selva
Santo padrón	Román de Antioquía e Cristina de Bolsena
Organización política
• Alcalde	Adrià Lamelas Martínez (en) (2023–)
Identificador descritivo
Código postal	17310
Fuso horario	UTC+01:00
Código INE	17095
Código territorial IDESCAT	170950
Ben de interese cultural
Identificador	RI-54-0000042-00002
Páxina web	lloret.cat

Lloret de Mar é unha cidade e concello costeiro da comarca da Selva, no sur da provincia de Xirona, en Cataluña. Pioneira do turismo europeo na década de 1950, converteuse nun dos destinos turísticos mediterráneos máis importantes e coñecidos de España.

Está dotada dunhas praias excelentes de area granulada. Posúe tamén unhas magníficas vistas ao castelo nun extremo e ao outro o monumento a "A Muller Mariñeira" que representa o sufrimento das mulleres esperando a volta dos seus maridos pescadores.

Historia

Hai vestixios das épocas ibérica e romana en varios xacementos arqueolóxicos. Na Idade Media, aparece documentado por primeira vez en 966 coa forma Lauredo, unha versión da palabra latina "lauretum" (loureiro). Como moitas poboacións costeiras do Mediterráneo, Lloret padeceu frecuentes incursións dos sarracenos durante a Idade Media. Dise que a tradición do baile de "Ses Almorratxes" orixinouse naquela época.

O núcleo actual da poboación formouse no s. XV ao redor da praia (Anteriormente, achábase a 1 km terra a dentro, para evitar ou se fose necesario para prepararse aos ataques dos piratas, e xunto á Ermida de Les Alegries, que foi a igrexa principal da Vila antes de que se edificase a actual Igrexa de Sant Romà).

A partir do s. XVIII o porto de Lloret (actualmente sen vestixios) foi tomando cada vez maior importancia grazas ao comercio, do que son recordo as casas edificadas polos indianos.