Salt

Salt
Localización
	41°58′34″N 2°47′17″L / 41.976111111111, 2.7880555555556
Estado	España
Comunidade autónoma	Cataluña
Provincia	provincia de Xirona
Comarca	Gironès
Capital	Salt (pt)
Poboación
Poboación	33.242 (2023) (5.036,67 hab./km²)
Número de fogares	23 (1553)
Xeografía
Parte de	Mancomunidade Intermunicipal Voluntaria do Gironès
Superficie	6,6 km²
Bañado por	Río Ter
Altitude	83 m
Comparte fronteira con	Xirona ; Bescanó ; Vilablareix ; Sant Gregori
Organización política
• Alcalde	Jordi Viñas Xifra (en) (2023–)
Identificador descritivo
Código postal	17190
Fuso horario	UTC+01:00
Código INE	17155
Código territorial IDESCAT	171557
Outro
Irmandado con	Lingen (pt)
Páxina web	viladesalt.cat

Salt é un municipio da comarca do Gironès, na provincia de Xirona, Comunidade Autónoma de Cataluña, España. O municipio está situado xunto á cidade de Xirona coa que forma conurbación. É o segundo municipio máis grande do Área urbana de Xirona e o sexto da provincia.

Xeografía

O termo municipal ten unha extensión de 6,47 Km², sendo un dos máis pequenos das comarcas de Xirona. Está situado no extremo centro oeste da comarca do Gironés. A acción continua e regular do río Ter constitúe, probablemente, o elemento máis determinante e significativo do seu medio natural.

O termo municipal de Salt atópase a 83,7 msnm.

Historia

A primeira documentación atopado sobre o municipio de Salt, data do ano 823, chamado como Salto.

Durante a maior parte da Idade Media, a poboación estaba formada unicamente por masías xunto á canle de rega do Monar. A partir do século XVI hai constancia dun núcleo de casas agrupadas, na actual rúa da Ferreria Vella.

A poboación continuou sendo escasa e dedicada unicamente á agricultura ata que a mediados do século XIX empezaron a instalarse industrias téxtiles que aproveitaban a forza hidráulica da canle de rega do Monar.

Foi agregado ao municipio de Xirona en 1975 e se segregó para constituír novamente un municipio independente en 1983.

Toponímia

Existen dúas hipótese sobre a orixe do nome de Salt:

A primeira establece que o nome de Salt procede da expresión Sae alte que aparece mencionada o ano 1019.
A segunda relaciona o nome de Salt coa palabra Salto, que se atopa nun documento do ano 823.

Todo parece indicar que o nome de Salt deriva de Salto pois salto era un tipo de propiedade da terra documentado desde a época romana.

Símbolos

Ata o ano 1949 o Salt carecía dun escudo propiamente dito, xa que ata ese momento, o Concello utilizaba un selo que experimentara varias modificacións desde o século XVIII. O escudo de Salt é unha composición formada por:

«Unha coroa de príncipe en alusión ao Principado de Xirona, as barras catalás, unha espiga de trigo que relaciona o municipio coas actividades agrícolas, e unha roda de muíño sobre as augas da canle de rega Monar, que vincula o municipio coas actividades manufactureras e industriais»^[1]

O brasón non foi oficializado pola Generalitat de Cataluña, institución encargada da revisión e aprobación dos símbolos cívicos na Comunidade Autónoma de Cataluña. A lei da Generalitat sobre símbolos concede escudos en forma de losanje e estipula que as armas reais (as catro barras de goles sobre ouro), que neste escudo de Salt amoblan o primeiro cuartel, só poden levalo cando estea demostrado que os reis outorgáronas aos pobos, vilas ou cidades.

Demografía

Salt ten un total de 27.673 habitantes, dos cales 14.648 son homes e 13.025 mulleres, segundo datos do INE 2007. En 2006 tiña 28.017 habitantes segundo INE 2006.

O termo municipal está formado por un único núcleo de poboación.

Durante a década dos setenta e oitenta o termo municipal amplía espectacularmente o número de habitantes debido á nova presenza de industrias téxtiles, producindo un efecto chamada sobre moitos inmigrantes en busca de traballo.

Evolución demográfica

Evolución da poboación de: Salt desde 1900 ata 2007
1900	1930	1960	1990	2007
2.280	5.360	7.077	21.738	27.673

Economía

O crecemento da poboación debeuse principalmente á industria téxtil. Actualmente a actividade económica predominante son os servizos e o comercio, mentres que a industria ten un papel menos importante.