Tintín e o lago dos tiburóns

Tintín e o lago dos tiburóns
Título orixinal	Tintin et le Lac aux Requins
Autor/a	Hergé
Orixe	Bélxica
Lingua	Francés
Colección	As aventuras de Tintín
Xénero(s)	Aventuras
Editorial	Casterman
Data de pub.	Filme 1972
Formato	Filme, con recompilación en álbum
Páxinas	62
ISBN	ISBN 84-261-2092-X
Precedido por	Voo 714 para Sidney
Seguido por	Tintín e os pícaros
Editor	Editorial Juventud
Tradución	Valentín Arias López
Na rede
[ editar datos en Wikidata ]

Tintín e o lago dos tiburóns (en francés Tintin et le Lac aux Requins) é unha película de debuxos animados de Tintín, dirixida por Raymond Leblanc en 1972. A primeira edición en galego foi en 1984 pola Editorial Juventud con tradución de Valentín Arias López.

Características

A película non foi escrita nin debuxada por Hergé, creador do personaxe, senón polo historietista belga Michel Regnier, máis coñecido polo seu pseudónimo de Greg. Jacques Careuil o encargado de darlle a voz ao protagonista no idioma orixinal.

Tras a estrea do filme realizouse unha adaptación á banda deseñada, usando como viñetas fotogramas da película, e engadindo globos de diálogo procedentes do guión.

Sinopse

En Sildavia, cerca do lago Flechizoft, está o profesor Tornasol, que invitou a Tintín e ao Capitán Haddock a pasar unhas vacacións. O avión no que viaxan Tintín e Haddock sofre un accidente en estrañas circunstancias. Tras ser salvados por dous pequenos syldavos, finalmente chegan a casa do profesor, quen lles mostra o seu último traballo: unha máquina capaz de reproducir todos os obxectos en tres dimensións.

As infinitas posibilidades que ofrece tal descubrimento suscitan perigosas cobizas, en particular do odioso Rastapopoulos, disposto a todo para apropiarse do xenial invento.

Véxase tamén

Outros artigos

• As aventuras de Tintín

Ligazóns externas

• Tintin et le Lac aux requins sur Histoires de tournages
• Tintin and the Lake of Sharks, 44pp, first UK edition published by Methuen, 1973. ISBN 978-0416789508