Lars Onsager
Lars Onsager, nado en Oslo en 1903 e finado en 1976, foi un químico e profesor universitario estadounidense de orixe norueguesa. Foi galardoado co Premio Nobel de Química o 1968.
Traxectoria[editar | editar a fonte]
Naceu na cidade de Oslo, capital actual de Noruega pero que naqueles momentos estaba unida ao Reino de Suecia baixo o dominio persoal de Óscar II de Suecia, pero coa súa propia Constitución e goberno.
Estudou enxeñería química no Instituto Tecnolóxico de Noruega situado na cidade de Trondheim, onde se graduou en 1925.
En 1928 viaxou a Estados Unidos para aceptar a oferta da Universidade Johns Hopkins de Baltimore para converterse en profesor de química, cargo que abandonou ao final do primeiro semestre ao observar que non tiña talento para a docencia. Posteriormente ingresou na Universidade de Brown en Providence e na Universidade Yale, onde foi profesor desde 1933 a 1972, e onde obtivo o doutoramento o 1935.
Onsager conseguiu a nacionalidade estadounidense en 1945. Morreu o 5 de outubro de 1976 na súa residencia de Coral Gables, cidade situada no estado norteamericado de Florida.
Véxase tamén[editar | editar a fonte]
Ligazóns externas[editar | editar a fonte]
- Páxina do Instituto Nobel, Premio Nobel de Química 1968 (en inglés)
- Biografía na páxina do Instituto Nobel 1968 (en inglés)
| Predecesor: George Porter Manfred Eigen e Ronald George Wreyford Norrish |
Premio Nobel de Química 1968 |
Sucesor: Derek Harold Richard Barton e Odd Hassel |
| Control de autoridades |
|
|---|
- Químicos dos Estados Unidos de América
- Premio Nobel de Química
- Nados en 1903
- Finados en 1976
- Nados en Oslo
- Enxeñeiros dos Estados Unidos de América
- Premios Nobel dos Estados Unidos de América
- Físicos dos Estados Unidos de América
- National Medal of Science
- Profesores da Universidade Yale
- Alumnos da Universidade Yale