AC-214

AC-214
Inicio da estrada AC-214 no Guísamo (Bergondo)
Identificador
Tipoloxía	Estrada da Rede Primaria Complementaria
Rede	Rede de estradas de Galicia
Titular da vía	Xunta de Galicia
Dimensións
Lonxitude	9,28 km
Formato	1 carril por sentido
Localización
Inicio	N-6  Guísamo
Fin	N-550  Sigrás
Concellos que atravesa Bergondo Cambre

A AC-214 (na provincia da Coruña), é unha estrada da Rede Primaria Complementaria da Xunta de Galicia que une as localidades de Guísamo (Bergondo) e Sigrás (Cambre); atravesa os concellos de Bergondo e Cambre. Ten unha lonxitude de 9,28 quilómetros e iníciase nun cruzamento coa N-6 en Guísamo (Bergondo) e finaliza nun cruzamento coa N-550 en Sigrás (Cambre).

Percorrido

Nace na estrada N-6 arredor do km 579,5 no lugar de Sobre a Igrexa en Guísamo (Bergondo), para dirixirse cara a Baldomir. A continuación entra no concello de Cambre polo lugar de Aldea de Arriba en Cecebre, atravesando os lugares da Mota, Fraís e O Volteiro nesta mesma parroquia. Entra en Pravio no lugar de Catro Camiños, nunha intersección coa estrada secundaria AC-221 e tras pasar baixo a AP-9 atravesa os lugares de San Bartolomeu (onde se atopa a igrexa parroquial de San Xoán de Pravio) e Os Fabás. A continuación entra na parroquia de Cambre ao longo da rúa Castellana e atravesando o núcleo da vila. Neste punto parten varias estradas como a DP-1704 (cara a Carral), a DP-1702 (dirección Pontido, Sigrás) e a DP-1706 (cara ao Temple). A vía segue pola rúa Amil en dirección á Telva en Sigrás, pasando baixo a vía férrea (liña León–A Coruña) e sobre o río Mero, tras o cal crúzase coa estrada secundaria AC-213. Nesta última parroquia continúa polo lugar da Xira ata a Pena, onde remata na estrada N-550 arredor do km 9,5.

Galería de imaxes

• 
  Estrada AC-214 km 6 nos Fabás (Cambre)