Manuel Bastida Franco
| Biografía | |
|---|---|
| Nacemento | valor descoñecido  Mugardos, España |
| Morte | 18 de xullo de 1951 O Tellado, España |
| Causa da morte | morte en combate, asfixia |
| Actividade | |
| Ocupación | maquis, militar |
| Partido político | Partido Comunista de España |
| Membro de | |
  | |
Manuel Bastida Franco, coñecido como Choni, nado en Mugardos e finado no Tellado (Fene) o 18 de xullo de 1951, foi un guerrilleiro antifranquista galego.
Traxectoria
[editar | editar a fonte]En 1936 era cabo da Mariña no buque Jaime I. Co golpe de Estado do 18 de xullo de 1936 foi detido e inculpado en causa militar en Ferrol co resultado de sobresemento. Cando saíu da prisión afiliouse ao Partido Comunista de España e actuou como enlace da guerrilla. Despois da detención de varios militantes comunistas, o 23 de xaneiro de 1948 incorporouse á IV Agrupación do Exército Guerrilleiro de Galicia. Como consecuencia, varios membros da súa familia foron arrestados e torturados. Despois estivo con Benigno Andrade García na V Agrupación. Ao disolverse pasou á provincia da Coruña. O 8 de xaneiro de 1949 participou con Benigno Andrade García, José Remuiñán Barreiro, Antonio López Arias e José Blanco Núñez na morte de José Couceiro Taboada, subcabo de Somatén, xefe de Falange e mestre e da súa muller María Constela en Soutelo de Montes. O 18 de xullo de 1951 morreu abrasado, xunto a Juan Gabeiras Barro, nunha casa do Tellado (Fene) á que lle prendeu lume a Garda Civil.
Véxase tamén
[editar | editar a fonte]Bibliografía
[editar | editar a fonte]- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. p. 41. ISBN 84-8485-231-8.
