Saltar ao contido

Patrimonio da Humanidade en Letonia

Na Galipedia, a Wikipedia en galego.
Localización dos sitios de Letonia na lista do Patrimonio Mundial.

O Patrimonio da Humanidade da Organización das Nacións Unidas para a Educación, a Ciencia e a Cultura (UNESCO) componse de lugares de importancia para o patrimonio cultural ou natural descritos na Convención do Patrimonio Mundial da UNESCO, estabelecida en 1972.[1] O patrimonio cultural está formado por monumentos (como obras arquitectónicas, esculturas monumentais ou inscricións), grupos de edificios e ruínas (incluíndo sitios arqueolóxicos). As paisaxes naturais (constituídas por formacións físicas e biolóxicas), as formacións xeolóxicas e fisiográficas (incluíndo os hábitats de especies de animais e plantas ameazadas) e os lugares naturais que son importantes dende o punto de vista da ciencia, a conservación ou a beleza natural, defínense como patrimonio natural.[2] Esta é unha lista do Patrimonio da Humanidade en Letonia, especificamente clasificada pola UNESCO e elaborada de acordo con dez criterios principais, cuxos puntos son xulgados por especialistas na área. Letonia ratificou a convención o 10 de xaneiro de 1995, convertendo os seus lugares en elixíbeis para a súa inclusión na lista.[3]

Lista de lugares Patrimonio da Humanidade

[editar | editar a fonte]
Nome: segundo aparece no Comité do Patrimonio da Humanidade
Rexión: de Letonia
Ano da inclusión: na lista da UNESCO
Datos da UNESCO: o número de referencia do sitio; o ano en que o xacemento foi inscrito na Lista do Patrimonio Mundial; os criterios nos que apareceu: os criterios de (i) a (vi) son culturais, mentres que de (vii) a (x) son naturais.[4]
Nº Nome Imaxe Localización Ano da inclusión Datos da UNESCO Descrición
01 Centro histórico de Riga Riga 1997 852; i, ii (cultural) Riga, fundada en 1201, foi unha cidade importante da Liga Hanseática dos séculos XIII ao XV. Desa época non quedan moitas casas, xa que foron destruídas polo lume ou a guerra. Máis tarde, Riga viu unha rápida expansión no século XIX e comezos do XX, cando se construíron moitos edificios de estilo Art Nouveau. Riga ten a maior concentración de edificios deste estilo en Europa. A Casa dos Cabezas Negras aparece na imaxe.[5]
02 Arco Xeodésico de Struve Ērgļi e Jēkabpils 2005 1187, ii, iii, vi (cultural) O Arco Xeodésico de Struve é unha serie de puntos de triangulación que se estende por unha distancia de 2820 km dende Hammerfest en Noruega até o Mar Negro. Os puntos foron estabelecidos nunha enquisa do astrónomo Friedrich Georg Wilhelm von Struve, que primeiro mediu con precisión un longo segmento dun meridiano, e xunto con el o tamaño e a forma da Terra. Orixinalmente, había 265 puntos de estación. O Patrimonio da Humanidade inclúe 34 puntos en dez países (de norte a sur: Noruega, Suecia, Finlandia, Rusia, Estonia, Letonia, Lituania, Belarús, Moldavia e Ucraína), dous dos cales están en Letonia (o marcador en Sestu-Kalns na imaxe).[6]
03  Cidade vella de Kuldīga Concello de Kuldiga, un edificio con tellado a dúas augas cunha fachada pintada en vermello e marrón e cunha bandeira de Letonia na parte superior do edificio. Kuldīga 2023 1658; v (cultural) O centro histórico de Kuldīga está ben conservado e data dende finais do século XVI ao XVIII, cando a cidade era un centro administrativo do Ducado de Curlandia e Semigallia. A mestura de estilos arquitectónicos reflicte o intercambio cultural cos países do mar Báltico. Na imaxe aparece o casa do concello.[7]

Notas

[editar | editar a fonte]
  1. ↑ UNESCO, ed. (21 de novembro de 1972). "Convención para a Protección do Patrimonio Mundial, Cultural e Natural" (PDF). 
  2. ↑ "Convention Concerning the Protection of the World Cultural and Natural Heritage". UNESCO World Heritage Centre. Arquivado dende o orixinal o 1 de febreiro de 2021. Consultado o 3 de febreiro de 2021. 
  3. ↑ UNESCO (ed.). "Letonia na UNESCO". 
  4. ↑ "UNESCO World Heritage Centre – The Criteria for Selection". UNESCO World Heritage Centre. Arquivado dende o orixinal o 12 de xuño de 2016. Consultado o 17 de agosto de 2018. 
  5. ↑ "Historic Centre of Riga". UNESCO World Heritage Centre. Arquivado dende o orixinal o 22 de xuño de 2020. Consultado o 18 de decembro de 2019. 
  6. ↑ "Struve Geodetic Arc". UNESCO World Heritage Centre. Arquivado dende o orixinal o 18 de outubro de 2011. Consultado o 20 de outubro de 2011. 
  7. ↑ "Old town of Kuldīga". UNESCO World Heritage Centre. Arquivado dende o orixinal o 18 de setembro de 2023. Consultado o 18 de setembro de 2023. 

Véxase tamén

[editar | editar a fonte]

Outros artigos

[editar | editar a fonte]
Traído desde «https://gl.wikipedia.org/w/index.php?title=Patrimonio_da_Humanidade_en_Letonia&oldid=6823240»