Román Rodríguez González

Román Rodríguez González
	;
Biografía
Nacemento	16 de novembro de 1968 (56 anos); O Vento, España
Conselleiro da Xunta de Galicia
	2015 –
Deputado do Parlamento de Galicia
	2009 –
Datos persoais
Educación	Universidade de Santiago de Compostela
Actividade
Ocupación	político, xeógrafo
Partido político	Partido Popular
Membro de	Partido Popular de Galicia

Para outras páxinas con títulos homónimos véxase: Román Rodríguez.

Román Rodríguez González, nado no Vento (Lalín) o 16 de novembro de 1968, é un xeógrafo e político galego do PPdeG.

Traxectoria

É licenciado en Xeografía e Historia pola Universidade de Santiago de Compostela (1991) e doutor en Xeografía (1996). Foi profesor na Universidade de León e despois titular do Departamento de Xeografía da USC. No ano 2000 foi recoñecido co Premio da Crítica Galicia na modalidade de investigación polo seu estudo De aldeas a cidades.

Principiou a carreira política como concelleiro en Lalín dende as eleccións municipais de 1999, con responsabilidades en cultura, medio ambiente, urbanismo e desenvolvemento, ata 2015. Foi elixido deputado no Parlamento de Galicia por primeira vez en 2009, e foi voceiro de Educación e de Urbanismo e Ordenación do Territorio do grupo do Partido Popular de Galicia.

En febreiro de 2015 foi designado Conselleiro de Cultura, Educación e Ordenación Universitaria^[1]. Volveu ser elixido deputado nas autonómicas de 2016 aínda que pouco logo renunciou ao escano canda outros catro conselleiros para se dedicaren en exclusiva ás responsabilidades de goberno^[2]. Mediada a lexislatura, as competencias de Educación e Universidade foron asumidas por Carmen Pomar, en canto que Rodríguez seguiu a cargo de Cultura e Turismo cunha consellaría de seu.

Após as eleccións de 2020 volveu ao goberno da Xunta coas competencias reagrupadas agás Turismo, que pasou a depender do vicepresidente Alfonso Rueda. En setembro de 2021 volveu deixar o escano a canda moitos dos outros deputados que tamén eran conselleiros^[3].

Nas eleccións ao Parlamento galego de 2024, saíu elixido deputado por Pontevedra,^[4] e continuou formando parte do gabinete de Alfonso Rueda á fronte da Consellería de Educación e Ciencia.

Vida persoal

É fillo de Xosé Manuel Rodríguez e Esther González. Está casado con María Begoña Mosteiro Blanco (directora do Instituto da Xuventude de Galicia) e ten dous fillos, Román e Xosé Manuel Rodríguez Mosteiro.

Obras

Lalín, un proceso de urbanización e desenvolvemento : 1960-1990, 1995.
La urbanización del espacio rural en Galicia, 1997.
De aldeas a cidades, 1999.
A Estrada : xente e paisaxe, 2003.
Xeografía, entre cultura e profesión territorial, 2004.
Reformar la administración territorial : municipios eficientes y viables, 2009.

Predecesor: Xesús Vázquez Abad	Conselleiro de Cultura, Educación e Ordenación Universitaria 2015 - 2018	Sucesor: Carmen Pomar Tojo (Educación e Universidade)
Predecesor: el mesmo	Conselleiro de Cultura e Turismo 2018 - 2020	Sucesor: el mesmo
Predecesor: Carmen Pomar Tojo (Educación e Universidade)	Conselleiro de Cultura, Educación e Universidade 2020 - 2024	Sucesor: José Carlos López Campos (Cultura, Lingua e Xuventude)
Predecesor: el mesmo	Conselleiro de Educación e Ciencia 2024 - actualidade	Sucesor: no cargo

Notas

↑ Román Rodríguez y Valeriano Martínez, nuevos conselleiros, nova aparecida no diario El País o 9 de febreiro de 2015. (en castelán)
↑ AMP.- Renuncian á súa acta de deputado os conselleiros de Facenda, Infraestruturas, Cultura, Sanidade e Medio Rural
↑ "Feijóo hace renunciar al escaño del Parlamento de Galicia a 7 de sus conselleiros". La Región (en castelán). 2021-09-15. Consultado o 2021-09-15.
↑ Cedrón, María; García Calvo, Lorena (19 de febreiro de 2024). "Este es el nuevo Parlamento de Galicia, diputado a diputado". lavozdegalicia.es (en castelán). Consultado o 21 de febreiro de 2024.

Véxase tamén

Bibliografía

Enciclopedia Galega Universal 14. Ir Indo. 1999-2002. p. 507. ISBN 84-7680-288-9.

Ligazóns externas

Ficha no Parlamento de Galicia Arquivado 02 de abril de 2015 en Wayback Machine.

[1] Román Rodríguez y Valeriano Martínez, nuevos conselleiros, nova aparecida no diario El País o 9 de febreiro de 2015. (en castelán)

[2] AMP.- Renuncian á súa acta de deputado os conselleiros de Facenda, Infraestruturas, Cultura, Sanidade e Medio Rural

[3] "Feijóo hace renunciar al escaño del Parlamento de Galicia a 7 de sus conselleiros". La Región (en castelán). 2021-09-15. Consultado o 2021-09-15.

[4] Cedrón, María; García Calvo, Lorena (19 de febreiro de 2024). "Este es el nuevo Parlamento de Galicia, diputado a diputado". lavozdegalicia.es (en castelán). Consultado o 21 de febreiro de 2024.

[1]

[2]

[3]

[4]