Rubián, Bóveda

Para outras páxinas con títulos homónimos véxase: San Fiz de Rubián.

Santiago de Rubián
Concello	Bóveda
Provincia	Lugo
Coordenadas	42°39′15″N 7°28′39″O
Poboación	281 hab. (2020)
Entidades de poboación	5
[ editar datos en Wikidata ]

Santiago de Rubián é unha parroquia que se localiza no concello de Bóveda. Segundo o padrón municipal de 2020 tiña 281 habitantes (133 mulleres e 148 homes), distribuídos en cinco entidades, o que supón unha diminución en relación ao ano 2004 cando tiña 354 e en 1999 cando tiña 366 habitantes.

Xeografía

Limita coas parroquias de Remesar, Vilarbuxán e San Fiz de Rubián ao norte, Bóveda ao sur, San Fiz de Rubián e Tuimil ao leste, e Teilán polo oeste.

Historia

A nota máis antiga desta parroquia aparece nun documento da Catedral de Lugo, datado o 17 de novembro de 1202.

Patrimonio

• Igrexa de Santiago de Rubián do século XVIII, ten planta rectangular. A capela maior, diferenciada en planta da nave por ser máis estreita, antecédea un arco de medio punto en granito, e ten a sancristía apegada.
• Capela do Ecce Homo, do s.XVIII. Trátase dun edificio de planta en T, con muros de cachotería en lousa. A nave, con cuberta a dúas augas en madeira e lousa, comunica coa capela maior, diferenciada desta en planta e alzado e con cuberta a catro augas, por un arco de medio punto.

Festas

As festas parroquiais celébranse o 15 de setembro na honra ó Ecce Homo.

Deporte

Rubián ten un equipo de fútbol, a Sociedad Deportiva Rubián, que na tempada 2018/19 xoga na Terceira Autonómica de Galicia. Xoga os seus partidos no Campo do Poste.

Lugares e parroquias

Lugares de Santiago de Rubián

Lugares da parroquia de Rubián no concello de Bóveda (provincia de Lugo)
A Calle | Campo do Muro | A Eirexa | Pacio do Río | Rubián

Véxase tamén

Outros artigos

• Lugares de Bóveda