Wikipedia:Editatona Reto 50+
O xoves 12 de marzo de 2020 terá lugar unha editatona da Galipedia, co título Reto 50+, promovido pola Vicerreitoría de Igualdade, Cultura e Deporte da Universidade da Coruña como parte das iniciativas relacionadas co Día Internacional da Muller do ano 2020.
Propósito
[editar a fonte]Reto 50+
Unha editatona é unha reunión de persoas que se xuntan para editar a Galipedia, tanto de forma presencial coma virtual.
O propósito desta editatona é contribuír a pechar a fenda de información dixital incorporando 50 novas mulleres relevantes á Galipedia.
Como, cando, onde
[editar a fonte]
O reto abordarase mediante a celebración dun obradoiro de dúas horas de duración, que comezará ás 16 da tarde nos laboratorios 0.1 e 0.2 da Facultade de Informática da Coruña (situados na pranta baixa do edificio), no Campus de Elviña.
Logo dunha breve introdución á edición da Wikipedia en galego (tamén coñecida como Galipedia), as persoas asistentes procederán á edición de novos artigos sobre mulleres relevantes. O obxectivo do reto é acadar o medio cento de novos artigos.
Información para participantes
[editar a fonte]Cuestións xerais
[editar a fonte]Aínda que a Galipedia se pode editar de xeito anónimo, é moi recomendable rexistrarse antes do obradoiro.
Non se requiren coñecementos previos sobre a edición da Galipedia, xa que a parte inicial do obradoiro será introdutoria ao respecto.
Podes traer o teu computador portátil, desde o que poderás conectarte á rede sen fíos da universidade para poder navegar e editar. É preciso que teñas un navegador web actualizado, recomendándose o uso do Firefox. Porén, os laboratorios onde terá lugar o obradoiro están equipados con computadores de sobremesa que a Facultade de Informática pon á disposición das persoas asistentes.
Idioma
[editar a fonte]Os artigos da Galipedia escríbense en galego seguindo a normativa ortográfica da RAG. Hai varias ferramentas para o navegador e da Galipedia que axudan a mellorar a ortografía, podes consultalas en Axuda:Como mellorar a ortografía. É moi recomendable activar o Wikipedia:Revisor ortográfico da Galipedia que non precisa de ningunha instalación nin complementos adicionais.
Axudas de edición
[editar a fonte]Para familiarizarse co funcionamento do editor gráfico da Galipedia, poden visualizarse os seguintes vídeos:
-
Sobre as ferramentas básicas do editor.(1 min 18 s)
-
Sobre como engadir e modificar ligazóns. (1 min 35 s)
-
Sobre como engadir e modificar referencias. (3 min 28 s)
Recoméndanse as seguintes páxinas de referencia para iniciarse e resolver dúbidas:
- Introdución á edición da Galipedia
- Páxina de axuda do Editor da Galipedia
- Ferramenta de tradución (axuda de uso)
- Wikipedia:Guía
- Wikipedia:Referencia rápida
- Wikipedia:Citar as fontes
- Wikipedia:Libro de estilo
- Wikipedia:O que é un artigo de calidade
- Wikipedia:O que a Wikipedia non é
- Wikipedia:Presentación de introdución ó Editor Visual
Finalmente, previo e durante o evento poderanse resolver dúbidas na canle de Telegram: https://t.me/R50mais.
Relación de artigos propostos
[editar a fonte] |
Para coordinar o traballo das persoas participantes no reto, e así non duplicar traballo, antes de comezar a editar un artigo engadirémoslle o aviso {{En uso}} á páxina do artigo e gardarémola. Despois anotaremos na táboa de abaixo que estamos a traballar con el e así a información será visible e distribuiremos mellor os nosos esforzos. |
A seguinte é unha relación de artigos sobre mulleres relevantes que non existe na Galipedia antes da celebración do Reto 50+.
 |
Ten en consideración que podes traducir texto directamente da Wikipedia noutras linguas, porque está publicada baixo unha licenza libre. Pero non podes copiar nin traducir directamente doutras fontes, porque constituiría unha violación de copyright. Aínda que si podes, por suposto, empregar varias fontes acreditadas, citándoas, para elaborar a túa propia redacción. |
A seguinte é unha relación de colectivos de mulleres relevantes que poderían incluírse no Reto 50+.
Código de conduta
[editar a fonte]A Galipedia forma parte da Fundación Wikimedia. Como evento de edición da Galipedia, a Editatona Reto 50+ adhírese á política de espazo amigable para os eventos da Fundación Wikimedia, que traducimos e adaptamos aquí:
A Fundación Wikimedia quere proporcionar un lugar libre de acoso para todas as persoas, independentemente do seu sexo, orientación sexual, diversidade funcional ou neurodiversidade, aparencia física, etnia, afiliación política ou relixión, sen exclusión doutros aspectos.
Non toleramos ningunha forma de acoso ás persoas participantes dos nosos eventos. O acoso inclúe, pero non se limita a, comentarios verbais ofensivos relacionados co xénero, a orientación sexual, identidade ou expresión de xénero, diversidade funcional ou neurodiversidade, aparencia física, etnia, afiliación política ou relixión. O acoso tamén inclúe imaxes sexuais en espazos públicos, intimidación deliberada, espreita, fotografía ou gravacións de acoso, interrupción sostida das conversas, contacto físico non apropiado e atención sexual non desexada. En caso de ser identificados, a organización advertirá e solicitará a interrupción destes comportamentos de acoso con efecto inmediato, ou mesmo procederá á expulsión do evento da persoa autora dos mesmos.
Se como participante sufres acoso, ou observas que alguén o está a sufrir ou ten algunha outra inquietude, avisa á organización inmediatamente. A organización identificarase claramente ao inicio do evento, e prestará a súa axuda ás persoas participantes para pórse en contacto coa seguridade do lugar ou a policía local, proporcionando compañía ou calquera outra asistencia que axude ás persoas afectadas a sentirse seguras mentres dura o evento.
Valoramos a túa asistencia e esperamos que quen participe siga estas regras en todas as salas e eventos relacionados coas actividades da Fundación Wikimedia.
Apúntate
[editar a fonte]Apúntate nesta sección.
- Elisardojm (conversa) 12 de marzo de 2020 ás 15:18 (UTC)
- Maria zaos (conversa) 12 de marzo de 2020 ás 16:12 (UTC) (só en liña)
- Lauramcastro (conversa) 12 de marzo de 2020 ás 17:03 (UTC)
Mencións nos medios
[editar a fonte]- "A UDC chama a sumar 50 mulleres á Galipedia entre os actos polo 8 de marzo". La Opinión A Coruña. 2/3/2020.
- "A Universidade da Coruña reta a feminizar a Galipedia". Nós Diario. 11/3/2020.
- "Más mujeres presentes en la Galipedia". La Voz de Galicia (en castelán). 12/3/2020.
- Rodríguez, Laura (12/3/2020). "Actividades en la UDC para conmemorar el 8M" (vídeo). La Opinión A Coruña.
Notas
[editar a fonte]- ↑ Groba, Xavier; Ossa, Sergio de la (2017). Gustav Henningsen: Gravacións musicais en Galiza 1964-1968. Chave Mestra. Santiago de Compostela: aCentral Folque. [1]
Véxase tamén
[editar a fonte]- Outra imaxe corporativa do evento
- Wikipedia:Primeiras xornadas Coñece a Galipedia na UDC
- Álbum de Mulleres
- Wikipedia:Wikiproxecto galegas
- Wikipedia:Wikiproxecto mulleres
| <<< Evento anterior: 09/02/2019, Ourense. 2ª wikimaratona do Día Internacional da Muller |
Editatona Reto 50+ 12/03/2020, UDC. |
Evento seguinte: 18/11/2021, Vigo Wikigap Hackeando o patriarcado |