Bulgaria - България

Na Galipedia, a wikipedia en galego.

'Република България' Republika Balgariya República de Bulgaria

Bandeira Escudo

Lema: Съединението прави силата (Búlgaro: A unión fai a forza) Himno nacional: Mila Rodino     Capital  • Poboación Sofia 1.246.791 (1-09-2006) Cidade máis poboada Sofia Linguas  • Oficiais n/d n/d Forma de goberno Presidente Primeiro ministro Georgi Parvanov Sergey Stanishev Independencia - Declarada - Recoñecida Do Imperio Otomano 3 de marzo de 1878 22 de setembro de 1908 Superficie  • Total  • % auga Fronteiras Costas Posto 102º 110.910 km2 0,3 1.808 km 354 km Poboación  • Total  • Densidade Posto 89º 7.707.495 (2000) 67.9 hab/km2 PIB (nominal)  • Total  • PIB per cápita n/d n/d PIB (PPA)  • Total (2008)  • PIB per cápita Posto 63º US$ 90.260 millóns US$ 11.904 (2008) IDH (2007) 0,825 (53º) – alto Moeda Lev ([[ISO 4217|BGN]]) Xentilicio n/d Fuso horario  • en verán EET (UTC+2) EEST (UTC+3) Dominio de Internet .bg Prefixo telefónico +359 Prefixo radiofónico LZA-LZZ Código ISO 100 / BGR / BG Membro de: ONU, OSCE, OTAN, UE Tódolos países do mundo

Bulgaria é un país situado nos Balcáns, limitado ó norte pola Romanía, ó leste polo Mar Negro, ó sur pola Turquía e pola Grecia e polo oeste pola Macedonia e Serbia. Bulgaria foi aceptada na OTAN no 2004 e é membra da Unión Europea dende o 1 de xaneiro do 2007.

[editar] Historia

O Mosteiro de Rila é un dos monumentos culturais e históricos máis importantes de Bulgaria

A rexión da actual Bulgaria foi primeiro habitada polos tracios, divididos en numerosas tribos. Era un pobo que non tiña escrita, e o seu legado é composto dalgunhas tumbas e tesouros que deixaron.

No século VII os bulgaros comandados por Khan Asparuh migraron do norte dos Bálcans e fundaron o primeiro Imperio Búlgaro, en 681.

Nos séculos seguintes, entrou en guerra contra o Imperio Bizantino durante diversas ocasións para garanti-la súa existencia. Aínda así, non logrou resisti-la súa independencia sendo invadida polo Imperio Otomano, ó final do século XIV.

Bulgaria recuperou a súa independencia en 1878, como un Principado Autónomo; a súa independencia total foi proclamada en 1908. Pouco tempo depois, nos anos 1912 e 1913, envolveuse na Guerra dos Balcáns.

Durante a Primeira Guerra Mundial e, máis tarde, na Segunda Guerra Mundial, combateu do lado das nacións que serían derrotadas no conflito.

Finalizada a Segunda Guerra Mundial, ficou debaixo da influencia da Unión Soviética e convertiuse nunha república popular en 1946. O goberno comunista veuse abaixo en 1990, cando tiveron lugar as primeiras elecións democráticas.

Bulgaria foi aceptada na OTAN no 2004 e é membra da Unión Europea dende o 1 de xaneiro do 2007.

[editar] Xeografía

Véxase: Xeografía de Bulgaria.

Situación: Bulgaria atópase no surleste de Europa, limita con Rumanía, Serbia, a República de Macedonia, Turquía, Grecia e o Mar Negro. A fronteira norte con Rumanía segue o curso do Danubio ata Silistra.

A xeografía política de Bulgaria modificouse notablemente dende a restauración do estado en 1878. Rusia, cuxas victorias conduciron á súa creación, presionou para que se creara unha "Gran Bulgaria" que incluíra unha gran parte de Macedonia. No Congreso de Berlín de 1878 as demáis potencias déronlle un territorio moito máis reducido, dividido ata 1885 entre os principados de Bulgaria Rumelia Oriental.

Foi reino independente dende 1908 ata 1946 e despois república. Bulgaria quixo expandi-lo seu territorio durante as guerras balcán.

[editar] Economía

Véxase: Economía de Bulgaria

Bulgaria foi un dos países que máis problemas económicos tivo á hora de desligar a súa economía da antiga Unión Soviética, o que mermou as súas posibilidades en relación con outros países da área da Europa central.

A agricultura, dúas terceiras partes do solo do país están dedicados ao cultivo de cereais, fundamentalmente trigo, maínzo, cebada, centeo e arroz. Os cultivos industriais de tabaco, algodón xirasol representan unha parte máis rentábel da organización agrícola. No proceso de privatización da terra, sufriuse unha gran parcelación que non beneficiou ás explotacións.

Na industria destaca a siderurxia, as plantas de produtos químicos e a produción textil. Carece case por completo de petróleo o que agrava a súa dependencia exterior en materia enerxética.

Posúe depósitos importantes de carbón e lignito que manteñen as anticuadas centrais térmicas e la siderurxia. O resto da enerxía que produce, provén ,nunha pequena proporción, da hidráulica. No 2006 tivo que desconectar dous reactores atómicos soviéticos da central nuclear de Kozloduy, e modernizar outros bloques da central mediante créditos de Euratom por un total de 212,5 millóns de euros.^[1] Xa no ano 1993, coa colaboración fundamental da Comunidade Europea, que aportou cerca de 19 millóns de dólares melloráranse os sistemas de seguridade da central. Bulgaria exporta enerxía a Macedonia, Serbia, Montenegro e Romanía.

Os avances tecnolóxicos da década dos oitenta nos países occidentais, fixeron que a industria búlgara ficase obsoleta. As reformas no seu momento foron tímidas e incrementouse a débeda externa dun xeito notable. Mais, segundo o seu estudo anual o Banco Mundial inclúe a Bulgaria dentro dos dez principais países que no 2006 maior cantidade de reformas realizaron.^[2]

Como membro da Unión Europea desde 2007, Bulgaria fixo un significativo traballo para loitar contra a corrupción e acelerar o proceso de privatización que favorece un programa de actuación até 2009. As propias reinversións dos empresarios búlgaros e as estranxeiras acadaron os cinco mil millóns de euros no 2006. O Tratado europeo de Lisboa subscrito no 2007 acordou con Bulgaria o dereito de chamarlle "evro" ao euro para adaptalo ao alfabeto cirílico.^[3]

[editar] Referencias

Commons ten máis contidos multimedia sobre:

Bulgaria - България

v • c • e Unión Europea
	Alemaña · Austria · Bélxica · Bulgaria · Chequia · Chipre · Dinamarca · Eslovaquia · Eslovenia · España · Estonia · Finlandia · Francia · Grecia · Hungría · Irlanda · Italia · Letonia · Lituania · Luxemburgo · Malta · Países Baixos · Polonia · Portugal · Reino Unido · Romanía · Suecia Países candidatos: Croacia · Macedonia · Turquía