Hospital Abente y Lago
| Hospital Abente y Lago | |
|---|---|
 | |
| Edificio | |
| Localización | Praza do Parrote, s/n, 15006 A Coruña |
| Coordenadas | 43°22′06″N 8°23′23″O / 43.3683, -8.3896333333333 |
| Construción | |
| Inicio | 1861 |
| Remate | 1866 |
| Remodelación | 1946, 2001 |
| [ editar datos en Wikidata ] | |
O Hospital Abente y Lago é un centro hospitalario público situado no centro da Coruña, pertencente ao Complexo Hospitalario Universitario A Coruña. Anteriormente funcionou como hospital militar. Recibiu o seu nome por Ezequiel Abente y Lago, que foi o seu director durante a repatriación dos soldados procedentes da guerra de Cuba.[1]
Historia
[editar | editar a fonte]
En 1626 construíuse nos terreos do actual hospital, coñecidos como Campo do Espírito Santo, o Hospital do Rei. Estaba rodeado polo Hospital do Bo Suceso, que atendía aos militares, pola capela do Espírito Santo e a polvoreira.[1] En 1658 estoupouse esta última, provocando graves danos nos edificios próximos, incluído o Hospital Real, que tivo que ser restaurado antes de volver funcionar a finais do século.[2]
En 1725 o enxeñeiro Francisco Montaigú deseñou a ampliación do Hospital do Rei, incorporando a capela do Espírito Santo.[1]
En 1798 o Capitán Xeneral Pedro Martín Cermeño propuxo que se derrubasen os dous hospitais para construír un hospital único no lugar.[1] Porén, este proxecto non se levou a cabo ata o período entre 1861 e 1866, creando o chamado Hospital Militar do Bo Suceso. O autor do proxecto foi o enxeñeiro Joaquín Montenegro.[1]
O hospital sufriu o 13 de febreiro de 1946 un incendio provocado por un curtocircuíto[2] que arrasou o seu interior, polo que tivo que ser remodelado e modernizado.[1]
O Ministerio de Defensa pechouno en 1995, incorporándose ao Servizo Galego de Saúde o 28 de maio de 1996.[2] Recibiu o nome de Hospital Abente y Lago en 1998,[1] cando comezou a atender pacientes,[3] e a inauguración tivo lugar o 19 de abril de 2001.[4]
Notas
[editar | editar a fonte]- ↑ 1,0 1,1 1,2 1,3 1,4 1,5 1,6 Hospital Abente y Lago
- ↑ 2,0 2,1 2,2 Fernández Caamaño, J.M. (14-05-2015). "Seis siglos de hospitales militares en A Coruña". El Ideal Gallego (en castelán). Consultado o 03-12-2021.
- ↑ El Abente y Lago cumple 10 años
- ↑ Castiñeiras, Á.M. "La ciudad concluía una larga batalla con la inauguración del Abente y Lago". La Voz de Galicia (en castelán). Consultado o 03-12-2021.
Véxase tamén
[editar | editar a fonte] |
Wikimedia Commons ten máis contidos multimedia na categoría: Hospital Abente y Lago  |
Bibliografía
[editar | editar a fonte]- Fernández Fernández, Carlos M. (1995). Antiguos Hospitales. Biblioteca Coruñesa (en castelán) 19. Perillo, Oleiros: Vía Láctea Editorial, concello da Coruña. ISBN 84-89444-03-X.
Ligazóns externas
[editar | editar a fonte]- Ficha en Turgalicia