Igrexa de Santo Ildefonso de Madrid

Para outras páxinas con títulos homónimos véxase: Igrexa de Santo Ildefonso.

Igrexa de Santo Ildefonso
Fachada da igrexa de Santo Ildefonso
Datos xerais
País	España
Rexión	Comunidade de Madrid
Tipo	Igrexa
Advocación	Santo Ildefonso
Localización	P. S. Ildefonso, 8. Distrito Centro, Madrid
Coordenadas	40°25′26″N 3°42′07″O
Culto
Culto	Católico
Diocese	Arquidiocese de Madrid
Arquitectura
Construción	1826–1827
Arquitectos	Juan Antonio Cuervo
Estilo	Neoclásico
[ editar datos en Wikidata ]

A igrexa de Santo Ildefonso é un edificio relixioso, destinado ao culto católico, situado na praza do mesmo nome da cidade de Madrid (España).

Historia

O edificio orixinal foi fundado o 28 de setembro de 1619, dependente da parroquia de San Martiño, e destruído a comezos do século XIX. A planta do conservado é obra do arquitecto Antonio Cuervo, en 1827, aínda que cinco anos despois sufriu un grande incendio.

Aquí casaron Rosalía e Murguía.

Unha placa no exterior do templo lembra que alí casou o 10 de outubro de 1858 a poetisa galega Rosalía de Castro, veciña da Corredera Baja de San Pablo, con Manuel Murguía. Durante a guerra civil española empregouse para almacenar provisións, sufrindo grandes desfeitas no conflito. Quedou restaurada integramente en 1952.

A cargo desta igrexa está o veciño humilladero da nosa Señora da Soidade, da rúa de Fuencarral.

No seu interior destaca un retablo barroco, atribuído a Gaspar Becerra, dúas imaxes de santo Antonio de Padua e san Xosé, atribuídas a Francisco Vergara Bartual o Mozo e unha talla anónima de Cristo crucificado do século XVII.

Véxase tamén

Bibliografía

• Pociña, A.; López, A. (2000). Rosalía de Castro. Estudios sobre a vida e a obra. Laiovento. ISBN 978-84-8487-267-2. 

Ligazóns externas

• Catálogo de monumentamadrid
• Base de datos do Colexio de Arquitectos de Madrid