Saiáns, Vigo

Para outras páxinas con títulos homónimos véxase: Saiáns.

Saiáns
Igrexa parroquial de San Xurxo.
Concello	Vigo
Provincia	Pontevedra
Coordenadas	42°10′27″N 8°48′35″O
Poboación	1.143 hab. (2022)
Entidades de poboación	30
[ editar datos en Wikidata ]

San Xurxo de Saiáns é unha parroquia do concello de Vigo. Limita coas parroquias de Oia polo norte e de Priegue polo sur. Esta parroquia forma parte do arciprestado de Vigo-Santo André. Ten 29 entidades de poboación, 3 lugares e segundo o IGE, en 2022 tiña 1.143 habitantes (572 homes e 571 mulleres).

As súas entidades de poboación son as seguintes: Aral (23), Borreiros (9), Os Budiases (8), A Cachada (13), Cal do Outeiro (86), A Capela (63), Carballido (11), O Castañal (42), A Cova da Barxa (29), A Cova da Becha (41), A Curveira (34), A Devesa (18), Domeira (34), A Estea (23), Fontán (99), Fortiñón (55), A Gándara (52), Garcías (53), Gondufe (73), As Hortas (19), Miserela (12), Orxás (59), O Pinal (7), O Portiño (54), San Xurxo (23), O Souto (24), A Tomada (56), Vilaverde (26) e A Volta (21). Os lugares (que xeralmente forman parte dalgunhas das entidades): As Medoñas, O Outeiro e Radio Costeira.

Patrimonio

No monte das Medoñas localízase un castro e no castro da Estea atopáronse machados da Idade de Bronce. Destacan as ruínas dun conxunto tradicional de vivenda, con estruturas acaroadas, o gran número de muíños e a fonte do barrio de Fontán. Foi a primeira parroquia de Vigo en dispor dun parque forestal.

Galería de imaxes

• 
  Igrexa de San Xurxo, detalle.
• 
  Praia dos Muíños de Fortiñón.

Véxase tamén

Outros artigos

• Lugares de Vigo