Candeán, Vigo

Candeán
Dolmen da Casa dos Mouros
Concello	Vigo
Provincia	Pontevedra
Coordenadas	42°14′43″N 8°39′19″O
Poboación	4.664 hab. (2022)
Entidades de poboación	19
[ editar datos en Wikidata ]

San Cristovo de Candeán é unha parroquia do concello de Vigo. Limita coas parroquias de Cabral, Lavadores, San Paio e Teis e pertence ó arciprestado de Vigo-Lavadores. Ten 12 entidades de poboación, 8 lugares e segundo o IGE, en 2022 tiña 4.664 habitantes (2.258 homes e 2.406 mulleres).

As súas entidades de poboación son as seguintes: Candeán de Arriba (599), A Devesa (904), A Fonte Escura (1.254), Freiría (91), Goleta (59), Hermide (94), A Igrexa (436), Monte Pequeno (326), Parachán (369), A Rabadeira (485), O Salgueiro (65) e Vesada (17). Os lugares (que xeralmente forman parte dalgunhas das entidades): Candeán de Abaixo, A Costeira, A Fonte Barca, A Lagoa, A Madroa, Pedra Longa, A Poba e Xunco Mariño.

Instalacións

Nas abas da Madroa atópanse o zoolóxico de Vigo (único de Galiza con máis de 600 animais) e as instalacións deportivas auxiliares do Real Club Celta.

Patrimonio

Conserva pegadas de asentamentos prehistóricos, coma petróglifos e dolmens. Nas abas da Madroa atópanse un monumental dolmen coñecido coma "Casa dos Mouros". Existen restos dunha vella construción medieval defensiva que os veciños chaman "Da Torre". A igrexa de San Cristovo foi construída a comezos do século XIX. No cemiterio atópase un dos dous cruceiros da parroquia, construído probabelmente no 1887.

Festas

O segundo domingo de setembro celébrase a Festa dos Pexegos.

Véxase tamén

Bibliografía

• Rodríguez González, Afonso Salvador (2019). Toponimia do Val de Fragoso (PDF). 7: Candeán. Universidade de Vigo; Concello de Vigo. ISBN 978-84-8158-821-7. 

Outros artigos

• Lugares de Vigo

Ligazóns externas

• Páxina oficial da Unión Veciñal Cultural e Deportiva de Candeán Arquivado 26 de xuño de 2008 en Wayback Machine.