Wikipedia:Sobre Galicia
| Votacións |
|---|
| Artigos e imaxes destacados |
|
Artigos de calidade (Propor · Votar) |
| Políticas e normas |
| Votacións para borrar |
|
Artigos propostos para borrar (Votar) |
| Permisos de usuarios |
O artigo destacado sobre Galicia é unha sección da Portada e do Portal:Galicia onde se mostra o comezo dun dos máis completos artigos da Galipedia relacionado con Galicia.
Para propor artigos destacados sobre Galicia para os próximos meses ou votar a favor ou en contra dos xa propostos, vaia á páxina de propostas.
Durante o actual mes de xuño, o artigo destacado sobre Galicia é:
|
 Sobre Galicia |
_-_1.jpg) Luísa Villalta Gómez, nada na Coruña o 15 de xullo de 1957 e finada na mesma cidade o 6 de marzo de 2004, foi unha escritora, filóloga e violinista galega. Escribiu poesía, teatro, narrativa de ficción, ensaio, articulismo e tradución. O colectivo A Sega acordou dedicarlle o Día das Galegas nas Letras do ano 2022: "celebrámoste desde a complexidade da épica ao publicismo, deste ti, desde o teu pensar, lúcida e comprometida, sempre na construción dun pobo". A Real Academia Galega dedicoulle o Día das Letras Galegas do ano 2024, destacando dela que foi a "creadora dunha obra singular e sólida que a converteu nunha das grandes figuras da literatura galega que emerxeron na segunda metade dos anos 80 e primeiros 90". Esta proposta estivo encabezada pola tamén escritora Ana Romaní e respaldada por Chus Pato, Marilar Aleixandre, Fina Casalderrey, Margarita Ledo Andión, Manuel Rivas, María López Sández, Euloxio R. Ruibal, Dolores Sánchez Palomino, Manuel González González e a xa mencionada Ana Romaní. |
Vindeiros artigos sobre Galicia na Portada
- En xullo o artigo destacado será:
|
Sobre Galicia |
 José Ventura Eduardo Gregorio Valdomir (sic) ou Xosé Baldomir Rodríguez, máis coñecido como Xosé Baldomir, nado na Coruña o 26 de novembro de 1865 e finado na mesma cidade o 1 de febreiro de 1947, foi un compositor, pianista, director coral e profesor que desenvolveu case todo o seu labor na súa cidade natal. Entre a súa obra, cunha importante influencia da música popular, salientan as súas melodías galegas, xénero iniciado por un dos seus mestres, Marcial del Adalid, e que Baldomir levou ao máximo nivel artístico, acadando no seu tempo difusión universal con obras que permaneceron na memoria colectiva. Ademais de como compositor, Baldomir destacou tamén como director de corais, estando á fronte de agrupacións como o Orfeón Brigantino ou a Coral Polifónica El Eco, tendo realizado con esta última numerosas e exitosas xiras por España e o resto do mundo. Foi nomeado académico da Real Academia Provincial Coruñesa de Belas Artes (1905), da Real Academia de Belas Artes de San Fernando en Madrid (1922) e numerario da Real Academia Galega (1941), na que permaneceu ata a súa morte en 1947. Tamén participou en institucións galeguistas como as Irmandades da Fala, nas que ingresou no seu inicio en 1916. Baldomir colaborou tamén na recompilación dos Cantos y Bailes Populares de España e de El Cancionero Musical Popular Español de José Inzenga e Felip Pedrell, respectivamente. Interveu en varios tribunais de oposicións e presidiu o xurado de certames musicais para orfeóns, bandas e coros galegos. Foi director das orquestras do Liceo Brigantino, da orquestra da sociedade Bretón de los Herreros e dos coros e orquestra das Fillas de María. En 1906 foi invitado a dar un recital no Ateneo de Madrid e tamén realizou unha xira por España, Francia e Portugal. |
- En agosto o artigo destacado será:
|
Sobre Galicia |
Arquivo
- Véxase tamén: Wikipedia:Artigos da portada.
A continuación, móstrase unha lista cos artigos destacados sobre Galicia do ano pasado, este ano e o vindeiro:
Modelo
A continuación, móstrase o modelo que deberán seguir as subpáxinas de sobre Galicia:
<div style="float:left;margin-right:0.9em">
[[Ficheiro:IMAXE_RELACIONADA_CO_ARTIGO|none|125px]]
</div>
'''[[NOME_DUN_ARTIGO_RELACIONADO_CON_GALICIA]]''' PEQUENO_RESUMO_DO_ARTIGO
<noinclude>[[Categoría:Sobre Galicia de {{subst:CURRENTYEAR}}| {{subst:#time: m|+1month}}]]</noinclude>