Azerbaidján no Festival de Eurovisión

Azerbaidján
Estación membro	İctimai Televiziya
Final nacional	Milli Seçim Turu
Aparicións	6
Primeira aparición	2008
Mellor resultado
Final	1º 2011
Semifinal	1º 2013
Peor resultado
Final	22º 2014
Semifinal	10º 2015
Ligazóns externas
	Eurovisionaz.com
	Páxina de Azerbaidján en Eurovision.tv

A participación de Azerbaidján no Festival da Canción de Eurovisión corre a cargo da canle pública İctimai Televiziya, que ingresou na Unión Europea de Radiodifusión en 2007, aínda que isto non lle outorgaba o dereito de participar en Eurovisión por estar fose do Área de Radifusión, o motivo do seu ingreso ao Festival é por pertencer ao Consello de Europa.^[1] Na edición de 2011 o país proclamouse campión coa canción "Running Scared", interpretada por un dúo que formaron Eldar Gasimov e Nigar Jamal.^[2]

En 2007 a empresa estatal AzTV presentou unha solicitude para ingresar como membro activo, pero foi rexeitada porque estaba moi vinculada ao Goberno azerí.^[3] Meses despois, a televisión pública İctimai Televiziya tratou de ocupar o seu lugar, e foi aceptada como membro activo.^[4]

Desde o seu debut, Azerbaidján sempre logrou a clasificación á final. O país debutou na edición de 2008 con "Day After Day", defendido por Elnur Hüseynov e Samir Javadzadeh. Ese ano terminou en 6° lugar na semifinal e na final conseguiron o 8° con 132 puntos.

En 2009 obtiveron o terceiro posto con Aysel e o iraniano Arash Labaf interpretando "Always", unha das favoritas daquela edición. Dous días antes na súa semifinal conseguiron o segundo lugar con 180 puntos. Un ano despois asinaron a quinta praza con Safura, a primeira solista que representaba ao país, e "Drip drop", tema que pelexou os primeiros lugares nas casas de apostas con Alemaña pero que obtería 145 puntos para pechar no top-5.

En 2011 proclamáronse campións coa balada "Running scared" cun total de 221 puntos, rompendo o récord da puntuación máis baixa dun ganador e a cantidade de máximas puntuacións máis baixa, tamén dun ganador, ambas desde a implantación da semifinal. A vitoria permitiulles ser sede da edición de 2012, que finalmente celebrouse na capital Bakú, e onde a cantante Sabina Babayeva terminou en 4º lugar con 150 puntos, por detrás da ganadora Suecia, Rusia e Serbia.

En 2013 foi seleccionado o primeiro solista masculino: Farid Mammadov. Decidiuse que participase co tema "Hold Me" e malia que un principio non era favorito, logrou tralas semanas de ensaio e a realización da semifinal, meterse aos primeiros lugares nas casas de apostas. Finalmente conseguiría a primeira vitoria para o país nunha semifinal con 139 puntos. Na final conseguiu un 2º posto, con 234 puntos e 10 máximas puntuacións, a cantidade máis grande para un país non-ganador. Finalmente na edición de 2014, tras 5 anos consecutivos no top-5, obteñen os seus peores resultados tanto na semifinal como na final, ao quedar 9° e 22° respectivamente, coa cantante Dilara Kazimova coa balada "Start a fire!", sendo ademais a primeira vez que quedan fóra do top-10.

Desde 2009, o país contratou produtores escandinavos e investiu moito diñeiro para facerse coa vitoria. Só na edición de 2010, a delegación azerí investiu máis de 1,6 millóns de euros.^[5]

O Festival de Eurovisión 2018 foi a primeira ocasión na que Azerbaidján non logrou clasificarse para a final do concurso.

Participacións

Ano	Sede	Artista	Canción	Final	Pts	Semifinal	Pts
2008	Belgrado	Elnur & Samir	"Day after day"	08	132	06	106
2009	Moscova	AySel & Arash	"Always"	03	207	02	180
2010	Oslo	Safura Alizade	"Drip drop"	05	145	02	113
2011	Düsseldorf	Ell & Nikki	"Running Scared"	01	221	02	122
2012	Bakú	Sabina Babayeva	"When the music dies"	04	150
2013	Malmö	Farid Mammadov	"Hold Me"	02	234	01	139
2014	Copenhague	Dilara Kazimova	"Start a fire"	22	33	09	57
2015	Viena	Elnur Hüseynov	"Hour of the Wolf"	12	49	10	53
2016	Estocolmo	Samra	"Miracle"	17	117	6	185
2017	Kíiv	Dihaj	«Skeletons» (Isa Melikov / Sandra Bjurman)	14	120	8	150
2018	Lisboa	Aisel	«X my heart» (Dimitris Kontopoulos, Tim Bran / Sandra Bjurman)	Non se clasificou		11	94
2019	Israel		« » ( / )