Igrexa de Rute
| Igrexa de Rute | |
|---|---|
 | |
| Datos xerais | |
| País |  Suecia |
| Rexión | Gotland  |
| Localización | Rute |
| Coordenadas | 57°50′01″N 18°55′24″L / 57.83372222, 18.92344444 |
| Culto | |
| Culto | Igrexa de Suecia |
| Diocese | Diocese de Visby |
| Páxina web | https://www.svenskakyrkan.se/norragotland/rute-kyrka |
| [ editar datos en Wikidata ] | |
A igrexa de Rute (sueco: Rute kyrka) é unha igrexa medieval luterana en Rute, na illa sueca de Gotland, pertencente á diocese de Visby.
Historia e arquitectura
[editar | editar a fonte]A parte máis antiga da igrexa é o coro, construído ao redor do ano 1230. A nave levantouse uns dez anos despois, mentres que a torre e o portal oeste foron as derradeiras partes do edificio en construírse. O interior da igrexa decorouse con frescos durante o final da Idade Media. Estes foron executados polo artista coñecido como Passionsmästaren e foron redescubertos durante unha restauración en 1951.[1]
O teito da igrexa está soportado por catro piares cadrados, unha solución non atopada noutra igrexa de Gotland. Entre o mobiliario hai varios obxectos medievais. A pía bautismal é de mediados do século XIII, mentres que a cruz triunfal foi realizada ao redor do ano 1260. Unha tumba decorada do século XII, con runas inscritas, foi atopada durante a restauración de 1951. O retablo está feito de arenito e pode que orixinalmente estivese situado na igrexa do castelo de Visborg.[1]
Galería de imaxes
[editar | editar a fonte]-
Vista dende o aire -
Interior da igrexa -
Portal da torre
Notas
[editar | editar a fonte]- ↑ 1,0 1,1 Jacobsson, Britta; Johansson, Eva; Johansson, Per; Andersson, Rolf (1990). Våra kyrkor. Västervik: Klarkullens förlag AB. p. 675. ISBN 91-971561-08.
