José García Acuña

José García Acuña

Biografía
Nacemento	15 de xaneiro de 1873 Betanzos, España
Morte	10 de xuño de 1933 (60 anos) A Coruña, España
Lugar de sepultura	cemiterio de Betanzos
Educación	Universidade de Santiago de Compostela
Actividade
Ocupación	diplomático, escritor
Membro de	Real Academia Galega (académico de número) (1932–1933)
Familia
Irmáns	Fernando García Acuña

José García Acuña, nado en Betanzos o 15 de xaneiro de 1873 e finado na Coruña o 10 de xuño de 1933, foi un diplomático e escritor galego.

Traxectoria

Estudou Dereito na Universidade de Santiago de Compostela. En 1896 ingresou na carreira diplomática e foi vicecónsul en Nova York, Chicago, as illas Bermudas, Nova Orleáns e Porto Rico; cónsul na Guaira, Panamá, Hendaia, O Havre, Saint-Nazaire, Bombai, A Habana e Veracruz; e delegado de España na Comisión Hispano-Mexicana de Reclamacións. Colaborou en El Globo, Blanco y Negro, La Esfera, e Diario de la Marina. Foi director de El Noroeste e presidente da Federación Provincial Agraria en 1922. Ingresou na Real Academia Galega o 15 de novembro de 1932 co discurso Conquista y evangelización de la Nueva Galicia, contestado por Félix Estrada Catoyra.

Era irmán de Fernando García Acuña.

Obras

• De vita et moribus. Solaces literarios, 1913.
• El regionalismo, 1918.
• La Mariñana, 1923.
• Idearium Regionalista: Esquema sintético de la evolución regionalista ibérica, 1924.
• Conquista y evangelización de la Nueva Galicia, 1932.

Véxase tamén

Bibliografía

• Míguez Rodríguez, José Antonio (1986). "El ideario regionalista de José García Acuña" (PDF). Anuario Brigantino 9: 129–134. Consultado o 19 de agosto de 2012. 
• Torres Regueiro, Xesús (1987). "Os animadores da prensa local (I)" (PDF). Anuario Brigantino 10: 83–90. Consultado o 19 de agosto de 2012.