A lingua tübatulabal é unha lingua da familia uto-azteca, falada tradicionalmente polo pobo tübatulabal no condado de Kern, en California, nos Estados Unidos. Porén a maioría do pobo tübatulabal fala inglés.[3] Orixinalmente, a lingua tiña tres dialectos: bakalanchi, pakanapul e palegawan.
En inglés, o termo tübatulabal refírese tanto ao pobo como á súa lingua. Porén, na súa propia lingua, o termo tübatulabal refírese só ao pobo tübatulabal. A súa orixe non está clara, mais pode estar relacionada co substantivo tɨba- "piñóns". O termo tübatulabal para a lingua é pakaːnil.
