Lobo branco
O lobo branco é unha das aparicións descritas na mitoloxía galega, cuxa presenza se interpreta como un agoiro de morte, o que o asemella a outros seres míticos como a raposa do aire ou a cadela peregrina.
Na Limia descríbese como un lobo grande, de cor branca, que oubea máis forte que os outros lobos da manda, anunciando a morte dun veciño do lugar. Nas Fiestras (Xinzo de Limia) contan que dous mozos que viñan de facer as beiras a algunha moza foron atacados por lobos; un escapou e foi buscar axuda pero, cando regresaron, xa armados, o outro mozo xa estaba morto, e xunto el, tamén un lobo.
En Vila de Cruces, na parroquia de Merza, hai un monte chamado A Peneda dos Lobos, onde se xuntaba unha manda de lobos. Os veciños montaron unha partida de caza e conseguiron matalos, menos a un, un gran lobo branco que segue ouveando alí tódalas noites.
Véxase tamén
[editar | editar a fonte]Bibliografía
[editar | editar a fonte]- Cuba, Xoán Ramiro; Miranda, Xosé; Reigosa, Antonio (2022). Dicionario dos seres míticos galegos. Vigo: Edicións Xerais de Galicia. ISBN 978-84-1110-072-4.
- VAQUEIRO, Vítor: Mitoloxía de Galiza. Lendas, tradicións, maxias, santos e milagres. Ed. Galaxia, Vigo 2011.
