Cadrón, Lalín

Cadrón
Igrexa de Santo Estevo de Cadrón.
Concello	Lalín
Provincia	Pontevedra
Coordenadas	42°44′40″N 8°03′49″O
Área	5,8 km²
Poboación	155 hab. (2011)
Densidade	26,72 hab./km²
Entidades de poboación	3
[ editar datos en Wikidata ]

Santo Estevo de Cadrón é unha parroquia que se localiza no concello de Lalín. Segundo o IGE en 2011 tiña 155 habitantes (89 mulleres e 66 homes), distribuídos en 3 entidades de poboación, o que supón unha diminución en relación ao ano 1999 cando tiña 190 habitantes.

Nesta parroquia naceu o escritor e político José Luis Sucasas.

Patrimonio

Conserva varias mámoas. O castro de Cadrón confórmase a partir dun único recinto de forma oval. O eixo maior ten orientación ONO-LSL e mide uns 90 m e o eixo NNO-SSL mide uns 50 m, tomados na zona máis ancha. Non se toman medidas no exterior polo mal estado de conservación das estruturas que impiden a súa perfecta delimitación. O recinto conserva terraplén por todo o seu perímetro, excepto no cuadrante NL. Presenta parapeto polo oeste e sur duns 4 m de anchura máxima e unha caída cara ao interior de 1 m. Na súa composición, ademais de terra había pedra de granito, a xulgar pola abundancia de restos pétreos no seu contorno, pero non se pode precisar se conformaba unha estrutura muraria.

A igrexa parroquial, que foi reconstruída a finais do século XIX, está presidida por un campanario en forma de camarín de pedra. Na arquitectura popular destaca a Casa do Fidalgo.

Galería de imaxes

Artigo principal: Galería de imaxes de Cadrón, Lalín.

• 
  Portada da igrexa de Cadrón.

Lugares e parroquias

Lugares de Cadrón

Lugares da parroquia de Cadrón no concello de Lalín (Pontevedra)
Cadrón | O Castelo | Lamas

Véxase tamén

Outros artigos

• Lugares de Lalín

Ligazóns externas

• Cadrón na web do concello de LalínArquivado 25 de abril de 2016 en Wayback Machine.