Cercio, Lalín

Cercio
	Igrexa de Santiago de Cercio.
Concello	Lalín
Provincia	Pontevedra
Coordenadas	42°45′13″N 8°07′30″O / 42.7535316, -8.1249386
Área	3,9 km²
Poboación	246 hab. (2011)
Densidade	63,08 hab./km²
Entidades de poboación	8
	[ editar datos en Wikidata ]

Santiago de Cercio é unha parroquia que se localiza no concello de Lalín. Segundo o IGE en 2011 tiña 246 habitantes (126 mulleres e 120 homes), distribuídos en 8 entidades de poboación, o que supón unha diminución en relación ao ano 1999 cando tiña 285 habitantes.

Nesta parroquia fundouse a Banda de música de Mato.

Patrimonio

Cercio conserva unha igrexa construída no ano 1700 e un cruceiro levantado en 1908. No chamado Coto das Covas consérvase a entrada dunha escavación subterránea, da que se di que os romanos extraeron ferro, estaño e volframio, aínda que semella máis unha simple cala de prospección.

Servizos

Cercio conta cun colexio público, chamado CEIP Plurilingüe Varela Buxán.^[2] As especialidades impartidas nel son: Música, Relixión, Educación Física, Inglés e Seccións bilingües.

Dito Colexio leva o nome de Varela Buxán en conmemoración ao escritor e director teatral galego Manuel Daniel Varela Buxán, nado en Lamas (A Estrada) o 2 de marzo de 1909 e finado en Cercio (Lalín) o 25 de setembro de 1986.

Na parroquia tamén se encontra unha Sociedade cooperativa, Cobideza.^[3] Foi fundada no ano 1994, aínda que xa funcionaba como unha agrupación de gandeiros a finais dos anos 80. Na actualidade esta Sociedade conta con 250 socios (155 deles produtores de leite) dos seguintes concellos: Lalín, Agolada, Vila de Cruces e Silleda. Os servizos que se ofrecen son a comercialización de leite crúa, servizo de maquinaria, servizo de veterinarios, servizo agronómico, servizo de alimentación, servizo de substitución, servizo farmacéutico e tramitación de seguros agrogandeiros.

Cercio conta cun grupo de baile e música tradicional denominado A Carballeira de Cercio.^[4] Creada en 1997 por Juan Morandeira e constituída actualmente por 30 compoñentes de diferentes idades que actúan en Festivais de folclore, tanto en Galicia como en diferentes provincias da Península.

Festas

O 14 e o 15 de setembro celebra as súas festas patronais, en honor á Virxe dos Milagres.

Galería de imaxes

Busto de Manuel Daniel Varela Buxán.

Lugares e parroquias

Lugares de Cercio

Lugares da parroquia de Cercio no concello de Lalín (Pontevedra)
Cercio de Abaixo \| Cercio de Arriba \| Chares \| Loucenzo \| Mato \| As Pallotas \| Santa Baia \| Xirón

Parroquias de Lalín

Galicia | Provincia de Pontevedra | Parroquias de Lalín

Notas

↑ ^1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
↑ "CEIP Varela Buxán". www.edu.xunta.gal. Consultado o 8-5-2019.
↑ Sociedad Cooperativa de la Bisbarra del Deza
↑ "A Carballeira de Cercio". Arquivado dende o orixinal o 12 de agosto de 2020. Consultado o 08 de maio de 2019.

Véxase tamén

Outros artigos

Lugares de Lalín

Ligazóns externas

Cercio na web do concello de Lalín Arquivado 25 de abril de 2016 en Wayback Machine.

[nomenclátor-1] 1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

[2] "CEIP Varela Buxán". www.edu.xunta.gal. Consultado o 8-5-2019.

[3] Sociedad Cooperativa de la Bisbarra del Deza

[4] "A Carballeira de Cercio". Arquivado dende o orixinal o 12 de agosto de 2020. Consultado o 08 de maio de 2019.

[1]

[2]

[3]

[4]