Val do Carrio, Lalín

Para outras páxinas con títulos homónimos véxase: Val.

Para outras páxinas con títulos homónimos véxase: O Carrio.

Val do Carrio
Igrexa de Santo André de Val do Carrio.
Concello	Lalín
Provincia	Pontevedra
Coordenadas	42°44′27″N 8°08′07″O
Área	3 km²
Poboación	61 hab. (2011)
Densidade	20,33 hab./km²
Entidades de poboación	3
[ editar datos en Wikidata ]

Santo André de Val do Carrio é unha parroquia que se localiza no concello de Lalín. Segundo o IGE ene 2011 tiña 61 habitantes (32 homes e 29 mulleres), distribuídos en 3 entidades de poboación, o que supón unha diminución en relación ao ano 1999 cando tiña 74 habitantes.

Historia

O medievalista Ventura Cañizares del Rey identifica esta parroquia coa vila de Ovali, doada en 968 ao mosteiro de Antealtares, e o lugar de Abonxo co de Abaonio. Nas súas inmediacións topáronse muíños de man, cerámica e outros obxectos.

A Pena de Ouro debe o seu nome ao achado dun tesouro cando se abriu a estrada Lalín-Vila de Cruces.

Patrimonio

O Pazo de Val do Carrio, chamado A Casagrande, foi fundado no século XVI como un vínculo da Casa de Cercio, é un dos máis brasonados da Galicia interior, presenta sete escudos coas armas dos Castro, Gil, Varela, Gundín, Salgado, Taboada, Deza, Camba, López de Lemos. A casa-torre foi restaurada ao final dos anos setenta.

A igrexa parroquial, construída no século XVIII como capela familiar, é sinxela pero de elegante factura.

Lugares e parroquias

Lugares de Val do Carrio

Lugares da parroquia de Val do Carrio no concello de Lalín (Pontevedra)
Abonxo | O Carrio | Val

Véxase tamén

Outros artigos

• Lugares de Lalín

Ligazóns externas

• Val do Carrio na web do concello de LalínArquivado 25 de abril de 2016 en Wayback Machine.