Saltar ao contido

Goberno Militar de Pontevedra

Na Galipedia, a Wikipedia en galego.
Goberno Militar de Pontevedra
Fachada principal á beira do Parque das Palmeiras
Tipoedificio e edificio militar Editar o valor en Wikidata
Estiloarquitectura ecléctica Editar o valor en Wikidata
Uso(s)Sede da Subdelegación de Defensa na provincia de Pontevedra
Localización
Mapa
 42°25′46″N 8°38′49″O / 42.42953, -8.64683
EstadoEspaña
Comunidade autónomaGalicia
Provinciaprovincia de Pontevedra
ConcelloPontevedra Editar o valor en Wikidata
LocalizaciónPontevedra
Código postal36001 Editar o valor en Wikidata
EnderezoPaseo de Cervantes, 3
Datas
Inicio construción1889
Remate construción1892
Fundación1892 Editar o valor en Wikidata
Acontecementos
1889 – 1892construción
1913 Goberno Militar (Pontevedra) Editar o valor en Wikidata
Persoas e organizacións
Propietario/aMinisterio de Defensa de España
Arquitecto/aAlejandro Sesmero
ContratistaJosé Cons Estévez
OcupanteGoberno Militar (Pontevedra) Editar o valor en Wikidata
[ Wikidata ]

O Goberno Militar de Pontevedra é un edificio de finais do século XIX na cidade de Pontevedra deseñado polo arquitecto Alejandro Sesmero.

Localización

[editar | editar a fonte]

O edificio está situado no límite sueste do Parque das Palmeiras no centro de Pontevedra.

Historia

[editar | editar a fonte]

En 1879 o alcalde de Pontevedra Alejandro Mon Landa propuxo crear unha casa escola para agrupar as escolas de instrución primaria da cidade. En 1882 o arquitecto Alejandro Sesmero presentou o deseño. Debido a que se considerou que o orzamento era demasiado elevado, a execución do proxecto sufriu un importante atraso. A finais de 1885 o alcalde José López Pérez retomou o proxecto e Sesmero retocouno para rebaixar o orzamento. En setembro de 1887 aprobouse a construción do edificio no antigo campo da feira de San Xosé.[1]

As obras adxudicáronse ao construtor José Cons Estévez e empezaron en 1889[2] e concluíron en abril de 1892. O edificio inaugurouse como escola en agosto de 1892. En setembro dese ano iniciouse no edificio, que se denominou Grupo Escolar Eduardo Vincenti (popularmente Grupo Escolar Las Palmeras), o curso académico de todas as escolas graduadas da cidade reunidas.[3]

O edificio funcionou provisionalmente como Hospital de Campaña no período comprendido entre a derriba do Hospital de San Xoán de Deus da praza de Curros Enríquez e a construción do Hospital Provincial de Pontevedra (1896-1897). Desde 1898[4] o edificio acolleu a Brigada Topográfica do Goberno Militar de Pontevedra ata que en 1909 foi devolto ao concello. Con todo, o concello de Pontevedra cedeu definitivamente ao Exército o edificio para uso militar en 1913 como sede do Goberno Militar da provincia de Pontevedra.[3]

O 19 de xuño de 1995 o Goberno Militar de Pontevedra transformouse na Delegación de Defensa da provincia de Pontevedra.[5] Algúns anos despois, por orde do 7 de novembro de 2003 a Delegación de Defensa de Pontevedra converteuse como na maioría das capitais provinciais españolas en Subdelegación de Defensa da provincia.[6]

Descrición

[editar | editar a fonte]

O edificio foi deseñado inicialmente polo arquitecto Alejandro Sesmero cunha soa altura para evitar as caídas dos nenos ao subir e baixar escaleiras.[1]

Trátase dun edificio de planta rectangular e alongada no que predominan as liñas horizontais. Consta de planta baixa e primeiro piso e tres corpos na fachada principal. Os vans teñen recercados planos rematados en arcos rebaixados. O corpo central está lixeiramente máis avanzado e decorado que os laterais. Na entrada principal destaca o balcón de pedra no primeiro piso apoiado en dúas columnas con capiteis de orde toscana que sosteñen un entaboamento liso.[7]

A fachada traseira ten un deseño similar ao da fachada principal pero ten un corpo central saínte no lugar da balconada e da entrada porticada ao edificio. Está rodeada dun espazo con árbores e xardíns de uso privado para o ministerio de Defensa.

Notas

[editar | editar a fonte]
  1. ↑ 1,0 1,1 "El Grupo Escolar". Faro (en castelán). 24 de novembro de 2013. 
  2. ↑ "Ladrillo de lujo". Faro (en castelán). 10 de febreiro de 2011. 
  3. ↑ 3,0 3,1 "El colegio que acabó siendo sede militar". Faro (en castelán). 30 de xuño de 2013. 
  4. ↑ "Marea propone convertir en guardería el edificio de la Subdelegación de Defensa". Pontevedra Viva (en castelán). 20 de outubro de 2017. 
  5. ↑ "Orden 75/1995, de 18 de mayo, por la que se implantan las Delegaciones de Defensa en Alava, Ciudad Real, Huesca, Las Palmas, Pontevedra, Segovia y Tarragona.". Boletín Oficial del Estado (en castelán). 27 de maio de 1995. 
  6. ↑ "Orden DEF/3150/2003, de 7 de noviembre, por la que se establece la implantación territorial, la estructura y las normas para la constitución, organización y funcionamiento de las Delegaciones de Defensa.". Boletín Oficial del Estado (en castelán). 13 de novembro de 2003. 
  7. ↑ Fontoira Surís 2009, p. 424

Véxase tamén

[editar | editar a fonte]

Bibliografía

[editar | editar a fonte]
  • Fontoira Surís, Rafael (2009). Pontevedra monumental. Pontevedra: Deputación de Pontevedra. p. 424. ISBN 9788484573272. 

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Goberno_Militar_de_Pontevedra&oldid=6406165»