Paris Adot
 (2024)  | |||||||||||||||||||||||||||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (eu) Paris Alejandro Adot Barandiaran 26 de febreiro de 1990 (34 anos)Pamplona, España | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Altura | 1,80 m. | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Período de actividade | 2010 - | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Posición de xogo | Lateral dereito | ||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||
Paris Alejandro Adot Barandiaran, nado en Pamplona o 26 de febreiro de 1990, é un futbolista español que xoga de defensa no Algeciras, da Primeira Federación
Traxectoria
[editar | editar a fonte]Formado nas categorías inferiores da SD Lagunak, debutou co primeiro equipo deste club na tempada 2009/10, en Rexional Preferente. Na tempada 2010/11 fichou polo Cádiz para xogar co seu filial, o Cádiz B, na Terceira División. A continuación volveu a Navarra e pasou polo Mutilvera, o Izarra e o Osasuna Promesas.[1]
Na tempada 2015/16 xogou no Tudelano, co que disputou 40 partidos, todos eles como titular, e marcou cinco goles. Xogou a promoción de ascenso a Segunda, caendo diante do Hércules. En xullo de 2016 asinou co Real Murcia,[2] onde xogou media tempada ata que en xaneiro de 2017 rescindiu o seu contrato e fichou polo Sabadell.
En xuño de 2017 fichou polo Mirandés, do Grupo II da Segunda División B. Titular indiscutible durante os seguintes dous anos, proclamouse campión do seu grupo na súa primeira campaña, con con Pablo Alfaro como adestrador, pero non puido ascender, ao caer na promoción. Si o conseguiu na seguinte campaña, con Borja Jiménez no banco, proclamándose tamén campión da Copa Federación.
Tras lograr o ascenso deixou Miranda de Ebro e aceptou a oferta do Alcorcón, co que debutou na Segunda División.[3] Disputou 27 partidos co equipo da Comunidade de Madrid, co que obtivo o décimo posto na liga. En 2020 rescindiu o seu contrato e fichou pola Ponferradina, da mesma categoría.[4] Militou durante os seguintes tres anos no club do Bierzo, xogando un total de 108 partidos oficiais, case todos como titular. Na súa terceira campaña o equipo descendeu á Primeira División RFEF.
En xuño fichou polo Deportivo da Coruña, que pagou a súa cláusula de rescisión.[5] Comezou o campionato da Primeira Federación alternando no lateral dereito con Ximo Navarro e afianzouse como titular grazas aos continuos problemas físicos deste.[6] Con todo, lonxe de cumprir as expectativas, trala recuperación de Ximo quedou relegado á suplencia e completou a campaña cun total de 28 encontros, 20 deles saíndo dende o inicio. O equipo proclamouse campión da categoría e logrou o ascenso á Segunda División.[6]
Ao remate da tempada, o Deportivo rescindiu o seu contrato e en agosto de 2024 anunciouse a súa fichaxe polo Algeciras.[7]
Palmarés
[editar | editar a fonte]- Mirandés
- Segunda División B (1): 2017/18.
- Copa Federación (1): 2018/19.
- Deportivo da Coruña
Notas
[editar | editar a fonte]- ↑ "El Tudelano ficha a Paris Adot, Arkaitz Ruiz y Santi Samanes" (en castelán). 3 de xullo de 2015. Consultado o 20 de agosto de 2023.
- ↑ "Paris Adot, nuevo fichaje del Real Murcia" (en castelán). 5 de xullo de 2016. Consultado o 20 de agosto de 2023.
- ↑ Jiménez, Álex (4 de xullo de 2019). "Paris Adot, refuerzo de garantías para la defensa del Alcorcón". Marca (en castelán). Consultado o 20 de agosto de 2023.
- ↑ "Paris Adot deja el Alcorcón y se marcha a la Ponferradina". Marca (en castelán). 25 de agosto de 2020. Consultado o 20 de agosto de 2023.
- ↑ Simón, José Manuel (29 de xuño de 2023). "El Dépor abona la cláusula de rescisión de Paris Adot: el primer fichaje de la nueva era" (en castelán). Consultado o 20 de agosto de 2023.
- ↑ 6,0 6,1 Otero, Marcos (18 de xuño de 2024). "La operación salida del Dépor, caso a caso". La Opinión A Coruña (en castelán). Consultado o 14 de agosto de 2024.
- ↑ "Paris Adot, nuevo jugador del Algeciras C.F." (en castelán). 10 de agosto de 2024. Consultado o 14 de agosto de 2024.
